KA HŌʻIKE ʻANA A IOANE KA HAIPULE 15:4 - Ka Baibala Hemolele

⁴ “ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”

KA HŌʻIKE ʻANA A IOANE KA HAIPULE 15:4 Iomraidhean Croise

KA BUKE O NĀ HALELŪ 105:7

ʻO ia nō ʻo Iēhova, ko kākou Akua; Aia ma ka honua a pau kāna hoʻoponopono ʻana.

KA BUKE O NĀ HALELŪ 111:9

Hoʻouna mai ʻo ia i ka hoʻōla pānaʻi no kona poʻe kānaka; Ua kauoha mai ʻo ia, e mau loa kona berita; He hoʻāno, a he mea weliweli hoʻi kona inoa.

KA BUKE O NĀ HALELŪ 22:23

E ka poʻe makaʻu iā Iēhova, e hoʻoleʻa ʻoukou iā ia; E hoʻonani ʻoukou iā ia, e nā pua a pau a Iakoba; E hoʻomana i mua ona, e nā mamo a pau a ʻIseraʻela.

KA BUKE O NĀ HALELŪ 22:27

E hoʻomanaʻo iho, a e huli mai nō iā Iēhova, nā welelau a pau o ka honua; E pau nō nā ʻohana o nā lāhui kanaka i ka hoʻomana i mua ou;

KA BUKE O NĀ HALELŪ 22:3

Akā, ʻo ʻoe ka mea hemolele, E noho ana i loko o kā ʻIseraʻela hoʻoleʻa ʻana.

KA BUKE O NĀ HALELŪ 86:9

E hele mai nō ko nā ʻāina a pau āu i hana ai, A e kūlou hoʻomana i mua o kou alo, e ka Haku, A e hoʻonani aku i kou inoa.

KA BUKE O NĀ HALELŪ 89:7

He Akua weliweli loa hoʻi ia ma ke anaina o ka poʻe pono; A he mea ia e hopohopo ai no ka poʻe a pau e noho hoʻopuni ana iā ia.

KA BUKE O NĀ HALELŪ 97:8

Lohe aʻela ʻo Ziona, a hauʻoli maila; ʻOliʻoli nō hoʻi nā kaikamāhine o kā Iuda, No kou hoʻoponopono ʻana, e Iēhova.

KA BUKE O NĀ HALELŪ 99:5

E hāpai ʻoukou iā Iēhova i ko kākou Akua, A e kūlou hoʻomana ma kona keʻehana wāwae; No ka mea, ua hoʻāno ʻo ia.

KA BUKE O NĀ HALELŪ 99:9

E hāpai ʻoukou iā Iēhova, i ko kākou Akua, A e hoʻomana aku hoʻi ma kona mauna hoʻāno; No ka mea, he hoʻāno ʻo Iēhova, ko kākou Akua.

KA WĀNANA A ʻISAIA 24:15

No laila, e hoʻomana ʻoukou iā Iēhova, ma ka hikina, I ka inoa hoʻi ʻo Iēhova, ke Akua o kā ʻIseraʻela, ma nā mokupuni o ke kai.

KA WĀNANA A ʻISAIA 25:3

No laila, e hoʻomana ai ka lāhui kanaka ikaika iā ʻoe, A e makaʻu nō hoʻi iā ʻoe ke kūlanakauhale o nā lāhui kanaka weliweli.

KA WĀNANA A ʻISAIA 26:9

Me koʻu naʻau au i makemake aku ai iā ʻoe i ka pō; He ʻoiaʻiʻo, ua ʻimi aku au iā ʻoe i kakahiaka me koʻu ʻuhane i loko oʻu; No ka mea, i ka wā e hoʻoponopono ai ʻoe ma ka honua, E aʻo nō nā kānaka o kēia ao i ka pono.

KA WĀNANA A ʻISAIA 45:23

“Ua hoʻohiki au iaʻu iho, Ua puka aku hoʻi ka ʻōlelo, mai koʻu waha aku ma ka pono, ʻAʻole ia i hoʻi hou; no ka mea, Iaʻu nō e kukuli ai nā kuli a pau, a e hoʻohiki nō hoʻi nā elelo a pau.

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA WĀNANA A ʻISAIA 6:3

A hea aʻela kekahi i kekahi, “ʻIhiʻihi, ʻihiʻihi, ʻihiʻihi nō ʻo Iēhova o nā kaua. Ua piha ka honua i kona nani!”

KA WĀNANA A ʻISAIA 60:5

“A laila, e ʻike aku ʻoe, a e ʻoliʻoli hoʻi, A e lelele kou houpo i ka ʻoliʻoli, a e hoʻākea ʻia kou naʻau, I ka wā e hoʻohuli ʻia mai i ou lā ka waiwai o ka moana, A hele mai hoʻi iā ʻoe nā mea ikaika o nā ʻāina ʻē.

KA WĀNANA A IEREMIA 10:7

ʻO wai ka mea makaʻu ʻole iā ʻoe, e ke Aliʻi o nā ʻāina? No ka mea, kūpono ia iā ʻoe; No ka mea, i waena o ka poʻe akamai a pau o nā ʻāina, A i loko hoʻi o ko lākou aupuni a pau, ʻAʻohe mea like me ʻoe.

KA WĀNANA A IEREMIA 16:19

¶ E Iēhova, koʻu ikaika, koʻu pā kaua hoʻi, A me koʻu puʻuhonua i ka lā o ka pōpilikia, E hele mai nō ko nā ʻāina ʻē i ou lā, Mai nā kūkulu o ka honua mai, a e ʻōlelo mai, “He ʻoiaʻiʻo, ua ili mai nō ka hoʻopunipuni i ko mākou poʻe mākua, A me ka lapuwale, a me nā mea waiwai ʻole.”

KA WĀNANA A IEREMIA 5:22

‘ʻAʻole anei ʻoukou e makaʻu mai iaʻu?’ wahi a Iēhova; ‘ʻAʻole anei ʻoukou e haʻalulu i mua o koʻu alo, Ka Mea i hoʻonoho i ke one i mokuna no ke kai, Ma muli o ka manaʻo paʻa mau loa, i piʻi ʻole ʻia a kēlā ʻaoʻao; A inā hoʻoleilei kona mau ʻale, ʻAʻole hiki iā lākou ke piʻi, A inā halulu mai, ʻaʻole nō lākou e hele mai i kēia ʻaoʻao?

HOSEA 3:5

Ma hope iho e huli mai nā mamo a ʻIseraʻela, a ʻimi iā Iēhova ko lākou Akua, a me Dāvida ko lākou aliʻi; a e makaʻu lākou iā Iēhova, a me kona lokomaikaʻi i nā lā ma hope.

HABAKUKA 1:12

¶ ʻAʻole anei ʻoe mai kā kahiko mai, E Iēhova, kuʻu Akua, kuʻu Mea Hemolele? ʻAʻole mākou e make. ʻO ʻoe, e Iēhova, i hoʻonoho iā ia, no ka hoʻokolokolo ʻana, ʻO ʻoe, e ka Pōhaku, i kūkulu paʻa iā ia no ka hoʻopaʻi ʻana.

ZEKARIA 14:16

¶ Eia hoʻi kēia, ʻo nā mea a pau e koe, ʻo nā lāhui kanaka a pau i hele kūʻē mai iā Ierusalema, e piʻi aʻe lākou i kēlā makahiki i kēia makahiki, e hoʻomana i ke Aliʻi iā Iēhova o nā kaua, a e mālama i ka ʻAhaʻaina Kauhalelewa.

ZEKARIA 2:11

“Ia lā hoʻi, he nui nā lāhui kanaka e hui aku iā lākou iho me Iēhova, a e lilo lākou i kānaka noʻu, a e noho nō wau i waena pū o ʻoukou; a e ʻike auaneʻi ʻoukou na Iēhova o nā kaua wau i hoʻouna mai i ou lā.

MALAKI 1:11

“No ka mea, mai ka hikina o ka lā a hiki i ke komohana, e nui auaneʻi kuʻu inoa i waena o nā lāhui kanaka; a ma nā wahi a pau loa e kuni ʻia ai ka mea ʻala no kuʻu inoa, a me ka mōhai maʻemaʻe; no ka mea, e nui auaneʻi kuʻu inoa i waena o nā lāhui kanaka,” wahi a Iēhova o nā kaua.

ʻO KA ʻEPISETOLE A PAULO KA LUNAʻŌLELO I KO ROMA 15:9

e hoʻonani aʻe hoʻi nā kānaka ʻē i ke Akua no kona lokomaikaʻi; e like me ka mea i palapala ʻia, “«No laila au e hoʻomaikaʻi aku ai iā ʻoe ma waena o ko nā ʻāina ʻē, A e hoʻoleʻa aku hoʻi au i kou inoa».”

ʻO KA ʻEPISETOLE HOʻOLAHA MUA A PETERO 1:16

no ka mea, ua palapala ʻia mai, “«E hemolele ʻoukou; no ka mea, ʻo wau ka hemolele».”

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 14:7

ʻī maila ia me ka leo nui, “E makaʻu i ke Akua, a e hoʻonani aku iā ia; no ka mea, ua hiki mai ka hora o kona hoʻopaʻi ʻana; e kukuli hoʻomaikaʻi i ka mea nāna i hana ka lani a me ka honua, a me ke kai, a me nā wai puna.”

KA HŌʻIKE ʻANA A IOANE KA HAIPULE 16:5

A lohe aku au i ka ʻānela o nā wai, i ka ʻī ʻana mai, “Pono nō ʻoe, e ka Haku, e ka Mea e noho lā, a me ka Mea mua, ka Mea Hemolele; no ka mea, ua hoʻopaʻi ʻoe i kēia mau mea.

KA HŌʻIKE ʻANA A IOANE KA HAIPULE 16:7

A lohe akula au i kekahi ma ke kuahu, e ʻī mai ana, “ʻO ia nō, e ka Haku ke Akua Mana Loa, he ʻoiaʻiʻo a he pololei kou hoʻopaʻi ʻana.”

KA HŌʻIKE ʻANA A IOANE KA HAIPULE 19:2

“«No ka mea, he ʻoiaʻiʻo a he pono kāna hoʻopaʻi ʻana»; no ka mea, ua hoʻāhewa ʻo ia i ka wahine hoʻokamakama nui, nāna i hoʻohaumia i ka honua, i kona hoʻokamakama ʻana, a «ua hoʻopaʻi hoʻi i ke koko o kāna poʻe kauā ma kona lima».”

KA HŌʻIKE ʻANA A IOANE KA HAIPULE 19:8

A ua hāʻawi ʻia mai nona e ʻaʻahu i ka lole nani, keʻokeʻo aʻiaʻi; no ka mea, ʻo ka lole nani, ʻo ia ka pono o ka poʻe haipule.

KA HŌʻIKE ʻANA A IOANE KA HAIPULE 3:7

¶ “E palapala aku ʻoe i ka ʻānela o ka ʻekalesia ma Piladelepia: Ke ʻī mai nei ka Mea hoʻāno, ka Mea ʻoiaʻiʻo, ʻo ka Mea iā ia ke kī o Dāvida, ʻo ka Mea wehe, ʻaʻohe mea nāna e pani mai; a pani hoʻi ʻo ia, ʻaʻohe mea nāna e wehe:

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”

KA HŌʻIKE ʻANA A IOANE KA HAIPULE 6:10

Hea maila lākou me ka leo nui, ʻī maila, “E ka Haku, hoʻāno a me ka ʻoiaʻiʻo, pehea lā ka lōʻihi? ʻAʻole anei ʻoe e hoʻokolokolo, a e hoʻopaʻi hoʻi i ko mākou koko, ma luna o ka poʻe e noho lā ma ka honua?”

KA BUKE MUA A SAMUʻELA 2:2

“ʻAʻohe mea hemolele e like me Iēhova, No ka mea, ʻaʻohe mea ʻē aʻe, ʻo ʻoe wale nō lā, ʻAʻohe pōhaku e like me ko kākou Akua.