KA HŌʻIKE ʻANA A IOANE KA HAIPULE 15:3 - Ka Baibala Hemolele

³ Mele maila lākou i ke mele a Mose, ke kauā a ke Akua a me ke mele a ke Keiki Hipa, e ʻōlelo ana, “He nui a he kupanaha loa kāu hana, E ka Haku, ke Akua Mana Loa; He pono a he ʻoiaʻiʻo kou mau ʻaoʻao, E ke Aliʻi o nā lāhui kanaka!

KA HŌʻIKE ʻANA A IOANE KA HAIPULE 15:3 Iomraidhean Croise

KA BUKE MUA A MOSE, I KAPA ʻIA KINOHI 17:1

¶ I ke kanaiwakumamāiwa o nā makahiki o ʻAberama, ʻikea maila ʻo Iēhova e ʻAberama, ʻī maila iā ia, “ʻO wau nō ke Akua Mana; E hele ʻoe i mua o koʻu alo, a e hemolele ʻoe.

KA BUKE MUA O KA ʻOIHANA ALIʻI 6:49

¶ Akā, ʻo ʻAʻarona a me kāna mau keiki, mōhai akula lākou ma luna o ke kuahu no ka mōhai kuni, a ma luna o ke kuahu no ka mea ʻala, a no ka hana a pau o ke Keʻena Kapu, a e mōhai kalahala no kā ʻIseraʻela, e like me nā mea a pau a Mose ke kauā na ke Akua i kauoha ai.

KA BUKE ʻALUA O KA ʻOIHANA ALIʻI 24:6

Kāhea akula ke aliʻi iā Iehoiada ka luna, a ʻōlelo akula iā ia, “No ke aha lā i hōʻeuʻeu ʻole aku ai ʻoe i nā Levi e lawe mai, mai loko mai o Iuda a me Ierusalema i ka ʻauhau a Mose ke kauā a Iēhova i kau aku ai ma luna o ka ʻaha kanaka o kā ʻIseraʻela, no ka halelewa o ke kānāwai?”

KA BUKE A NEHEMIA 9:14

“Hōʻike maila ʻoe iā lākou i kou Sābati hoʻāno, A kau akula ma luna o lākou i nā kauoha, a me nā ʻōlelo kūpaʻa, A me ke kānāwai ma ka lima o Mose kāu kauā.

KA BUKE NO IOBA 36:24

¶ “E hoʻomanaʻo, e hoʻonui aku ʻoe i kāna hana, Ka mea a nā kānaka i ʻike ai.

KA BUKE NO IOBA 5:9

“ʻO ia ke hana i nā mea nui, a hiki ʻole ke hoʻomaopopo ʻia; I nā mea kupaianaha, a hiki ʻole ke helu ʻia.

KA BUKE O NĀ HALELŪ 100:5

No ka mea, ua maikaʻi ʻo Iēhova; Ua mau loa kona lokomaikaʻi, A me kona ʻoiaʻiʻo hoʻi i nā hanauna a pau.

KA BUKE O NĀ HALELŪ 105:5

E hoʻomanaʻo i nā hana mana āna i hana ai, A me kāna mau mea kupanaha, A me ka hoʻoponopono ʻana o kona waha;

KA BUKE O NĀ HALELŪ 111:2

He mana nō nā hana a Iēhova, A ua ʻimi ʻia hoʻi e ka poʻe a pau i makemake aku ia mau mea.

KA BUKE O NĀ HALELŪ 111:7

¶ ʻO nā hana a kona mau lima, he ʻoiaʻiʻo, a he hoʻopono, He ʻoiaʻiʻo nō kāna mau kauoha a pau.

KA BUKE O NĀ HALELŪ 139:14

E mililani aku au iā ʻoe, No ka mea, ʻo kāu hana kupanaha nō wau a me ka makaʻu; He kupanaha hoʻi kāu mau hana, Ua ʻike pono nō koʻu ʻuhane.

KA BUKE O NĀ HALELŪ 145:17

¶ He pono nō ʻo Iēhova i kona mau ʻaoʻao a pau, A ua lokomaikaʻi hoʻi ma nā hana āna a pau.

KA BUKE O NĀ HALELŪ 145:6

E haʻi aku nō hoʻi lākou i ka mana o kāu mau hana weliweli; A e hōʻike aku nō wau i kou nui.

KA BUKE O NĀ HALELŪ 18:30

¶ A ʻo ke Akua, ua hemolele kona ʻaoʻao; Ua hoʻāʻo ʻia ka ʻōlelo a Iēhova; He pākū ʻo ia no nā mea a pau i paulele aku iā ia.

KA BUKE O NĀ HALELŪ 78:12

Hana ihola nō ʻo ia i nā mea kupanaha i mua o ko lākou poʻe mākua, Ma ka ʻāina ʻo ʻAigupita, ma ke kula hoʻi ʻo Zoana.

KA BUKE O NĀ HALELŪ 92:5

¶ Nani ka nui o kāu mau hana, e Iēhova! Ua hohonu loa hoʻi kou mau manaʻo.

KA BUKE O NĀ HALELŪ 99:4

Ua makemake nō hoʻi ka ikaika o ke Aliʻi i ka hoʻoponopono; Ua hoʻokumupaʻa ʻoe i ka pono, Ua hana mai nō ʻoe ma ka hoʻopono, a ma ka pololei ma loko o kā Iakoba.

KA WĀNANA A ʻISAIA 33:22

No ka mea, ʻo Iēhova nō ko kākou luna kānāwai, ʻO Iēhova ka mea kau i ke kānāwai ma luna o kākou, ʻO Iēhova ko kākou aliʻi; ʻO ia ka mea e hoʻōla mai ai iā kākou.

KA WĀNANA A ʻISAIA 45:21

“E haʻi aku, e lawe mai hoʻi iā lākou; ʻO ia, e kūkākūkā pū lākou. Na wai i haʻi i kēia, mai kahiko mai, A hōʻikeʻike hoʻi ia, mai kēlā wā mai? ʻAʻole anei ʻo wau, ʻo Iēhova? ʻAʻole hoʻi he Akua ʻē aʻe, ke kaʻawale au; ʻO ke Akua pono, ka Mea e ola ai, ʻaʻohe mea ʻē aʻe.

KA BUKE NO DANIʻELA 6:20

A kokoke ia i ka lua, hea akula ia me ka leo kaniʻuhū iā Daniʻela; kāhea aku ke aliʻi iā Daniʻela, ʻī akula, “E Daniʻela, e ke kauā a ke Akua ola, ua hiki anei i kou Akua, ka Mea āu i hoʻokauā mau aku ai, ke hoʻopakele iā ʻoe mai nā liona aʻe?”

KA BUKE NO DANIʻELA 9:11

“ʻOiaʻiʻo, ua lawehala kā ʻIseraʻela a pau i kou kānāwai ma ka haʻalele ʻana, a me ka mālama ʻole ʻana i kou leo; no ia mea, ua ninini ʻia mai ka pōʻino ma luna o mākou, a me ka hoʻohiki i kākau ʻia ma ke kānāwai iā Mose, ke kauā a ke Akua; no ka mea, ua hana hewa mākou iā ia.

HOSEA 14:9

¶ ʻO wai ka mea naʻauao, i noʻonoʻo ai ʻo ia i kēia mau mea? A akamai hoʻi, i ʻike ai ʻo ia i kēia mau mea? No ka mea, ʻo nā ʻaoʻao o Iēhova, ua pololei, A e hele ka poʻe pono i loko o laila; Akā, ʻo ka poʻe lawehala, e hāʻule lākou i loko o laila.

MIKA 7:20

A e hāʻawi mai nō ʻoe i ka ʻoiaʻiʻo iā Iakoba, A me ka lokomaikaʻi iā ʻAberahama, Ka mea āu i hoʻohiki ai i ko mākou mau kūpuna Mai ka wā kahiko mai.

ZEPANIA 3:5

I waenakonu o lākou ʻo Iēhova ka mea hoʻopono, ʻAʻole ia e hana i ka pono ʻole; E hoʻākāka mai ana ia i kona pono ia kakahiaka aʻe, ia kakahiaka aʻe, ʻAʻole hāʻule; Akā, ʻo ka mea hana hewa, ʻaʻole ia i hoʻomaopopo i ka hilahila.

ZEKARIA 9:9

E hauʻoli nui, e ke kaikamahine o Ziona, E hoʻōho ʻoliʻoli, e ke kaikamahine o Ierusalema; Aia hoʻi, e hele mai ana kou aliʻi i ou lā; He hoʻopono, a he hoʻōla nō kona; He akahai nō, a e noho ana ma luna o ka hoki, ʻo ke keiki hoʻi a ka hoki.

KA ʻEUANELIO I KĀKAU ʻIA AI E IOANE 1:17

Ua hāʻawi ʻia mai ke Kānāwai ma o Mose lā; akā, ʻo ka lokomaikaʻi a me ka ʻoiaʻiʻo ma o Iesū Kristo lā ia.

KA BUKE ʻALIMA A MOSE, I KAPA ʻIA KĀNĀWAI LUA 31:30

¶ A ʻōlelo aku ʻo Mose ma loko o nā pepeiao o ke anaina kanaka a pau o kā ʻIseraʻela i nā hua ʻōlelo o kēia mele a pau loa.

KA BUKE ʻALIMA A MOSE, I KAPA ʻIA KĀNĀWAI LUA 32:3

“No ka mea, e haʻi aku au i ka inoa ʻo Iēhova: E hoʻomana aku ʻoukou i ko kākou Akua.

KA BUKE ʻALIMA A MOSE, I KAPA ʻIA KĀNĀWAI LUA 34:5

A make ihola ʻo Mose ke kauā a Iēhova i laila, i ka ʻāina ʻo Moaba, e like me ka ʻōlelo ʻana mai a Iēhova.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:17

I ke Aliʻi mau loa, make ʻole, ʻike maka ʻole ʻia, ke Akua akamai hoʻokahi wale nō, ka mahalo, a me ka hoʻonani ʻia, a mau loa aku. ʻĀmene.

ʻO KA ʻEPISETOLE A PAULO KA LUNAʻŌLELO I KO HEBERA 3:5

A ua hoʻopono nō ʻo Mose i loko o kona hale a pau i kona kahu ʻana, no ka hōʻike ʻana i nā mea e haʻi ʻia ana.

KA BUKE A IOSUA 22:5

“Akā, e ao pono ʻoukou, e mālama i ke kauoha a me ke kānāwai i kauoha mai ai ʻo Mose, ke kauā a Iēhova iā ʻoukou, e aloha aku iā Iēhova ko ʻoukou Akua, e hele aku ma kona ʻaoʻao a pau, e mālama aku hoʻi i kona kānāwai, e hoʻopili aku iā ia, a e hoʻokauā aku hoʻi nāna, me ko ʻoukou naʻau a pau, a me ko ʻoukou ʻuhane a pau.”

KA HŌʻIKE ʻANA A IOANE KA HAIPULE 1:8

¶ Ke ʻī mai nei ka Haku, “ʻO wau nō ka ʻAlepa a me ka ʻOmega, ke Kumu a me ka Wēlau, ka Mea e noho ana, ka Mea ma mua hoʻi, ʻo ka Mea e hiki mai ana nō, ʻo ka Mea Mana Loa.”

KA HŌʻIKE ʻANA A IOANE KA HAIPULE 11:17

ʻī akula, “Ke hoʻomaikaʻi aku nei mākou iā ʻoe, e ka Haku, ke Akua Mana Loa, ka Mea e noho lā, a ʻo ka Mea ma mua, a ʻo ka Mea e hiki mai ana; no ka mea, ua lawe ʻoe i kou mana nui iho, a ua hoʻomalu ʻoe i ke aupuni.

KA HŌʻIKE ʻANA A IOANE KA HAIPULE 14:3

Mele ihola lākou i ke mele hou i mua o ka noho aliʻi, a i mua o nā mea ola ʻehā, a i mua o nā lunakahiko. ʻAʻole e hiki i kekahi ke aʻo ia mele, ʻo ka poʻe hoʻokahi haneri me kanahākumamāhā tausani wale nō, ka poʻe i kūʻai hoʻōla ʻia aʻe mai ka honua aku.

KA HŌʻIKE ʻANA A IOANE KA HAIPULE 14:8

¶ Hahai akula ka lua o nā ʻānela, ʻī maila, “Ua hāʻule, ua hāʻule ʻo Babulona, ke kūlanakauhale nui; no ka mea, ua hoʻīnu akula ʻo ia i ko nā ʻāina a pau i ka waina o ka ukiuki no kona moekolohe ʻana.”

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 19:2

“«No ka mea, he ʻoiaʻiʻo a he pono kāna hoʻopaʻi ʻana»; no ka mea, ua hoʻāhewa ʻo ia i ka wahine hoʻokamakama nui, nāna i hoʻohaumia i ka honua, i kona hoʻokamakama ʻana, a «ua hoʻopaʻi hoʻi i ke koko o kāna poʻe kauā ma kona lima».”

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”