KA HŌʻIKE ʻANA A IOANE KA HAIPULE 16:1 - Ka Baibala Hemolele

¹ ¶ A lohe akula au i ka leo nui mai ka luakini mai, e ʻōlelo ana i nā ʻānela ʻehiku, “Ō hele ʻoukou, a e ninini aku i nā hue ʻehiku o ko ke Akua inaina ma luna iho o ka honua.”

KA HŌʻIKE ʻANA A IOANE KA HAIPULE 16:1 Iomraidhean Croise

KA BUKE O NĀ HALELŪ 79:6

E ninini mai ʻoe i kou huhū ma luna o ko nā ʻāina ʻē, Ka poʻe i ʻike ʻole iā ʻoe, Ma luna hoʻi o nā aupuni i kāhea ʻole aku i kou inoa.

KA WĀNANA A IEREMIA 10:25

E ninini ʻoe i kou ukiuki ma luna o ko nā ʻāina ʻē, ka poʻe ʻike ʻole iā ʻoe, A ma luna o nā ʻohana i hea ʻole i kou inoa; No ka mea, ua ʻai lākou iā Iakoba, A ua hoʻopau iā ia, a oki loa, A ua hoʻoneoneo i kona wahi i noho ai.

KA WĀNANA A ʻEZEKIʻELA 10:2

ʻŌlelo ihola ʻo ia i ke kanaka i ʻaʻahu ʻia i ka lole olonā, ʻī ihola, “E hele aʻe ʻoe i waena o nā huila a ma lalo iho o ke keruba, a e hoʻopiha i kou poho lima i nā lānahu ahi mai waena mai o nā keruba, a e lūlū ma ke kūlanakauhale.” A komo akula hoʻi ia i mua o koʻu mau maka.

KA WĀNANA A ʻEZEKIʻELA 22:31

“No laila ninini akula au i koʻu ukiuki ma luna o lākou, ua hoʻopau au iā lākou me ke ahi o koʻu huhū; ʻo ko lākou ʻaoʻao ponoʻī kaʻu i hoʻopaʻi aku ai ma luna o ko lākou mau poʻo,” wahi a Iēhova ka Haku.

ZEPANIA 3:8

¶ “No ia mea, e kali ʻoukou iaʻu,” wahi a Iēhova, “A hiki i ka lā aʻu e kū aʻe ai i ka waiwai pio; No ka mea, ʻo kuʻu manaʻo nō e hōʻuluʻulu i nā lāhui kanaka, E hoʻākoakoa i ko nā aupuni, E ninini iho i kuʻu inaina ma luna o lākou, I ka wela a pau o koʻu huhū; No ka mea, e pau auaneʻi ka honua a pau I ke ahi o kuʻu lili.

KA HŌʻIKE ʻANA A IOANE KA HAIPULE 11:19

¶ A ua wehe ʻia aʻela ka luakini o ke Akua ma ka lani, a ʻike ʻia akula ka pahu o kāna berita, ma loko o kona luakini; a laila, nui ihola ka uila, a me nā leo, a me nā hekili, a me ke ōlaʻi, a me ka huahekili he nui loa.

KA HŌʻIKE ʻANA A IOANE KA HAIPULE 14:15

Puka maila i waho kekahi ʻānela hou, mai loko mai o ka luakini, hea maila me ka leo nui, i ka mea e noho ana ma luna o ke ao, “E hoʻokomo ʻoe i kāu pahi kākiwi, a e hōʻiliʻili; no ka mea, ua hiki mai ka hora e hōʻiliʻili ai; ua oʻo hoʻi ka ʻai o ka honua.”

KA HŌʻIKE ʻANA A IOANE KA HAIPULE 14:18

Puka maila kekahi ʻānela hou mai ke kuahu mai, he mana nō kona ma luna o ke ahi; hea maila ia me ka leo nui loa i ka mea iā ia ka pahi kākiwi ʻoi, ʻī maila, “E hoʻokomo ʻoe i kāu pahi kākiwi ʻoi, a e hōʻiliʻili i nā ʻāhui waina o ke kumu waina o ka honua; no ka mea, ua oʻo loa kona hua.”

KA HŌʻIKE ʻANA A IOANE KA HAIPULE 15:1

¶ ʻIke akula au i kekahi hōʻailona hou ma ka lani, he nui a kupanaha loa, ʻehiku ʻānela me nā mea ʻino ʻehiku, hope loa; no ka mea, ma ia mau mea ua hoʻokō ʻia ko ke Akua inaina.

KA HŌʻIKE ʻANA A IOANE KA HAIPULE 16:17

¶ Ninini akula ka ʻānela ʻehiku i kona hue ma ka lewa; a puka maila ka leo nui mai loko mai o ka luakini o ka lani, mai ka noho aliʻi mai, ʻī maila, “Ua pau.”

KA BUKE MUA A SAMUʻELA 15:18

“Hoʻouna akula ʻo Iēhova iā ʻoe ma ke ala, ʻī akula, ‘E hele, a e luku loa aku i ka poʻe hewa o kā ʻAmeleka, a e kaua aku iā lākou, a pau lākou i ka luku ʻia.’

KA BUKE MUA A SAMUʻELA 15:3

‘ʻĀnō hoʻi e hele ʻoe, a e luku aku i kā ʻAmeleka, a e luku aku i ko lākou mea a pau loa, mai minamina iā lākou; akā, e luku aku i ke kāne a me ka wahine, i ke keiki a me ka mea omo waiū, i ka bipi a me ka hipa, i ke kāmelo a me ka hoki.’”