KA HŌʻIKE ʻANA A IOANE KA HAIPULE 13:7 - Ka Baibala Hemolele

⁷ Ua hāʻawi ʻia mai nāna e kaua i nā haipule, a e lanakila ma luna o lākou; a ua hāʻawi ʻia maila nāna ka mana ma luna o nā ʻohana a pau, a me nā ʻōlelo a pau, a me nā lāhui kanaka a pau.

KA HŌʻIKE ʻANA A IOANE KA HAIPULE 13:7 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 9:16

“Akā, no kēia mea, i hoʻokū aʻe au iā ʻoe, i mea e hōʻike aku ai au i koʻu mana ma ou lā, a i kaulana aku ai koʻu inoa ma ka honua a pau.

KA WĀNANA A ʻISAIA 10:15

¶ E hoʻokiʻekiʻe anei ke koʻi lipi ma luna o ka mea nāna e kālai me ia? E haʻanui anei ka pahi olo ma luna o ka mea nāna ia e oloolo? Me he lāʻau lā i wiliwili i kona mea nāna e hāpai, E like me ke koʻokoʻo hoʻi i hoʻāla iā ia iho me he mea lāʻau ʻole lā.

KA WĀNANA A ʻISAIA 37:26

“ʻAʻole anei ʻoe i lohe kahiko naʻu ia i manaʻo, A naʻu hoʻi ia i hana i nā lā ma mua? A i kēia manawa, ua hoʻokō nō wau, I lilo ʻoe i mea e hoʻokahuli ai i nā kūlanakauhale paʻa i ka pā, i puʻu pōhaku.

KA WĀNANA A IEREMIA 25:9

‘Aia hoʻi, e hoʻouna au, a lawe mai i nā ʻohana kanaka a pau o ke kūkulu ʻākau,’ wahi a Iēhova, ‘a me Nebukaneza, ke aliʻi o Babulona, kaʻu kauā, a e lawe mai au iā lākou e kūʻē i kēia ʻāina, a e kūʻē i ko laila poʻe kānaka, a e kūʻē hoʻi i kēia mau lāhui kanaka a pau e puni ana, a e luku loa iā lākou, a hoʻolilo iā lākou i mea e pilihua ai, a i mea e hoʻowahāwahā ai, a i neoneo mau loa.

KA BUKE NO DANIʻELA 12:1

¶ “Ia manawa, e kū mai i luna ʻo Mikaʻela, ua aliʻi nui lā, ka mea nāna e kōkua i nā keiki o kou poʻe kānaka; a e hiki mai nō ka manawa pōpilikia, ka mea like ʻole me ia mai ka wā o ka lāhui kanaka, a hiki mai ia manawa; a ia manawa nō e hoʻopakele ʻia mai kou poʻe kānaka o kēlā mea kēia mea i kākau ʻia i loko o ka buke.

KA BUKE NO DANIʻELA 7:21

“ʻIke akula au i ua pepeiaohao lā e kaua aku ana ia i ka poʻe haipule, a lanakila ia ma luna o lākou;

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

KA ʻEUANELIO I KĀKAU ʻIA AI E LUKA 4:6

A ʻōlelo aʻela ka diabolō iā ia, “E hāʻawi aku wau iā ʻoe i kēia mana a pau a me ka nani o ia mau mea; no ka mea, ua hāʻawi ʻia mai ia iaʻu, a e hāʻawi aku hoʻi au ia mea no kaʻu mea e makemake ai.

KA ʻEUANELIO I KĀKAU ʻIA AI E IOANE 19:11

ʻŌlelo maila ʻo Iesū, “ʻAʻohe ou mana iki e kūʻē iaʻu, ke ʻole i hāʻawi ʻia mai ia nou mai luna mai; no ia mea, ua ʻoi aku ka hewa o ka mea nāna au i hāʻawi aku iā ʻoe.”

KA HŌʻIKE ʻANA A IOANE KA HAIPULE 10:11

ʻĪ maila kēlā iaʻu, “E pono iā ʻoe ke wānana hou aku, i nā lāhui kanaka, a me ko nā ʻāina, a me nā ʻōlelo, a me nā aliʻi he nui loa.”

KA HŌʻIKE ʻANA A IOANE KA HAIPULE 11:18

“Ua huhū akula ko nā ʻāina, a ua hiki mai kou inaina, a me ka manawa o ka poʻe make, i hoʻokolokolo ʻia lākou, a i hāʻawi ʻia nō hoʻi ka uku no kāu poʻe kauā, no ka poʻe kāula, a me ka poʻe haipule, a me ka poʻe i makaʻu i kou inoa, no ka poʻe liʻiliʻi, a no ka poʻe nui; i luku mai ʻoe i ka poʻe nāna i luku i ko ka honua.”

KA HŌʻIKE ʻANA A IOANE KA HAIPULE 11:7

A pau ko lāua hōʻike ʻana, a laila e kaua aku iā lāua ka holoholona i piʻi mai, mai loko mai o ka lua hohonu, a e lanakila ʻo ia ma luna o lāua, a e pepehi hoʻi iā lāua a make.

KA HŌʻIKE ʻANA A IOANE KA HAIPULE 12:17

Inaina akula ka deragona i ka wahine, a hele akula ia e kaua me ka poʻe i koe o kāna poʻe keiki, ʻo ka poʻe i mālama i ke kānāwai o ke Akua, a hoʻomau i ka hōʻike ʻana iā Iesū.

KA HŌʻIKE ʻANA A IOANE KA HAIPULE 17:15

ʻĪ maila kēlā iaʻu, “ʻO nā wai āu i ʻike ai, ʻo kahi noho ai a ka wahine hoʻokamakama, ʻo ia nā lāhui kanaka, a me nā lehulehu, a me nā aupuni, a me nā ʻōlelo.

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.