KA HŌʻIKE ʻANA A IOANE KA HAIPULE 16:13 - Ka Baibala Hemolele

¹³ A ʻike akula au i nā ʻuhane haukaʻe ʻekolu e like me nā rana, mai loko mai o ka waha o ka deragona, a me ka waha o ka holoholona, a me ka waha o ke kāula wahaheʻe.

KA HŌʻIKE ʻANA A IOANE KA HAIPULE 16:13 Iomraidhean Croise

KA BUKE O NĀ HALELŪ 105:30

Hoʻokawowo maila ko lākou ʻāina i nā rana, Aia nō i loko o nā keʻena o ko lākou poʻe aliʻi.

KA BUKE O NĀ HALELŪ 78:45

Hoʻouka aʻela ʻo ia i ka makika ma luna o lākou, A nahu ihola ʻo ia iā lākou; A me nā rana hoʻi, a hoʻōki loa ʻo ia mau mea iā lākou.

KA ʻEUANELIO I KĀKAU ʻIA AI E MATAIO 7:15

¶ “E mālama hoʻi iā ʻoukou no ka poʻe kāula hoʻopunipuni ke hele mai i o ʻoukou nei me ka ʻaʻahu hipa; akā, ma loko, he poʻe ʻīlio hihiu hae lākou.

KA HŌʻIKE ʻANA A IOANE KA HAIPULE 16:14

He poʻe ʻuhane daimonio kēia, e hana ana i nā mea kupanaha, e hele ana hoʻi i nā aliʻi o ka honua nei a pau, e hoʻākoakoa iā lākou i ke kaua o kēlā lā nui o ke Akua Mana Loa.

KA HŌʻIKE ʻANA A IOANE KA HAIPULE 18:2

Hea maila ia me ka leo nui, ʻī maila, “Ua hāʻule, ua hāʻule ʻo Babulona, ka mea nui, a ua lilo ia i wahi noho ai no nā daimonio, a i wahi paʻa no nā ʻuhane haukaʻe a pau, a i hale e paʻa ai nā manu haumia a hoʻopailua a pau.

KA HŌʻIKE ʻANA A IOANE KA HAIPULE 19:20

A paʻa ihola ka holoholona, a me ke kāula wahaheʻe pū me ia, ka mea hana i nā mea kupanaha i mua ona, a pēlā ia i hoʻowalewale ai i ka poʻe i loaʻa ka hōʻailona o ka holoholona, a me ka poʻe i hoʻomana aku i kona kiʻi. A ua kiola ola ʻia aku lāua a ʻelua i loko o ka loko ahi e ʻaʻā ana i ka luaʻi pele.

KA HŌʻIKE ʻANA A IOANE KA HAIPULE 20:10

Kiola ʻia akula ʻo ka diabolō, nāna lākou i hoʻowalewale, i ka loko o ke ahi a me ka luaʻi pele, kahi o ka holoholona a me ke kāula wahaheʻe, a e hoʻomāinoino mau ʻia lākou i ke ao a me ka pō, ia ao aku ia ao aku.