KA HŌʻIKE ʻANA A IOANE KA HAIPULE 18:10 - Ka Baibala Hemolele

¹⁰ e kū nō lākou ma kahi lōʻihi ʻē aku no ka makaʻu i kona ʻeha, me ka ʻōlelo iho, ‘Auē, auē, ʻo kēlā kūlanakauhale nui, ʻo Babulona, ke kūlanakauhale ikaika! No ka mea, i ka hora hoʻokahi, ua hiki mai kou hoʻopaʻi ʻana.’

KA HŌʻIKE ʻANA A IOANE KA HAIPULE 18:10 Iomraidhean Croise

KA WĀNANA A ʻISAIA 21:9

“Aia hoʻi, hele mai kekahi mau holo lio kaua, ʻo nā holo lio pāpālua.” ʻŌlelo maila, ʻī mai, “Ua hāʻule ʻo Babulona, ua hāʻule; Ua hoʻohiolo ʻo ia i kona poʻe akua kiʻi i lalo i ka honua.”

KA WĀNANA A ʻISAIA 47:9

“Akā, e kau hoʻohikilele mai nō kēia mau mea ʻelua ma luna ou, ma ka lā hoʻokahi, ʻO ka lilo keiki ʻana, a me ka wahine kāne make ʻana; E kau loa mai nō ia mau mea ma luna ou ma ka ʻoiaʻiʻo maoli, No ka nui o kou kilokilo ʻana, a no ka nui loa o kou hoʻopiʻopiʻo ʻana.

KA WĀNANA A IEREMIA 30:7

‘Auē! No ka mea, he lā nui ia, ʻAʻohe mea e like mea ia, ʻO ka manawa nō ia o ka pōpilikia o kā Iakoba; Akā, e hoʻōla ʻia nō ʻo ia, mai loko mai o ia.

KA WĀNANA A ʻEZEKIʻELA 32:9

“A e hoʻopiʻoloke au i ka naʻau o nā kānaka he nui, i koʻu lawe ʻana i kou luku ʻia i waena o nā lāhui kanaka, i loko o nā ʻāina āu i ʻike ʻole ai.

IOʻELA 1:15

Auē no ka lā! No ka mea, ua kokoke mai ka lā o Iēhova, A me he make lā e hiki mai ai ia mai ka Mea Mana mai.

ʻAMOSA 5:16

¶ No ia hoʻi, ke ʻōlelo mai nei ʻo Iēhova, ke Akua o nā kaua, ka Haku, pēnēia: “Ma nā alanui a pau he auē ʻana; A ma nā wahi i waho a pau, e ʻōlelo lākou, ‘Auē! Auē!’ A e kāhea aku lākou i ka mea mahi ʻai i ka ʻū ʻana, A i ka poʻe ʻike e kanikau i ka uē ʻana.

KA BUKE ʻAHĀ A MOSE, I KAPA ʻIA NĀ HELU 16:34

A holo akula kā ʻIseraʻela a pau ma kēlā ʻaoʻao a ma kēia ʻaoʻao o lākou, i ko lākou hoʻōho ʻana; ʻī aʻela lākou, “O ale auaneʻi ka honua iā kākou!”

KA HŌʻIKE ʻANA A IOANE KA HAIPULE 11:8

A e waiho wale ʻia ko lāua kupapaʻu ma nā alanui o ke kūlanakauhale nui, i kapa ʻia ma ka hoʻohālike, ʻo Sodoma, a ʻo ʻAigupita, ʻo kahi hoʻi i kau ʻia ai ko lāua Haku ma ke keʻa.

KA HŌʻIKE ʻANA A IOANE KA HAIPULE 14:8

¶ Hahai akula ka lua o nā ʻānela, ʻī maila, “Ua hāʻule, ua hāʻule ʻo Babulona, ke kūlanakauhale nui; no ka mea, ua hoʻīnu akula ʻo ia i ko nā ʻāina a pau i ka waina o ka ukiuki no kona moekolohe ʻana.”

KA HŌʻIKE ʻANA A IOANE KA HAIPULE 16:19

A mahele ʻia aʻela ke kūlanakauhale nui, a lilo i ʻekolu, a hāʻule ihola nā kūlanakauhale o nā lāhui kanaka; a hoʻomanaʻo iho ke Akua iā Babulona nui i hāʻawi iā ia i ke kīʻaha o ka waina o ka ikaika o kona inaina.

KA HŌʻIKE ʻANA A IOANE KA HAIPULE 17:12

“A ʻo nā pepeiaohao he ʻumi āu i ʻike ai, he ʻumi ia mau aliʻi, i loaʻa ʻole iā lākou ke aupuni i nēia wā; akā, e loaʻa nō iā lākou ka mana, e like me nā aliʻi, no ka hora hoʻokahi, me ua holoholona lā.

KA HŌʻIKE ʻANA A IOANE KA HAIPULE 18:18

a ʻike lākou i ka uahi o kona ʻaʻā ʻana, hea akula lākou, ʻī akula, ‘He aha ka mea like me kēia kūlanakauhale nui?’

KA HŌʻIKE ʻANA A IOANE KA HAIPULE 18:19

“A hoʻolei lākou i ka lepo ma luna iho o ko lākou poʻo, a hea akula me ka uē a me ke kanikau, ʻī akula, ‘Auē, auē, ʻo ke kūlanakauhale nui, kahi i waiwai ai ka poʻe mea moku a pau loa ma ka moana, no kona pākela maikaʻi! No ka mea, i ka hora hoʻokahi, ua hoʻolilo ʻia ʻo ia i mea ʻole!’

KA HŌʻIKE ʻANA A IOANE KA HAIPULE 18:21

¶ Lawe ihola kekahi ʻānela ikaika i ka pōhaku, me he pōhaku kaʻa palaoa nui lā, a kiola akula i ke kai, ʻī akula, “Pēlā e kiola ikaika ʻia aku ai ʻo Babulona, ke kūlanakauhale nui, ʻaʻole hoʻi e loaʻa hou aku.

KA HŌʻIKE ʻANA A IOANE KA HAIPULE 18:8

“No laila, i ka lā hoʻokahi e hiki mai ai kona mau ʻino, ʻo ka make, a me ke kanikau, a me ka wī; a e puhi loa ʻia nō hoʻi ia i ke ahi; no ka mea, ua ikaika loa ka Haku, ke Akua ka Mea e hoʻopaʻi ana iā ia.