KA HŌʻIKE ʻANA A IOANE KA HAIPULE 16:12 - Ka Baibala Hemolele

¹² ¶ Ninini akula ka ʻānela ʻeono i kona hue ma luna o ka muliwai nui ʻo ʻEuperate; a maloʻo ihola kona wai, i hoʻomākaukau ʻia ke ala no nā aliʻi ma ka hikina a ka lā.

KA HŌʻIKE ʻANA A IOANE KA HAIPULE 16:12 Iomraidhean Croise

KA WĀNANA A ʻISAIA 11:15

E hoʻomaloʻo nō ʻo Iēhova i ke kaikūʻono o ke kai ʻo ʻAigupita; A e hohola aku hoʻi kona lima ma luna o ka Muliwai me kona makani ikaika; E hahau nō hoʻi ʻo ia, a e lilo ia i ʻehiku kahawai, I hele lākou ma kēlā ʻaoʻao me nā kāmaʻa.

KA WĀNANA A ʻISAIA 41:25

¶ “Ua hoʻāla aku au i kekahi, mai ka ʻākau mai, a e hele ʻiʻo mai nō ia; E kāhea mai nō ʻo ia i koʻu inoa, mai kahi e puka mai ai ka lā; A e hele mai nō ʻo ia ma luna o nā aliʻi e like me ka lepo, E like hoʻi me ko ka potera hahi ʻana i ka lepo kāwili.”

KA WĀNANA A ʻISAIA 42:15

“E ʻānai aku au i nā kuahiwi, a me nā puʻu, A e hoʻomaloʻo aku nō au i ko lākou lau nahele a pau; E hoʻolilo wau i ko lākou muliwai i wahi maloʻo, A e hoʻomaloʻo nō hoʻi au i ko lākou loko.

KA WĀNANA A ʻISAIA 44:27

“Ka Mea i ʻōlelo i ka hohonu, ‘E maloʻo ʻoe,’ A e hoʻomaloʻo nō wau i kou mau muliwai.

KA WĀNANA A ʻISAIA 46:11

“Hea aku nō wau i ka manu huhū, mai ka hikina mai, I ke kanaka hoʻi aʻu i manaʻo ai, mai ka ʻāina mamao aku; ʻO ia, ua ʻōlelo nō wau, a naʻu hoʻi ia e hana; Ua manaʻo nō wau, a e hana ʻiʻo nō hoʻi au ia.

KA WĀNANA A ʻISAIA 8:7

“No laila, aia hoʻi! E lawe mai nō ka Haku ma luna o lākou, I nā wai he ikaika a he nui, o ka Muliwai, I ke aliʻi hoʻi o ʻAsuria, a me kona hanohano aliʻi a pau, A e hū nō ia ma waho o kona māno wai a pau, A e kahe hoʻi ma luna o kona mau kapa a pau.

KA WĀNANA A IEREMIA 51:36

No laila, ke ʻōlelo mai nei ʻo Iēhova penei, “Aia hoʻi, naʻu nō e hoʻoponopono i kou hoʻopiʻi ʻia, Naʻu hoʻi e hoʻopaʻi aku nou; A e hoʻomaloʻo nō wau i kona moana, A e hoʻopio nō hoʻi au i kona wai puna.

KA HŌʻIKE ʻANA A IOANE KA HAIPULE 11:14

¶ Ua hala ka lua o ka auē; aia hoʻi ke kolu o ka auē, e hiki koke mai ia.

KA HŌʻIKE ʻANA A IOANE KA HAIPULE 17:15

ʻĪ maila kēlā iaʻu, “ʻO nā wai āu i ʻike ai, ʻo kahi noho ai a ka wahine hoʻokamakama, ʻo ia nā lāhui kanaka, a me nā lehulehu, a me nā aupuni, a me nā ʻōlelo.

KA HŌʻIKE ʻANA A IOANE KA HAIPULE 7:2

A ʻike akula au i kekahi ʻānela ʻokoʻa e piʻi mai ana, mai ka hikina a ka lā mai; aia nō iā ia ka hōʻailona o ke Akua ola. A hea akula ia me ka leo nui i nā ʻānela ʻehā, ua hāʻawi ʻia mai na lākou e hana ʻino i ka ʻāina a me ka moana,

KA HŌʻIKE ʻANA A IOANE KA HAIPULE 9:14

ʻī maila i ka ʻānela ʻaono e paʻa ana i ka pū, “E wehe ʻoe i nā ʻānela ʻehā i hīkiʻi ʻia ma ka muliwai nui ma ʻEuperate.”