KA HŌʻIKE ʻANA A IOANE KA HAIPULE 16:11 - Ka Baibala Hemolele

¹¹ a kūamuamu akula i ke Akua o ka lani no nā ʻeha o lākou a no nā maʻi hēhē, ʻaʻole hoʻi i mihi i kā lākou hana ʻana.

KA HŌʻIKE ʻANA A IOANE KA HAIPULE 16:11 Iomraidhean Croise

KA BUKE ʻALUA O KA ʻOIHANA ALIʻI 28:22

¶ A i kona wā pōpilikia, hoʻonui ia i kona lawehala ʻana iā Iēhova. ʻO ia nō ua aliʻi lā, ʻo ʻAhaza.

KA BUKE ʻALUA O KA ʻOIHANA ALIʻI 36:23

“Pēnēia i ʻōlelo ai ʻo Kuro ke aliʻi o Peresia, ‘Ua hāʻawi mai ʻo Iēhova ke Akua o ka lani iaʻu i nā aupuni a pau o ka honua, a ua kauoha mai nō hoʻi ʻo ia iaʻu e hana i hale nona ma Ierusalema, ma Iuda. ʻO wai lā ka mea ma waena o ʻoukou no kona poʻe kānaka a pau? E piʻi aʻe ʻo ia, a ʻo Iēhova kona Akua kekahi pū me ia!’”

KA BUKE A ʻEZERA 1:2

“Pēnēia ka ʻōlelo a Kuro ke aliʻi o Peresia, ‘ʻO Iēhova ke Akua o ka lani, ua hāʻawi mai ia noʻu i nā aupuni a pau o ka honua; a ua kauoha mai ʻo ia iaʻu e hana i hale nona ma Ierusalema i Iuda.

KA BUKE A ʻEZERA 6:10

i kaumaha aku ai lākou i nā mea ʻala i ke Akua o ka lani, a i pule aku hoʻi no ke ola o ke aliʻi, a no kāna mau keiki.

KA BUKE A ʻEZERA 7:12

“ʻO ʻAretasaseta, ke aliʻi o nā aliʻi, iā ʻEzera ke kahuna, he kākau ʻōlelo akamai ma ke Kānāwai o ke Akua o ka lani, a pēlā aku nō.

KA BUKE A ʻEZERA 7:21

“A ʻo wau, ʻo wau ʻo ʻAretasaseta ke aliʻi, ke kauoha aku nei i ka poʻe mālama waiwai a pau ma kēlā ʻaoʻao o ka Muliwai, ʻo nā mea a pau a ʻEzera ke kahuna, ke kākau ʻōlelo o ke Kānāwai o ke Akua o ka lani, e noi aku ai iā ʻoukou, e hana koke ʻia ia mea;

KA BUKE A ʻEZERA 7:23

“A ʻo ka mea a pau i kauoha ʻia e ke Akua o ka lani, e hana koke ʻia ia mea no ka hale o ke Akua o ka lani; no ka mea, no ke aha lā e kau ʻia mai ai ka inaina ma luna o ke aupuni o ke aliʻi, a me kāna poʻe keiki?

KA BUKE A NEHEMIA 1:4

¶ A i koʻu lohe ʻana i kēia mau mea, noho nō au i lalo, a uē ihola, a kaniʻuhū nō hoʻi i kekahi mau lā, e hoʻopōloli ana a e pule ana hoʻi i mua o ke Akua o ka lani.

KA BUKE A NEHEMIA 2:4

A ʻōlelo maila ke aliʻi iaʻu, “He aha kāu e ʻimi nei?” A laila pule akula au i ke Akua o ka lani.

KA BUKE O NĀ HALELŪ 136:26

E mililani aku i ke Akua o ka lani, No ka mea, ua mau loa kona lokomaikaʻi.

KA BUKE NO DANIʻELA 2:44

“Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

IONA 1:9

ʻĪ maila ʻo ia iā lākou, “He Hebera nō wau; a ke makaʻu nei au iā Iēhova ke Akua o ka lani, nāna i hana ke kai, a me ka ʻāina maloʻo.”

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:13

Akā, ʻo kānaka hewa, a me ka poʻe hoʻopunipuni, e māhuahua ana ko lākou hewa, e hoʻopunipuni aku ana me ka hoʻopunipuni ʻia mai.

KA HŌʻIKE ʻANA A IOANE KA HAIPULE 11:13

Ia hora, nui loa ihola ke ōlaʻi, a hiolo ihola kekahi hapaʻumi o ke kūlanakauhale; a make ihola ʻehiku tausani kānaka i ke ōlaʻi. Makaʻu loa ihola ka poʻe i koe, a hoʻonani akula lākou i ke Akua o ka lani.

KA HŌʻIKE ʻANA A IOANE KA HAIPULE 16:2

¶ Hele akula ka mua, ninini akula i kona hue ma luna iho o ka honua; a puʻu maila ka hēhē, ʻinoʻino pono ʻole ma luna o ka poʻe kānaka i loaʻa ka hōʻailona o ka holoholona, a i hoʻomana aku i kona kiʻi.

KA HŌʻIKE ʻANA A IOANE KA HAIPULE 16:21

Hāʻule ihola, mai ka lani mai i luna o kānaka, ka huahekili nui e like me nā tālena; a kūamuamu akula nā kānaka i ke Akua no ka ʻino o ka huahekili; no ka mea, he ʻino nui loa ia.

KA HŌʻIKE ʻANA A IOANE KA HAIPULE 16:9

A wela ihola nā kānaka i ka wela nui, a kūamuamu akula i ka inoa o ke Akua, ka Mea nona ka mana ma luna o kēia mau ʻino; ʻaʻole hoʻi i mihi lākou e hoʻonani ai iā ia.

KA HŌʻIKE ʻANA A IOANE KA HAIPULE 2:21

‘Ua hāʻawi aku nō au iā ia i manawa e mihi ai, no kona moekolohe ʻana, ʻaʻole loa ʻo ia i mihi.