KA HŌʻIKE ʻANA A IOANE KA HAIPULE 17:15 - Ka Baibala Hemolele

¹⁵ ʻĪ maila kēlā iaʻu, “ʻO nā wai āu i ʻike ai, ʻo kahi noho ai a ka wahine hoʻokamakama, ʻo ia nā lāhui kanaka, a me nā lehulehu, a me nā aupuni, a me nā ʻōlelo.

KA HŌʻIKE ʻANA A IOANE KA HAIPULE 17:15 Iomraidhean Croise

KA BUKE O NĀ HALELŪ 18:4

¶ Ua puni au i ka ʻehaʻeha o ka make; Ua hoʻoweliweli mai iaʻu nā ʻale o ka poʻe ʻaiā.

KA BUKE O NĀ HALELŪ 65:7

Ka Mea i hoʻomālielie i ka halulu ʻana o nā kai, Ka halulu ʻana o nā ʻale o lākou, a me ka wawā ʻana o kānaka.

KA WĀNANA A IEREMIA 47:2

Ke ʻī mai nei ʻo Iēhova penei, “Aia hoʻi, ke piʻi mai nei nā wai, mai ke kūkulu ʻākau mai, A e lilo i waikahe, A e hālana mai nō ma luna o ka ʻāina, a ma luna o kona mau mea a pau e piha ai, ʻO ke kūlanakauhale, a me ka poʻe e noho lā ma loko; A laila, e uē ai nā kānaka, A e ʻaoa hoʻi ka poʻe a pau e noho lā ma ka ʻāina.

KA WĀNANA A IEREMIA 51:13

E ka mea e noho lā ma nā wai nui, Ka mea waiwai nui hoʻi, Ua hiki mai kou hope, a me ke ana o kou hao ʻana.

KA WĀNANA A IEREMIA 51:42

“Ua piʻi mai ke kai ma luna o Babulona; Ua uhi ʻia ʻo ia i ka nui o kona mau ʻale.

KA WĀNANA A IEREMIA 51:55

No ka mea, ua hao wale ʻo Iēhova iā Babulona, A ua hoʻōki hoʻi i ka walaʻau nui mai ona aku; A halulu kona mau ʻale e like me nā wai nui, Kani nō ka leo o kona walaʻau.

KA WĀNANA A ʻEZEKIʻELA 31:4

‘Na nā wai i hoʻonui iā ia, ua hoʻokiʻekiʻe ka hohonu iā ia Me kona mau waikahe e kahe ana a puni kona wahi i kanu ʻia ai, A ua hoʻopuka aʻe i kona mau kahawai liʻiliʻi i nā kumu lāʻau a pau.

KA HŌʻIKE ʻANA A IOANE KA HAIPULE 10:11

ʻĪ maila kēlā iaʻu, “E pono iā ʻoe ke wānana hou aku, i nā lāhui kanaka, a me ko nā ʻāina, a me nā ʻōlelo, a me nā aliʻi he nui loa.”

KA HŌʻIKE ʻANA A IOANE KA HAIPULE 11:9

A ʻike aku kekahi poʻe o nā lāhui kanaka a me nā ʻohana a me nā ʻōlelo, a me ko nā ʻāina i ko lāua mau kupapaʻu i ʻekolu lā a me ka hapa, ʻaʻole hoʻi e ʻae aku ana e waiho ʻia ko lāua kino ma ka lua.

KA HŌʻIKE ʻANA A IOANE KA HAIPULE 17:1

¶ Hele maila kekahi o nā ʻānela ʻehiku, iā lākou nā hue ʻehiku, a kamaʻilio mai iaʻu, ʻī maila, “Hele mai; naʻu nō e hōʻike aku iā ʻoe i ke ʻāhewa ʻia o ka wahine hoʻokamakama nui e noho ana ma luna o nā wai nui.

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.