KA HŌʻIKE ʻANA A IOANE KA HAIPULE 16:5 - Ka Baibala Hemolele

⁵ A lohe aku au i ka ʻānela o nā wai, i ka ʻī ʻana mai, “Pono nō ʻoe, e ka Haku, e ka Mea e noho lā, a me ka Mea mua, ka Mea Hemolele; no ka mea, ua hoʻopaʻi ʻoe i kēia mau mea.

KA HŌʻIKE ʻANA A IOANE KA HAIPULE 16:5 Iomraidhean Croise

KA BUKE MUA A MOSE, I KAPA ʻIA KINOHI 18:25

“ʻAʻole loa ʻoe e hana pēlā, ke pepehi pū i ka poʻe pono me ka poʻe hewa, i like pū ai ka poʻe pono me ka poʻe hewa, ʻaʻole loa ʻoe pēlā! ʻAʻole anei e hana pono ka luna kānāwai o ka honua a pau?”

KA BUKE O NĀ HALELŪ 129:4

Ua pono nō ʻo Iēhova; Ua ʻoki mai ʻo ia i nā kaula o ka poʻe hewa.

KA BUKE O NĀ HALELŪ 145:17

¶ He pono nō ʻo Iēhova i kona mau ʻaoʻao a pau, A ua lokomaikaʻi hoʻi ma nā hana āna a pau.

KE KANIKAU A IEREMIA 1:18

“ʻO Iēhova, ua hemolele ʻo ia; No ka mea, ua kūʻē aku au i kona waha; Ke noi aku nei au, e hoʻolohe mai, e nā kānaka a pau, E nānā mai hoʻi i koʻu ʻeha; Ua hele akula koʻu poʻe wāhine puʻupaʻa, a me koʻu poʻe kānaka uʻi i loko o ke pio.

KA BUKE NO DANIʻELA 9:14

“No ia mea, ua nānā ʻo Iēhova i ka pōʻino, a hoʻoili mai ma luna o mākou; no ka mea, ua pono ʻo Iēhova ko mākou Akua ma ka hana a pau āna i hana ai; no ka mea, ʻaʻole mākou i hoʻolohe aku i kona leo.

KA ʻEUANELIO I KĀKAU ʻIA AI E IOANE 17:25

“E ka Makua lokomaikaʻi, ʻaʻole i ʻike ko ke ao nei iā ʻoe; akā, ua ʻike au iā ʻoe, a ua ʻike lākou nei, ua hoʻouna mai ʻoe iaʻu.

ʻO KA ʻEPISETOLE A PAULO KA LUNAʻŌLELO I KO ROMA 2:5

Akā, ma muli o kou paʻakikī a me ka naʻau mihi ʻole e hoʻāhu ana ʻoe nou iho i ka inaina no ka lā e inaina ʻia mai ai, a e hōʻike ʻia mai ai hoʻi ka hoʻāhewa pono ʻana mai a ke Akua;

ʻO KA ʻEPISETOLE A PAULO KA LUNAʻŌLELO I KO ROMA 3:5

A inā e hoʻākāka aʻe ko kākou hewa i ka pono o ke Akua, he aha kā kākou mea e ʻōlelo ai? He pono ʻole anei ke Akua ke hoʻoili mai i ka inaina? (Ke ʻōlelo nei au ma kā ke kanaka.)

KA HŌʻIKE ʻANA A IOANE KA HAIPULE 1:4

¶ Na Ioane aku i nā ʻekalesia ʻehiku ma ʻĀsia: E aloha ʻia mai ʻoukou, a e maluhia hoʻi i ka Mea e noho ana, ka Mea ma mua hoʻi, ka Mea e hiki mai ana; a i nā ʻUhane ʻehiku e noho lā ma ke alo o kona noho aliʻi;

KA HŌʻIKE ʻANA A IOANE KA HAIPULE 1:8

¶ Ke ʻī mai nei ka Haku, “ʻO wau nō ka ʻAlepa a me ka ʻOmega, ke Kumu a me ka Wēlau, ka Mea e noho ana, ka Mea ma mua hoʻi, ʻo ka Mea e hiki mai ana nō, ʻo ka Mea Mana Loa.”

KA HŌʻIKE ʻANA A IOANE KA HAIPULE 11:17

ʻī akula, “Ke hoʻomaikaʻi aku nei mākou iā ʻoe, e ka Haku, ke Akua Mana Loa, ka Mea e noho lā, a ʻo ka Mea ma mua, a ʻo ka Mea e hiki mai ana; no ka mea, ua lawe ʻoe i kou mana nui iho, a ua hoʻomalu ʻoe i ke aupuni.

KA HŌʻIKE ʻANA A IOANE KA HAIPULE 16:4

¶ A ninini akula ka ʻānela ʻekolu i kona hue ma nā muliwai a me nā pūnāwai; a lilo lākou i koko.

KA HŌʻIKE ʻANA A IOANE KA HAIPULE 16:7

A lohe akula au i kekahi ma ke kuahu, e ʻī mai ana, “ʻO ia nō, e ka Haku ke Akua Mana Loa, he ʻoiaʻiʻo a he pololei kou hoʻopaʻi ʻana.”

KA HŌʻIKE ʻANA A IOANE KA HAIPULE 19:2

“«No ka mea, he ʻoiaʻiʻo a he pono kāna hoʻopaʻi ʻana»; no ka mea, ua hoʻāhewa ʻo ia i ka wahine hoʻokamakama nui, nāna i hoʻohaumia i ka honua, i kona hoʻokamakama ʻana, a «ua hoʻopaʻi hoʻi i ke koko o kāna poʻe kauā ma kona lima».”

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”

KA HŌʻIKE ʻANA A IOANE KA HAIPULE 6:10

Hea maila lākou me ka leo nui, ʻī maila, “E ka Haku, hoʻāno a me ka ʻoiaʻiʻo, pehea lā ka lōʻihi? ʻAʻole anei ʻoe e hoʻokolokolo, a e hoʻopaʻi hoʻi i ko mākou koko, ma luna o ka poʻe e noho lā ma ka honua?”