KA HŌʻIKE ʻANA A IOANE KA HAIPULE 13:15 - Ka Baibala Hemolele

¹⁵ A ua hāʻawi ʻia mai nāna e hoʻokomo i ke ola i loko o ua kiʻi nei o ka holoholona, i ʻōlelo mai ke kiʻi o ka holoholona, a nāna nō e pepehi a make ka poʻe a pau i hoʻomana ʻole i ke kiʻi o ka holoholona.

KA HŌʻIKE ʻANA A IOANE KA HAIPULE 13:15 Iomraidhean Croise

KA BUKE MUA A MOSE, I KAPA ʻIA KINOHI 2:7

Hana ihola ʻo Iēhova ke Akua i ke kanaka, he lepo o ka honua, a hā ihola ia i ka hanu ola i loko o nā puka ihu ona; a lilo aʻela ke kanaka i mea ola.

KA BUKE O NĀ HALELŪ 115:5

He waha nō ko lākou, ʻaʻole naʻe e ʻōlelo mai; He maka nō ko lākou, ʻaʻole naʻe e ʻike mai;

KA WĀNANA A IEREMIA 10:14

Me he holoholona lā kēlā kanaka, kēia kanaka ma ka ʻike; Hilahila hoʻi nā mea hoʻoheheʻe kālā a pau no ke akua kiʻi; No ka mea, he mea wahaheʻe kona kiʻi i hoʻoheheʻe ʻia, ʻAʻohe hanu i loko o lākou.

KA WĀNANA A IEREMIA 10:5

“Kū pono nō lākou, e like me ka lāʻau pāma, ʻAʻole naʻe i ʻōlelo; He ʻoiaʻiʻo nō, ua kaʻikaʻi ʻia lākou; No ka mea, ʻaʻole hiki iā lākou ke hele. Mai makaʻu iā lākou; No ka mea, ʻaʻole hiki iā lākou ke hana mai i ka hewa, ʻAʻole hoʻi i loko o lākou ke hana i ka maikaʻi.”

KA WĀNANA A IEREMIA 51:17

Me he holoholona lā nā kānaka a pau ma ka ʻike, Ua hoʻohilahila ʻia nā mea hoʻoheheʻe kālā a pau, ma nā kiʻi i hoʻoheheʻe ʻia; No ka mea, he wahaheʻe kona kiʻi hoʻoheheʻe ʻia, ʻAʻohe hanu i loko o lākou.

KA BUKE NO DANIʻELA 7:20

a ʻo kona mau pepeiaohao he ʻumi ma luna o kona poʻo, a me kekahi mea i kupu aʻe, ua hina hoʻi nā mea ʻekolu i mua ona; ua pepeiaohao lā nona nā maka, a me ka waha hoʻi e ʻōlelo ana i nā mea nui, a ua ʻoi aku ka ikaika o kona maka ma mua o ko kona poʻe hoa.

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

HABAKUKA 2:19

“Auē ka mea ʻōlelo i ka lāʻau, ‘E ala mai!’ A i ka pōhaku leo ʻole, ‘E kū i luna!’ ʻO ia ke aʻo mai? Aia hoʻi, ua uhi ʻia ʻo ia i ke gula a me ke kālā, Akā, ʻaʻohe hanu iki i loko ona.

ʻO KA ʻEPISETOLE HOʻOLAHA A IAKOBO 2:26

ʻOiaʻiʻo nō, ʻo ke kino ʻuhane ʻole, ua make nō ia, pēlā hoʻi ka manaʻoʻiʻo hana ʻole, ua make nō ia.

KA HŌʻIKE ʻANA A IOANE KA HAIPULE 13:1

¶ Kū ihola au ma ke one o ke kai, a ʻike akula i kekahi holoholona e hōʻea mai ana, mai loko mai o ke kai, me nā pepeiaohao he ʻumi a me nā poʻo ʻehiku, a ma kona mau pepeiaohao, he ʻumi lei aliʻi, a ma luna o kona mau poʻo nā inoa o ka hoʻomāʻinoʻino.

KA HŌʻIKE ʻANA A IOANE KA HAIPULE 13:12

Hana ihola nō ia me ka mana a pau o ka holoholona mua ma kona alo, a nāna nō i hoʻohuli i ka honua a me ka poʻe e noho ana ma luna iho, e hoʻomana i ka holoholona mua nona ka ʻeha make i hoʻōla ʻia.

KA HŌʻIKE ʻANA A IOANE KA HAIPULE 13:14

A hoʻowalewale ʻo ia i ka poʻe i noho ma ka honua, ma nā mea kupanaha i hāʻawi ʻia mai nāna e hana, i mua o ka holoholona. ʻĪ mai kēlā i ka poʻe e noho ana ma ka honua, e hana lākou i kiʻi no ka holoholona i loaʻa ka ʻeha i ka pahi kaua, a ola hoʻi.

KA HŌʻIKE ʻANA A IOANE KA HAIPULE 14:11

“Piʻi aʻela ka uahi o ko lākou hoʻomāinoino ʻia, ia ao aku ia ao aku; ʻaʻole ʻoluʻolu iki, i ke ao a me ka pō, ka poʻe i hoʻomana i ka holoholona a me kona kiʻi, a ʻo nā mea hoʻi a pau i loaʻa ka hōʻailona o kona inoa.”

KA HŌʻIKE ʻANA A IOANE KA HAIPULE 14:9

¶ Hahai akula ka ʻānela ʻekolu iā lākou, e ʻōlelo ana me ka leo nui, “Inā e hoʻomana aku kekahi i ka holoholona a me kona kiʻi, a kau ʻia hoʻi kona hōʻailona ma kona lae, a ma kona lima paha,

KA HŌʻIKE ʻANA A IOANE KA HAIPULE 16:2

¶ Hele akula ka mua, ninini akula i kona hue ma luna iho o ka honua; a puʻu maila ka hēhē, ʻinoʻino pono ʻole ma luna o ka poʻe kānaka i loaʻa ka hōʻailona o ka holoholona, a i hoʻomana aku i kona kiʻi.

KA HŌʻIKE ʻANA A IOANE KA HAIPULE 16:5

A lohe aku au i ka ʻānela o nā wai, i ka ʻī ʻana mai, “Pono nō ʻoe, e ka Haku, e ka Mea e noho lā, a me ka Mea mua, ka Mea Hemolele; no ka mea, ua hoʻopaʻi ʻoe i kēia mau mea.

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 17:17

“No ka mea, ua hāʻawi ke Akua na ko lākou naʻau e hana i kona makemake, a e lōkahi ka manaʻo e hāʻawi i ko lākou aupuni i ka holoholona, a pau ka ʻōlelo a ke Akua i ka hoʻokō ʻia.

KA HŌʻIKE ʻANA A IOANE KA HAIPULE 17:6

A ʻike akula au i ua wahine lā, ua ʻona i ke koko o ka poʻe haipule, a me ke koko o ka poʻe hōʻike aku iā Iesū; a i koʻu ʻike ʻana, kāhāhā akula au, me ka manaʻo kāhāhā nui loa.

KA HŌʻIKE ʻANA A IOANE KA HAIPULE 18:20

“E ka lani, e hauʻoli ʻoe ma luna ona, ʻo ʻoukou hoʻi, e ka poʻe lunaʻōlelo hemolele, a me nā kāula; no ka mea, ua hoʻohewa ke Akua iā ia no ʻoukou.”

KA HŌʻIKE ʻANA A IOANE KA HAIPULE 18:24

“Ma loko ona i loaʻa ai ke koko o nā kāula, a me ka poʻe haipule, a me nā mea a pau i pepehi ʻia ma ka honua nei.”

KA HŌʻIKE ʻANA A IOANE KA HAIPULE 19:20

A paʻa ihola ka holoholona, a me ke kāula wahaheʻe pū me ia, ka mea hana i nā mea kupanaha i mua ona, a pēlā ia i hoʻowalewale ai i ka poʻe i loaʻa ka hōʻailona o ka holoholona, a me ka poʻe i hoʻomana aku i kona kiʻi. A ua kiola ola ʻia aku lāua a ʻelua i loko o ka loko ahi e ʻaʻā ana i ka luaʻi pele.

KA HŌʻIKE ʻANA A IOANE KA HAIPULE 20:4

¶ A ʻike akula au i nā noho aliʻi, a noho lākou ma luna iho, a ua hāʻawi ʻia na lākou e hoʻopaʻi aku. A ʻike akula au i nā ʻuhane o ka poʻe i ʻoki ʻia ko lākou poʻo no ka hōʻike ʻana iā Iesū, a no ka ʻōlelo a ke Akua, a me ka poʻe i hoʻomana ʻole i ka holoholona a me kona kiʻi, ʻaʻole hoʻi i loaʻa kona hōʻailona ma ko lākou lae, ʻaʻole hoʻi ma ko lākou lima; ola pū lākou me Kristo a hoʻomalu pū me ia i nā makahiki hoʻokahi tausani.