KA HŌʻIKE ʻANA A IOANE KA HAIPULE 16:2 - Ka Baibala Hemolele

² ¶ Hele akula ka mua, ninini akula i kona hue ma luna iho o ka honua; a puʻu maila ka hēhē, ʻinoʻino pono ʻole ma luna o ka poʻe kānaka i loaʻa ka hōʻailona o ka holoholona, a i hoʻomana aku i kona kiʻi.

KA HŌʻIKE ʻANA A IOANE KA HAIPULE 16:2 Iomraidhean Croise

KA BUKE ʻALUA O KA ʻOIHANA ALIʻI 21:15

“A e hiki mai ma luna ou ka ʻeha nui loa, no ka maʻi ma kou ʻōpū, no kou maʻi e pahu aku nō kou naʻau i waho i kēlā lā i kēia lā.’”

KA BUKE ʻALUA O KA ʻOIHANA ALIʻI 21:18

A ma hope iho o kēia mau mea, hahau maila ʻo Iēhova iā ia ma kona ʻōpū i ka maʻi hiki ʻole ke hoʻōla ʻia.

KA BUKE O NĀ HALELŪ 78:26

Hoʻopā maila ʻo ia i ko ka hikina makani ma ka lani; A i kona ikaika, kaʻi maila ʻo ia i ka makani o ke kūkulu hema.

KA WĀNANA A ʻISAIA 3:17

E hoʻoʻōlohelohe nō ka Haku i ka piko poʻo o nā kaikamāhine o Ziona, E hōʻike nō ʻo Iēhova i ko lākou wahi hilahila.

KA WĀNANA A ʻISAIA 3:24

Ma kahi i ʻaʻala, e pilau ana nō, Ma kahi kāʻei, he kaula, Ma ke oho ʻōwili e ʻōhule ana nō, Ma kahi o ka pāʻū hanohano, he kāʻei ʻinoʻino, Ma kahi maikaʻi e paʻawela ana nō.

NĀ ʻOIHANA A KA POʻE LUNAʻŌLELO 12:23

Uhau koke maila ka ʻānela o ka Haku iā ia, no kona hoʻonani ʻole ʻana i ke Akua. ʻAi ʻia ihola ia e nā ilo, a kāʻili akula ke aho.

KA BUKE ʻALIMA A MOSE, I KAPA ʻIA KĀNĀWAI LUA 28:27

¶ “A e hahau mai ʻo Iēhova iā ʻoe, i ka maʻi hēhē o ʻAigupita, a me ka hī koko, a me ka pehu pala, a me ke kākiʻo, ka mea hiki ʻole ke hoʻōla ʻia.

KA BUKE ʻALIMA A MOSE, I KAPA ʻIA KĀNĀWAI LUA 28:35

“A e pepehi mai ʻo Iēhova iā ʻoe i ka maʻi hēhē ʻeha ma nā kuli, a ma nā wāwae, ka mea hiki ʻole ke hoʻōla ʻia, mai ka poho o kou wāwae a hiki i ka piko o kou poʻo.

KA BUKE ʻALIMA A MOSE, I KAPA ʻIA KĀNĀWAI LUA 7:15

“A e lawe aku ʻo Iēhova i nā maʻi a pau mai ou aku nei, ʻaʻole hoʻi ia e kau i kekahi maʻi ahulau o ʻAigupita ma luna iho ou, āu i ʻike ai; akā, e kau aku kēlā ia mea ma luna iho o ka poʻe a pau e inaina mai iā ʻoe.

KA HŌʻIKE ʻANA A IOANE KA HAIPULE 13:12

Hana ihola nō ia me ka mana a pau o ka holoholona mua ma kona alo, a nāna nō i hoʻohuli i ka honua a me ka poʻe e noho ana ma luna iho, e hoʻomana i ka holoholona mua nona ka ʻeha make i hoʻōla ʻia.

KA HŌʻIKE ʻANA A IOANE KA HAIPULE 14:16

ʻO ka mea e noho ana ma ke ao, hoʻokomo ihola ia i kāna pahi kākiwi ma ka honua, a hōʻiliʻili ʻia ihola ko ka honua.

KA HŌʻIKE ʻANA A IOANE KA HAIPULE 14:9

¶ Hahai akula ka ʻānela ʻekolu iā lākou, e ʻōlelo ana me ka leo nui, “Inā e hoʻomana aku kekahi i ka holoholona a me kona kiʻi, a kau ʻia hoʻi kona hōʻailona ma kona lae, a ma kona lima paha,

KA HŌʻIKE ʻANA A IOANE KA HAIPULE 16:1

¶ A lohe akula au i ka leo nui mai ka luakini mai, e ʻōlelo ana i nā ʻānela ʻehiku, “Ō hele ʻoukou, a e ninini aku i nā hue ʻehiku o ko ke Akua inaina ma luna iho o ka honua.”

KA HŌʻIKE ʻANA A IOANE KA HAIPULE 16:11

a kūamuamu akula i ke Akua o ka lani no nā ʻeha o lākou a no nā maʻi hēhē, ʻaʻole hoʻi i mihi i kā lākou hana ʻana.

KA HŌʻIKE ʻANA A IOANE KA HAIPULE 8:7

¶ A puhi aʻela ka ʻānela mua, a hiki maila ka huahekili, a me ke ahi, i hui pū ʻia me ke koko, ua hoʻolei ʻia ihola ia i ka honua. Pau ihola i ke ahi ka hapakolu o nā lāʻau, a pau nō hoʻi ka mauʻu uliuli a pau i ke ahi.

KA BUKE MUA A SAMUʻELA 5:6

¶ A ua kaumaha ka lima o Iēhova ma luna o ko ʻAsedoda, a luku mai ʻo ia iā lākou, a hahau mai iā lākou i ka maʻi hī koko, i ko ʻAsedoda a me ko laila wahi a puni.

KA BUKE MUA A SAMUʻELA 5:9

A ma hope o kā lākou lawe ʻana aku ia mea ma laila, kūʻē maila ka lima o Iēhova i ua kūlanakauhale lā me ka luku nui loa; a hahau mai ia i nā kānaka o ke kūlanakauhale, i ka mea ʻuʻuku, a me ka mea nui, a pohā ihola ko lākou puʻupuʻu koko.