KA HŌʻIKE ʻANA A IOANE KA HAIPULE 13:18 - Ka Baibala Hemolele

¹⁸ Ma ʻaneʻi nō ke akamai; ʻo ka mea noʻonoʻo, e helu ʻo ia i ka heluna o ua holoholona nei; no ka mea, ʻo ia nō ka heluna o ke kanaka, a ʻo kona heluna ʻeono haneri ia me ke kanaonokumamāono.

KA HŌʻIKE ʻANA A IOANE KA HAIPULE 13:18 Iomraidhean Croise

KA BUKE O NĀ HALELŪ 107:43

ʻO wai lā ka mea akamai, a mālama i kēia mau mea? ʻO lākou kai hoʻomaopopo i ka lokomaikaʻi o Iēhova.

KA BUKE NO DANIʻELA 12:10

“Nui nō ka poʻe e hoʻomaʻemaʻe ʻia, a e hoʻokeʻokeʻo ʻia, a e hoʻāʻo ʻia; akā, ʻo ka poʻe hewa, e hana hewa nō lākou; ʻaʻole naʻe e hoʻomaopopo aku kekahi o ka poʻe hewa; akā, e hoʻomaopopo nō naʻe ka poʻe naʻauao.

HOSEA 14:9

¶ ʻO wai ka mea naʻauao, i noʻonoʻo ai ʻo ia i kēia mau mea? A akamai hoʻi, i ʻike ai ʻo ia i kēia mau mea? No ka mea, ʻo nā ʻaoʻao o Iēhova, ua pololei, A e hele ka poʻe pono i loko o laila; Akā, ʻo ka poʻe lawehala, e hāʻule lākou i loko o laila.

KA ʻEUANELIO I KĀKAU ʻIA AI E MAREKO 13:14

¶ “A ʻike aku ʻoukou i «ka mea haumia e hoʻoneoneo ana», i ʻōlelo ʻia mai ai e Daniʻela, e ke kāula, e kū ana i kahi pono ʻole, (ʻo ka mea heluhelu, e hoʻomaopopo ʻo ia,) a laila, ʻo ka poʻe e noho ana ma Iudea, e holo lākou i kuahiwi.

ʻO KA ʻEPISETOLE A PAULO KA LUNAʻŌLELO I KO ROMA 3:5

A inā e hoʻākāka aʻe ko kākou hewa i ka pono o ke Akua, he aha kā kākou mea e ʻōlelo ai? He pono ʻole anei ke Akua ke hoʻoili mai i ka inaina? (Ke ʻōlelo nei au ma kā ke kanaka.)

KA BUKE ʻALIMA A MOSE, I KAPA ʻIA KĀNĀWAI LUA 3:11

“No ka mea, ʻo ʻOga ke aliʻi o Basana wale nō i koe o nā kānaka nunui; aia hoʻi, ʻo kona wahi moe, he wahi moe hao; ʻaʻole anei ia ma Rabata no nā mamo a ʻAmona? ʻEiwa nō kūbita o kona lōʻihi, a ʻehā kūbita o kona laulā, ma kā ke kanaka kūbita.

KA HŌʻIKE ʻANA A IOANE KA HAIPULE 1:3

Pōmaikaʻi ka mea heluhelu a me ka poʻe lohe i nā ʻōlelo o kēia wānana, a mālama hoʻi i nā mea i palapala ʻia ma loko; no ka mea, ua kokoke mai ka manawa.

KA HŌʻIKE ʻANA A IOANE KA HAIPULE 15:2

¶ A ʻike akula au, he mea ua like me ka moana aniani, i hui pū ʻia me ke ahi; a ʻo ka poʻe i lanakila ma luna o ka holoholona a me kona kiʻi, a me kona hōʻailona, a me ka heluna o kona inoa, e kū ana lākou ma luna o ka moana aniani, a iā lākou nā lira o ke Akua.

KA HŌʻIKE ʻANA A IOANE KA HAIPULE 17:9

“Eia hoʻi ka naʻau akamai. ʻO ia mau poʻo ʻehiku, ʻehiku ia mau puʻu o kahi a ka wahine e noho ai ma luna iho o lākou.

KA HŌʻIKE ʻANA A IOANE KA HAIPULE 21:17

Ana ihola ia i kona pā, ʻakahi haneri kūbita a me kanahākumamāhā, ma ke ana ʻana o ke kanaka, ʻo ia hoʻi ko ka ʻānela.