KA HŌʻIKE ʻANA A IOANE KA HAIPULE 16:16 - Ka Baibala Hemolele

¹⁶ A hoʻākoakoa ihola ʻo ia iā lākou i kahi i kapa ʻia, ma ka ʻōlelo Hebera, ʻo ʻAremagedona.

KA HŌʻIKE ʻANA A IOANE KA HAIPULE 16:16 Iomraidhean Croise

KA BUKE ʻALUA O KA ʻOIHANA ALIʻI 35:22

ʻAʻole i hāliu aʻe ʻo Iosia mai ona aku lā; akā, hūnā ʻo ia iā ia iho, a kaua aku iā ia; ʻaʻole ia i hoʻolohe i nā ʻōlelo a Neko mai ka waha o ke Akua mai, a hele ia e kaua ma ke awāwa ʻo Megido.

ZEKARIA 12:11

“Ia lā hoʻi, e nui auaneʻi ke kanikau ʻana ma Ierusalema, e like me ke kanikau ʻana o Hadaderimona ma ka pāpū ʻo Megido.

KA ʻEUANELIO I KĀKAU ʻIA AI E IOANE 19:13

A lohe nō ʻo Pilato i kēia ʻōlelo, alakaʻi akula ʻo ia iā Iesū i waho, a noho iho ma luna o ka noho hoʻokolokolo, ma kahi i kapa ʻia, he Kīpapa Pōhaku, a ʻo Gabata ma ka ʻōlelo Hebera.

KA ʻEUANELIO I KĀKAU ʻIA AI E IOANE 19:17

¶ A hele akula ia e hali ana i kona keʻa ma kahi i kapa ʻia ʻo ka Iwi Poʻo, a ʻo Golegota ma ka ʻōlelo Hebera.

KA ʻEUANELIO I KĀKAU ʻIA AI E IOANE 5:2

A ma Ierusalema, ma ka Puka Hipa, he wai ʻauʻau, ʻo Beteseda ka inoa i ka ʻōlelo Hebera, ʻelima ona mau hale malumalu.

NĀ ʻOIHANA A KA POʻE LUNAʻŌLELO 26:14

“A hina mākou a pau i ka honua, lohe akula au i ka leo, i ka ʻī ʻana mai iaʻu, ʻī maila ma ka ʻōlelo Hebera, ‘E Saulo, e Saulo, no ke aha lā ʻoe e hoʻomaʻau mai nei iaʻu? He mea ʻeha nou ke keʻehi mai i nā kui.’

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 9:11

He aliʻi nō hoʻi ko lākou, ʻo ia nō ka ʻānela o ka lua hohonu. A ʻo kona inoa Hebera, ʻo ʻAbadona, a ma ka ʻōlelo Helene, ʻo ʻApoluona kona inoa.

KA BUKE NO NĀ LUNA KĀNĀWAI 4:7

ʻA naʻu nō e kaʻi mai i mua ou, ma ke kahawai ʻo Kisona, iā Sisera, ka luna o ko Iabina poʻe koa, me kona poʻe kaʻa kaua, a me kona lehulehu; a e hāʻawi aku nō au iā ia i kou lima.’”

KA BUKE NO NĀ LUNA KĀNĀWAI 5:19

¶ “Hele mai nā aliʻi, a kaua, A laila, kaua nā aliʻi o Kanaʻana Ma Taʻanaka, ma nā wai o Megido; ʻAʻole lākou i lawe i ke kālā i mea waiwai.