KA HŌʻIKE ʻANA A IOANE KA HAIPULE 14:2 - Ka Baibala Hemolele

² A lohe akula au i ka leo, mai ka lani mai, e like me ka halulu ʻana o nā waikahe he nui, a e like me ka halulu ʻana o ka hekili nui; a ʻo ka leo aʻu i lohe ai, ua like me ka hoʻokani ʻana a ka poʻe i hoʻokani ma ko lākou mau lira.

KA HŌʻIKE ʻANA A IOANE KA HAIPULE 14:2 Iomraidhean Croise

KA BUKE ʻALUA A SAMUʻELA 6:5

Hoʻokani akula ʻo Dāvida a me ka ʻohana a ʻIseraʻela a pau i mua o Iēhova, me nā mea kani o nā lāʻau ʻo kēlā ʻano ʻo kēia ʻano; me nā lira, nā pesaleteria, nā timeberela, nā korineta, a me nā kimebala.

KA BUKE ʻALUA O KA ʻOIHANA ALIʻI 20:28

A hoʻi mai lākou i Ierusalema me nā mea kani, a me nā mea ʻūkēkē, a me nā pū, i ka hale o Iēhova.

KA BUKE O NĀ HALELŪ 147:7

¶ E ʻoliʻoli aku iā Iēhova, me ka mililani aku, E hoʻoleʻa aku i ko kākou Akua ma ka mea kani.

KA BUKE O NĀ HALELŪ 149:3

E halelū aku lākou i kona inoa ma ka haʻa ʻana; E hoʻoleʻa aku lākou iā ia ma ka pahu kani, a me ka lira.

KA BUKE O NĀ HALELŪ 33:2

E hoʻoleʻa aku iā Iēhova me ka lira; E hoʻokani iā ia me ka viola ʻumi, ka mea kani kaula ʻumi.

KA BUKE O NĀ HALELŪ 43:4

A laila e hele au i ke kuahu o ke Akua, I ke Akua koʻu ʻoliʻoli nui; ʻOiaʻiʻo, ma ka lira e hoʻoleʻa aku ai au iā ʻoe, e ke Akua koʻu Akua.

KA BUKE O NĀ HALELŪ 57:8

E ala aʻe, e kuʻu nani, e ala, e ka viola ʻumi a me ke kinora! ʻO wau nei hoʻi kekahi e ala aʻe i ka wanaʻao.

KA BUKE O NĀ HALELŪ 92:3

Ma ka viola ʻumi a me ke kuolokani, A ma ka lira kanikani hoʻi.

KA BUKE O NĀ HALELŪ 93:4

Ma luna o ka leo o nā wai he nui loa, Ma luna hoʻi o ke poʻi ʻana mai o nā nalu o ke kai, Aia nō ʻo Iēhova ma luna o kahi kiʻekiʻe loa aku.

KA BUKE O NĀ HALELŪ 98:5

E hoʻoleʻa aku ʻoukou iā Iēhova ma ka mea kani, A ma ka mea kani a me ka leo o ka hīmeni.

KA BUKE ʻALUA A MOSE, I KAPA ʻIA PUKA ʻANA 19:16

¶ A i ke kakahiaka o ke kolu o ka lā, he hekili, a he uila, a he ao polohiwa ma ka mauna, a he leo no ka pū e kani ikaika loa ana; haʻalulu ihola nā kānaka a pau ma ko lākou wahi i hoʻomoana ai.

KA BUKE ʻALUA A MOSE, I KAPA ʻIA PUKA ʻANA 20:18

¶ ʻIke akula nā kānaka a pau i ke hekili, a me ka uila, a me ke kani ʻana o ka pū, a me ka mauna e uahi ana; a ʻike akula nā kānaka, weliweli ihola; neʻeneʻe akula, a kū ma kahi mamao aku.

KA WĀNANA A ʻISAIA 17:13

Halulu ko nā ʻāina, e like me ka halulu ʻana o nā wai he nui; Akā, e pāpā nō ʻo ia iā lākou, A e peʻe nō lākou i kahi lōʻihi; E hahai ʻia nō lākou, e like me ka ʻōpala o nā kuahiwi i mua o ka makani, E like hoʻi me ka lepo i mua o ka puahiohio.

KA WĀNANA A ʻEZEKIʻELA 43:2

aia hoʻi, hele maila ka nani o ke Akua o kā ʻIseraʻela mai ka ʻaoʻao hikina mai; a ʻo kona leo, ua like ia me ka halulu ʻana o nā wai he nui; a ʻālohilohi aʻela ka honua i kona nani.

ZEKARIA 9:14

A e ʻikea auaneʻi ʻo Iēhova ma luna o lākou, A e lele aku kona pua e like me ka uila; A e hoʻokani ʻo Iēhova ka Haku i ka pū, A e hele aku nō ia i loko o nā makani ʻino o ke kūkulu hema.

ʻO KA ʻEPISETOLE MUA A PAULO KA LUNAʻŌLELO I KO KORINETO 13:1

¶ Inā i ʻōlelo au i ka ʻōlelo a nā kānaka a me nā ʻānela, a i loaʻa ʻole ke aloha, ua like au me ke keleawe kanikani a me ke kimebala walaʻau.

KA HŌʻIKE ʻANA A IOANE KA HAIPULE 1:10

A i ka lā o ka Haku, hihiʻo nō wau i ka ʻUhane, a lohe ihola i ka leo nui ma hope oʻu, e like me ko ka pū puhi,

KA HŌʻIKE ʻANA A IOANE KA HAIPULE 1:15

A ʻo kona mau wāwae, ua like me ke keleawe melemele maikaʻi, me he mea lā e lapalapa ana i ka umu ahi; a ʻo kona leo hoʻi, ua like me ka halulu ʻana o nā wai he nui.

KA HŌʻIKE ʻANA A IOANE KA HAIPULE 11:12

A lohe akula lāua i ka leo nui mai ka lani mai, ʻī maila iā lāua, “E piʻi mai i luna nei;” a piʻi akula lāua i ka lani ma ke ao; a ʻike akula ko lāua poʻe ʻenemi iā lāua.

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 15:2

¶ A ʻike akula au, he mea ua like me ka moana aniani, i hui pū ʻia me ke ahi; a ʻo ka poʻe i lanakila ma luna o ka holoholona a me kona kiʻi, a me kona hōʻailona, a me ka heluna o kona inoa, e kū ana lākou ma luna o ka moana aniani, a iā lākou nā lira o ke Akua.

KA HŌʻIKE ʻANA A IOANE KA HAIPULE 18:22

“ʻAʻole hoʻi e lohe hou ʻia ma loko ou ka leo o ka poʻe hoʻokanikani, a me ka poʻe hīmeni, a me ka poʻe hōkiokio a me ka poʻe puhi pū; ʻaʻole hoʻi e loaʻa hou aku ma loko ou kekahi kahuna o kekahi hana; ʻaʻole nō hoʻi e lohe hou ʻia i loko ou ka halulu ʻana o ka pōhaku kaʻa palaoa;

KA HŌʻIKE ʻANA A IOANE KA HAIPULE 5:8

A i kona lawe ʻana i ka buke, moe ihola nā mea ola ʻehā a me nā lunakahiko he iwakāluakumamāhā i mua o ke Keiki Hipa; he mau lira ko lākou a pau, a me nā hue gula, ua piha i nā mea ʻala, ʻo ia hoʻi nā pule a ka poʻe haipule.

KA HŌʻIKE ʻANA A IOANE KA HAIPULE 6:1

¶ Nānā akula au, a ʻākaʻa aʻela ke Keiki Hipa i ka mua o nā wepa ʻehiku, a lohe ihola au i kekahi o nā mea ola ʻehā, e ʻōlelo ana, e like me ka halulu hekili, “E hele mai e ʻike.”

KA HŌʻIKE ʻANA A IOANE KA HAIPULE 8:7

¶ A puhi aʻela ka ʻānela mua, a hiki maila ka huahekili, a me ke ahi, i hui pū ʻia me ke koko, ua hoʻolei ʻia ihola ia i ka honua. Pau ihola i ke ahi ka hapakolu o nā lāʻau, a pau nō hoʻi ka mauʻu uliuli a pau i ke ahi.