KA HŌʻIKE ʻANA A IOANE KA HAIPULE 14:13 - Ka Baibala Hemolele

¹³ ¶ Lohe akula au i ka leo, mai ka lani mai, ʻī maila, “E palapala ʻoe, ‘Pōmaikaʻi ka poʻe make, ke make i loko o ka Haku, ma kēia hope aku!’” “He ʻoiaʻiʻo,” wahi a ka ʻUhane, “i hoʻomaha lākou i ko lākou luhi; a ke hahai nei nō hoʻi kā lākou mau hana me lākou.”

KA HŌʻIKE ʻANA A IOANE KA HAIPULE 14:13 Iomraidhean Croise

KA BUKE O NĀ HALELŪ 19:11

A, ua ao ʻia mai nō hoʻi kāu kauā e lākou; No ka mālama ʻana iā lākou he nui wale ka waiwai.

KA BUKE O NĀ HALELŪ 85:13

E hele aʻe nō ka pono i mua o kona alo; A e alakaʻi hoʻi ʻo ia iā kākou ma ke ala o kona mau kapuaʻi.

KA WĀNANA A ʻISAIA 35:10

A e hoʻi mai nō ko Iēhova poʻe i kūʻai hoʻōla ʻia, E hele mai nō lākou i Ziona me ke ʻoli, A me ka hauʻoli mau ma luna o ko lākou mau poʻo; E loaʻa nō iā lākou ka ʻoliʻoli, a me ka hauʻoli, A e ʻauheʻe aku nō ke kaumaha, a me ke kaniʻuhū.

KA BUKE NO DANIʻELA 12:13

“Akā, e hele ʻoe i kou wahi e hele ai a hiki aku i ka hope; no ka mea, e hoʻomaha ʻoe, a e kū aʻe ma kou kuleana ma ka hope o ua mau lā lā.”

KA ʻEUANELIO I KĀKAU ʻIA AI E MATAIO 3:17

Aia hoʻi, he leo mai ka lani mai, e ʻī mai ana, “ʻO kaʻu Keiki punahele kēia, ka Mea aʻu i ʻoliʻoli loa ai.”

KA ʻEUANELIO I KĀKAU ʻIA AI E LUKA 16:25

“A laila ʻī maila ʻo ʻAberahama, ‘E ke keiki, e hoʻomanaʻo ʻoe, ua loaʻa iā ʻoe kāu mau mea maikaʻi i kou wā e ola ana; a iā Lazaro hoʻi nā mea ʻino. ʻĀnō hoʻi ua hōʻoluʻolu ʻia ʻo ia nei, a ua hōʻehaʻeha ʻia hoʻi ʻoe.

KA ʻEUANELIO I KĀKAU ʻIA AI E LUKA 16:9

“Ke ʻōlelo aku nei nō hoʻi au iā ʻoukou, me ka waiwai ʻoiaʻiʻo ʻole, e hoʻomakamaka ai ʻoukou i mau makamaka no ʻoukou, i hoʻokipa lākou iā ʻoukou i loko o nā hale pau ʻole, i ka wā e hāʻule ai ʻoukou.

ʻO KA ʻEPISETOLE A PAULO KA LUNAʻŌLELO I KO ROMA 14:8

No ka mea, inā e ola ana kākou, no ka Haku ko kākou ola nei; a inā e make ana kākou, no ka Haku ko kākou make ʻana. No laila, i ko kākou ola ʻana, a me ko kākou make ʻana, no ka Haku kākou.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:18

A laila, ua make ka poʻe i moe i loko o Kristo.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:20

¶ Akā, ua ala ʻiʻo nō ʻo Kristo, mai ka make mai, a ua lilo ʻo ia i hua mua o ka poʻe i moe.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:58

No ia mea, e nā hoahānau, e kūpaʻa ʻoukou, me ka nāueue ʻole, me ka hoʻomau i kā ʻoukou hana nui ʻana i ka hana a ka Haku; no ka mea, ua ʻike nō ʻoukou, ʻaʻole i makehewa kā ʻoukou hana ʻana ma ka Haku.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:8

Ua ikaika nō mākou, a ke ake nei nō hoʻi e noho mamao mākou i ke kino, a e noho pū me ka Haku.

ʻO KA ʻEPISETOLE A PAULO KA LUNAʻŌLELO I KO PILIPI 2:17

Inā e ninini ʻia aku au ma luna o ka mōhai a me ka ʻālana o ko ʻoukou manaʻoʻiʻo, e ʻoliʻoli nō wau, a e hauʻoli pū hoʻi me ʻoukou a pau.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:14

No ka mea, inā i manaʻoʻiʻo kākou, ua make akula ʻo Iesū, a ua ala hou mai, pēlā nō hoʻi ke Akua e lawe pū mai ai me ia i ka poʻe e hiamoe ana i loko o Iesū.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:16

No ka mea, e iho ʻiʻo mai nō ka Haku mai ka lani mai, me ka hoʻōho, a me ka leo o ka luna ʻānela, a me ka pū a ke Akua; a ʻo ka poʻe make i loko o Kristo ke ala ʻē mai.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:10

I ka Mea i make aku no kākou, i ola pū ai kākou me ia, i ke ala ʻana, a i ka hiamoe ʻana paha o kākou.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:24

ʻO nā hewa o kekahi poʻe kānaka, ua akāka ʻē nō ia e hele mua ana i ka hoʻohewa ʻia mai; a e hahai ana nō hoʻi nā hewa ma muli o kekahi poʻe.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:25

Pēlā nō hoʻi nā hana maikaʻi, ua akāka ʻē nō kekahi; a ʻo nā mea i ʻole pēlā, ʻaʻole naʻe e hiki ke hūnā ʻia.

KA HŌʻIKE ʻANA A IOANE KA HAIPULE 1:11

ʻī maila, “ʻO wau nō ka ʻAlepa a me ka ʻOmega, ka Mua a me ka Hope; ʻo ka mea āu i ʻike ai, e palapala iho ʻoe ma ka buke, a e hoʻouna aku i nā ʻekalesia ʻehiku ma ʻĀsia: ma ʻEpeso, a ma Semurena, a ma Peregamo, a ma Tuateira, a ma Saredeisa, a ma Piladelepia, a ma Laodikeia.”

KA HŌʻIKE ʻANA A IOANE KA HAIPULE 10:4

A i ka wā i pohā mai ai ka leo o ia mau hekili ʻehiku, ua mākaukau wau e palapala; a lohe au i ka leo, mai ka lani mai, e ʻōlelo ana, “E hoʻopaʻa ʻoe i ka wepa i nā mea a nā hekili ʻehiku i pane mai ai, mai palapala ʻoe ia mau mea.”

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 11:19

¶ A ua wehe ʻia aʻela ka luakini o ke Akua ma ka lani, a ʻike ʻia akula ka pahu o kāna berita, ma loko o kona luakini; a laila, nui ihola ka uila, a me nā leo, a me nā hekili, a me ke ōlaʻi, a me ka huahekili he nui loa.

KA HŌʻIKE ʻANA A IOANE KA HAIPULE 16:17

¶ Ninini akula ka ʻānela ʻehiku i kona hue ma ka lewa; a puka maila ka leo nui mai loko mai o ka luakini o ka lani, mai ka noho aliʻi mai, ʻī maila, “Ua pau.”

KA HŌʻIKE ʻANA A IOANE KA HAIPULE 19:9

ʻĪ maila kēlā iaʻu, “E palapala ʻoe penei, ‘Pōmaikaʻi ka poʻe i hea ʻia i ka ʻahaʻaina mare a ke Keiki Hipa.’” ʻĪ maila kēlā iaʻu, “ʻO ia nō nā ʻōlelo ʻoiaʻiʻo a ke Akua.”

KA HŌʻIKE ʻANA A IOANE KA HAIPULE 2:1

¶ “E palapala aku ʻoe i ka ʻānela o ka ʻekalesia ma ʻEpeso: Ke ʻī mai nei ka Mea nāna e paʻa ana nā hōkū ʻehiku ma kona lima ʻākau, a e hele ana hoʻi ma waena o nā ipukukui gula ʻehiku, penei:

KA HŌʻIKE ʻANA A IOANE KA HAIPULE 2:7

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’

KA HŌʻIKE ʻANA A IOANE KA HAIPULE 20:6

Pōmaikaʻi a hoʻāno hoʻi ke kanaka ke loaʻa iā ia ke ala mua ʻana; ʻaʻole e lanakila ka make ʻalua ma luna o lākou; akā, e lilo nō lākou i poʻe kāhuna no ke Akua a no Kristo, a na lākou e hoʻomalu pū me ia i nā makahiki hoʻokahi tausani.

KA HŌʻIKE ʻANA A IOANE KA HAIPULE 21:5

ʻĪ maila ka mea i noho ma ka noho aliʻi, “Aia hoʻi, ke hana hou nei au i nā mea a pau.” ʻĪ maila kēlā iaʻu, “E palapala ʻoe; no ka mea, he pono kēia mau ʻōlelo, he ʻoiaʻiʻo.”

KA HŌʻIKE ʻANA A IOANE KA HAIPULE 22:17

¶ Ke ʻōlelo mai nei ka ʻUhane a me ka wahine mare, “E hele mai.” A e ʻōlelo hoʻi ka mea lohe, “E hele mai.” A ʻo ka mea make wai lā, e hele mai ia. A ʻo ka mea makemake, e lawe wale ia i ka wai o ke ola.

KA HŌʻIKE ʻANA A IOANE KA HAIPULE 6:11

Ua hāʻawi ʻia aku ka ʻaʻahu keʻokeʻo na kēlā mea kēia mea o lākou, ua ʻōlelo ʻia akula hoʻi lākou, e kakali iki lākou, a hiki i ka manawa e pau ai ko lākou poʻe hoa lawehana a me ko lākou poʻe hoahānau, ka poʻe e pepehi ʻia ana e like me lākou.