KA HŌʻIKE ʻANA A IOANE KA HAIPULE 14:7 - Ka Baibala Hemolele

⁷ ʻī maila ia me ka leo nui, “E makaʻu i ke Akua, a e hoʻonani aku iā ia; no ka mea, ua hiki mai ka hora o kona hoʻopaʻi ʻana; e kukuli hoʻomaikaʻi i ka mea nāna i hana ka lani a me ka honua, a me ke kai, a me nā wai puna.”

KA HŌʻIKE ʻANA A IOANE KA HAIPULE 14:7 Iomraidhean Croise

KA BUKE MUA A MOSE, I KAPA ʻIA KINOHI 22:12

ʻĪ maila ia, “Mai kau aku ʻoe i kou lima ma luna o ke keiki, ʻaʻole hoʻi e mea iki aku iā ia; no ka mea, ke ʻike nei au, ua makaʻu ʻoe i ke Akua; no ka mea, ʻaʻole ʻoe i ʻauʻa i kāu keiki, i kāu keiki ponoʻī iaʻu.”

KA BUKE A NEHEMIA 9:6

“ʻO ʻoe nō ʻo Iēhova, a ʻo ʻoe wale nō; Nāu nō i hana ka lani, A me ka lani o nā lani, a me ko laila mau mea a pau, I ka honua, a me nā mea a pau ma luna iho ona, I nā kai, a me nā mea a pau i loko o laila, Nāu nō hoʻi e mālama ia mau mea a pau; A ke hoʻomana nei ko ka lani iā ʻoe.

KA BUKE O NĀ HALELŪ 115:15

Ua hoʻopōmaikaʻi ʻia ʻoukou e Iēhova, Ka Mea nāna i hana ka lani, a me ka honua.

KA BUKE O NĀ HALELŪ 124:8

Aia nō ko kākou kōkua, ma loko o ka inoa ʻo Iēhova, Ka Mea nāna i hana ka lani me ka honua.

KA BUKE O NĀ HALELŪ 33:6

¶ Ma ka ʻōlelo a Iēhova i hana ʻia ai nā lani; ʻO ko laila lehulehu nō hoʻi ma ka hā ʻana o kona waha.

KA BUKE O NĀ HALELŪ 36:1

¶ ʻO ka lawehala ʻana o ka mea hewa, ʻo ia ke ʻōlelo i loko o koʻu naʻau, ʻAʻohe weliweli i ke Akua i mua o kona alo.

KA BUKE O NĀ HALELŪ 89:7

He Akua weliweli loa hoʻi ia ma ke anaina o ka poʻe pono; A he mea ia e hopohopo ai no ka poʻe a pau e noho hoʻopuni ana iā ia.

KA BUKE O NĀ HALELŪ 95:5

Nāna nō ka moana, a nāna ia i hana; A na kona lima hoʻi i hoʻoponopono i ka ʻāina maloʻo.

KA BUKE ʻALUA A MOSE, I KAPA ʻIA PUKA ʻANA 20:11

“No ka mea, i nā lā ʻeono i hana ai ʻo Iēhova i nā lani, a me ka honua, a me ke kai, a me nā mea a pau ma loko o ia mau mea, a i ka hiku o ka lā i hoʻomaha ai; no laila hoʻi i hoʻomaikaʻi ai ʻo Iēhova i ka lā Sābati, a hoʻāno ai hoʻi ʻo ia ia lā.

KA WĀNANA A ʻISAIA 40:3

¶ Ka leo o ka mea e kala ana, ma ka wao nahele, “E hoʻomākaukau ʻoukou i alanui no Iēhova, E hoʻopololei hoʻi ma ka wao akua, I kuamoʻo no ko kākou Akua.

KA WĀNANA A ʻISAIA 40:6

ʻĪ maila ka leo, “E kala aku.” ʻĪ akula ia, “He aha kaʻu e kala ai?” He mauʻu nō nā kānaka a pau, Ua like hoʻi kona nani a pau me ka pua o ke kula.

KA WĀNANA A ʻISAIA 40:9

¶ E ka mea haʻi i ka ʻōlelo maikaʻi no Ziona, E piʻi aku ʻoe i luna o ka mauna kiʻekiʻe; E ka mea haʻi i ka ʻōlelo maikaʻi no Ierusalema, E hoʻokiʻekiʻe ʻoe i kou leo me ka ikaika; E hoʻokiʻekiʻe hoʻi, mai makaʻu; E ʻōlelo aʻe i nā kūlanakauhale o kā Iuda, “Aia hoʻi ko ʻoukou Akua!”

KA WĀNANA A ʻISAIA 42:12

E hāʻawi aku lākou i ka hanohano no Iēhova, E hoʻolaha hoʻi i kona nani ma nā ʻāina ʻē.

KA WĀNANA A ʻISAIA 44:23

E ʻoli ʻoukou, e nā lani; no ka mea, na Iēhova i hana; E hauʻoli hoʻi ʻoukou, e nā wahi haʻahaʻa o ka honua, E hoʻokani i ke ʻoli, e nā mauna, E ka ulu lāʻau, a me nā lāʻau a pau ma loko; No ka mea, ua hoʻōla pānaʻi ʻo Iēhova i kā Iakoba, Ua hoʻonani hoʻi iā ia iho ma o kā ʻIseraʻela lā.

KA WĀNANA A ʻISAIA 58:1

¶ “E kāhea nui aku, mai ʻuʻumi, E hoʻokiʻekiʻe i kou leo me he pū lā, E hōʻike i koʻu poʻe kānaka i ko lākou hewa, A i ko ka hale o Iakoba i ko lākou hala.

KA WĀNANA A IEREMIA 10:10

Akā, ʻo Iēhova nō ke Akua ʻoiaʻiʻo, ʻO ia ke Akua ola, ʻo ke Aliʻi mau loa hoʻi. E haʻalulu auaneʻi ka honua i kona ukiuki, ʻAʻole hoʻi e hiki i nā lāhui kanaka ke hoʻomanawanui i kona inaina.

KA WĀNANA A ʻEZEKIʻELA 7:2

“ʻO ʻoe hoʻi, e ke keiki a ke kanaka, ke ʻī mai nei Iēhova ka Haku, penei, ‘He hopena o ka ʻāina o kā ʻIseraʻela, ua hiki mai ka hopena ma luna o nā kihi ʻehā o ka ʻāina.

KA WĀNANA A ʻEZEKIʻELA 7:6

‘He hopena ua hiki mai, ua hiki mai ka hopena; ke kiaʻi nei nō ia iā ʻoe; eia hoʻi ua hiki mai ia.

KA BUKE NO DANIʻELA 8:19

ʻĪ mai ʻo ia iaʻu, “Aia hoʻi, e hoʻākāka au iā ʻoe i ka mea e hiki mai ana ma ka manawa hope o ka huhū ʻana; no ka mea, no ka wā ma hope kēia hihiʻo.

HOSEA 8:1

¶ E kau i ka pū ma kou waha, Me he ʻaeto lā e hele kūʻē mai i ka hale o Iēhova; No ka mea, ua haʻi iā lākou kuʻu berita, A ua ʻae lākou ma luna o koʻu kānāwai.

MALAKI 2:2

“Inā, ʻaʻole ʻoukou e hoʻolohe, ʻaʻole hoʻi e hoʻolilo i ko ʻoukou naʻau, e hoʻonani i koʻu inoa,” wahi a Iēhova o nā kaua, “e hoʻouna auaneʻi au i ka pōpilikia i o ʻoukou lā, a e hoʻolilo au i ko ʻoukou pōmaikaʻi ʻana i pōʻino, a e hoʻopōʻino aku nō au; no ka mea, ʻaʻole ʻoukou i hoʻopili ia i ko ʻoukou naʻau iho.

KA ʻEUANELIO I KĀKAU ʻIA AI E MATAIO 25:13

“No ia hoʻi, e kiaʻi ʻoukou; no ka mea, ʻaʻole ʻoukou ʻike i ka lā, ʻaʻole hoʻi i ka hora e hiki mai ai ke Keiki a ke Kanaka.

KA ʻEUANELIO I KĀKAU ʻIA AI E LUKA 17:18

“ʻAʻole anei i ʻike ʻia kekahi mea ʻē aʻe i huli mai e hoʻonani i ke Akua, ʻo kēia kanaka ʻē wale nō anei?”

NĀ ʻOIHANA A KA POʻE LUNAʻŌLELO 14:15

ʻī akula, “E nā kānaka, no ke aha lā ʻoukou e hana mai ai i kēia mau mea? He mau kānaka nō māua, ʻo ko kākou ʻano hoʻokahi ʻano nō; a ke haʻi aku nei nō hoʻi māua iā ʻoukou i ka ʻōlelo maikaʻi, i huli ai ʻoukou mai kēia mau mea lapuwale aku a i ke Akua ola, «ka mea nāna i hana ka lani, a me ka honua, a me ke kai, a me nā mea a pau i loko o lākou».

KA BUKE A IOSUA 7:19

ʻŌlelo maila ʻo Iosua iā ʻAkana, “E kuʻu keiki, e hoʻomaikaʻi aku ʻoe iā Iēhova, i ke Akua o kā ʻIseraʻela, a e haʻi maopopo aku iā ia, a e hōʻike mai iaʻu i ka mea āu i hana ai. Mai hūnā iaʻu.”

ʻO KA ʻEPISETOLE HOʻOLAHA MUA A PETERO 4:7

¶ Ua kokoke mai nō ka hopena o nā mea a pau; no laila, e kūoʻo ʻoukou, a e kiaʻi ma ka pule.

KA HŌʻIKE ʻANA A IOANE KA HAIPULE 11:13

Ia hora, nui loa ihola ke ōlaʻi, a hiolo ihola kekahi hapaʻumi o ke kūlanakauhale; a make ihola ʻehiku tausani kānaka i ke ōlaʻi. Makaʻu loa ihola ka poʻe i koe, a hoʻonani akula lākou i ke Akua o ka lani.

KA HŌʻIKE ʻANA A IOANE KA HAIPULE 11:18

“Ua huhū akula ko nā ʻāina, a ua hiki mai kou inaina, a me ka manawa o ka poʻe make, i hoʻokolokolo ʻia lākou, a i hāʻawi ʻia nō hoʻi ka uku no kāu poʻe kauā, no ka poʻe kāula, a me ka poʻe haipule, a me ka poʻe i makaʻu i kou inoa, no ka poʻe liʻiliʻi, a no ka poʻe nui; i luku mai ʻoe i ka poʻe nāna i luku i ko ka honua.”

KA HŌʻIKE ʻANA A IOANE KA HAIPULE 15:4

“ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”

KA HŌʻIKE ʻANA A IOANE KA HAIPULE 16:9

A wela ihola nā kānaka i ka wela nui, a kūamuamu akula i ka inoa o ke Akua, ka Mea nona ka mana ma luna o kēia mau ʻino; ʻaʻole hoʻi i mihi lākou e hoʻonani ai iā ia.

KA HŌʻIKE ʻANA A IOANE KA HAIPULE 18:10

e kū nō lākou ma kahi lōʻihi ʻē aku no ka makaʻu i kona ʻeha, me ka ʻōlelo iho, ‘Auē, auē, ʻo kēlā kūlanakauhale nui, ʻo Babulona, ke kūlanakauhale ikaika! No ka mea, i ka hora hoʻokahi, ua hiki mai kou hoʻopaʻi ʻana.’

KA HŌʻIKE ʻANA A IOANE KA HAIPULE 18:17

‘No ka mea, i ka hora hoʻokahi, ua lilo kēia waiwai nui, i mea ʻole!’ A ʻo nā aliʻi moku a pau, a me nā mea a pau ma nā moku, a me nā luina, a me ka poʻe a pau i kālepa ma ka moana, kū akula lākou ma kahi lōʻihi ʻē aku;

KA HŌʻIKE ʻANA A IOANE KA HAIPULE 18:19

“A hoʻolei lākou i ka lepo ma luna iho o ko lākou poʻo, a hea akula me ka uē a me ke kanikau, ʻī akula, ‘Auē, auē, ʻo ke kūlanakauhale nui, kahi i waiwai ai ka poʻe mea moku a pau loa ma ka moana, no kona pākela maikaʻi! No ka mea, i ka hora hoʻokahi, ua hoʻolilo ʻia ʻo ia i mea ʻole!’

KA HŌʻIKE ʻANA A IOANE KA HAIPULE 19:5

A puka maila ka leo, mai ka noho aliʻi mai, ʻī maila, “E hoʻonani ʻoukou i ko kākou Akua, e nā kauā āna a pau, a me ka poʻe e makaʻu iā ia, ʻo ka poʻe liʻiliʻi, a me ka poʻe nui.”

KA HŌʻIKE ʻANA A IOANE KA HAIPULE 4:11

“E pono nō ʻoe, e ka Haku, ke loaʻa iā ʻoe ka nani a me ka mahalo a me ka mana; No ka mea, nāu nō i hana i nā mea a pau, A ma kou makemake nō lākou i mau ai a hana ʻia hoʻi.”

KA HŌʻIKE ʻANA A IOANE KA HAIPULE 4:9

A i ka wā e hoʻomana aku ai, a i hoʻonani aku ai, a hoʻomaikaʻi aku ai nā mea ola i ka Mea e noho ana ma ka noho aliʻi, ʻo ia hoʻi ka Mea e ola mau ana ia ao aku ia ao aku,

KA HŌʻIKE ʻANA A IOANE KA HAIPULE 8:10

¶ A puhi aʻela ka ʻānela ʻekolu, a hāʻule mai kekahi hōkū nui, mai ka lani mai, e ʻaʻā ana e like me ka ipukukui, a hāʻule ia ma luna o ka hapakolu o nā muliwai, a ma luna o nā wai puna.

KA BUKE MUA A SAMUʻELA 6:5

“No ia mea, e hana ʻoukou i nā kiʻi no ko ʻoukou puʻupuʻu koko, a me nā kiʻi no ko ʻoukou ʻiole, nāna i hana ʻino ka ʻāina; a e hoʻonani aku ʻoukou i ke Akua o kā ʻIseraʻela; malia paha e hoʻomāmā mai ia i kona lima mai luna aʻe o ʻoukou, a me ko ʻoukou mau akua, a me ko ʻoukou ʻāina.