KA HŌʻIKE ʻANA A IOANE KA HAIPULE 13:10 - Ka Baibala Hemolele

¹⁰ Inā e alakaʻi pio aku kekahi, ʻo ia kekahi e hele pio. ʻO ka mea pepehi aku me ka pahi kaua, e pepehi ʻia ʻo ia me ka pahi kaua. Eia ka hoʻomanawanui a me ka manaʻoʻiʻo o ka poʻe haipule.

KA HŌʻIKE ʻANA A IOANE KA HAIPULE 13:10 Iomraidhean Croise

KA WĀNANA A ʻISAIA 14:2

E lawe nā lāhui kanaka iā lākou, a e hoʻihoʻi iā lākou i ko lākou wahi iho; a e noho nō lākou ma muli o ko ka hale o kā ʻIseraʻela, i kauā kāne, a i kauā wahine, ma ka ʻāina o Iēhova; a e lawe pio lākou i ka poʻe i hoʻopio ai iā lākou, a e noho aliʻi lākou ma luna o ka poʻe nāna lākou i hoʻokaumaha.

KA WĀNANA A ʻISAIA 26:21

No ka mea, aia hoʻi, ʻo Iēhova, ke puka maila, mai kona wahi mai, E hoʻopaʻi i ka hewa o nā kānaka ma luna o ka honua; A e hōʻike aku nō ka honua i ke koko i loko ona, ʻAʻole e uhi hou i kona poʻe i pepehi ʻia.

KA WĀNANA A ʻISAIA 33:1

¶ Auē ʻoe ka mea ʻānai aku, ʻAʻole hoʻi ʻoe i ʻānai ʻia mai; Ka mea hao wale aku, ʻaʻole naʻe lākou i hao mai iā ʻoe! A pau kāu ʻānai ʻana aku, a laila e ʻānai ʻia mai ʻoe; A pau kou hao ʻana aku, a laila lākou e hao mai ai iā ʻoe.

KA WĀNANA A IEREMIA 15:2

“A inā e ʻōlelo mai lākou iā ʻoe, ‘Ma hea mākou e puka aku ai?’ A laila, e ʻōlelo ʻoe iā lākou, ‘Ke ʻōlelo mai nei ʻo Iēhova penei, “ʻO ka poʻe no ka make, i ka make nō; A ʻo ka poʻe no ka pahi kaua, i ka pahi kaua nō; A ʻo ka poʻe no ka wī, i ka wī nō; A ʻo ka poʻe no ka lawe pio ʻia, i ka lawe pio ʻia nō.”’

KA WĀNANA A IEREMIA 43:11

“A hiki mai ʻo ia, e ʻānai nō ʻo ia i ka ʻāina ʻo ʻAigupita, a make ka poʻe no ka make, a pio ka poʻe no ka noho pio ʻana, a lilo i ka pahi kaua ka poʻe no ka pahi kaua.

KE KANIKAU A IEREMIA 3:26

He mea maikaʻi ke lana ka manaʻo, no ka hoʻōla ʻia mai e Iēhova, me ka ʻekemu ʻole hoʻi.

HABAKUKA 2:3

“No ka mea, ʻo ka mea i ʻikea no ka manawa maopopo ia; A ke lalelale nei i ka hope, ʻaʻole ia e hoʻopunipuni; Inā e hoʻokaʻulua ʻia ʻo ia, e kali ʻoe iā ia; No ka mea, e hiki ʻiʻo mai nō ia, ʻaʻohe ia e hoʻokaʻulua.

KA ʻEUANELIO I KĀKAU ʻIA AI E MATAIO 26:52

A laila, ʻī maila ʻo Iesū iā ia, “E hoʻihoʻi ʻoe i ka pahi kaua i kona wahī; no ka mea, ʻo ka poʻe lālau i ka pahi kaua, e make nō lākou i ka pahi kaua.

KA ʻEUANELIO I KĀKAU ʻIA AI E MATAIO 7:2

“No ka mea, me ka manaʻo ʻino a ʻoukou e manaʻo ʻino aku ai, pēlā hoʻi e manaʻo ʻino ʻia mai ai ʻoukou. Me ke ana a ʻoukou e ana aku ai, pēlā nō hoʻi e ana ʻia mai ai no ʻoukou.

KA ʻEUANELIO I KĀKAU ʻIA AI E LUKA 21:19

“Me ke ahonui e mālama ai ʻoukou i ko ʻoukou mau ʻuhane.

ʻO KA ʻEPISETOLE A PAULO KA LUNAʻŌLELO I KO KOLOSA 1:11

E hoʻoikaika nui ʻia mai ʻoukou e kona mana nani, i ke kūpaʻa ʻana, a me ke ahonui a me ka ʻoliʻoli;

ʻO KA ʻEPISETOLE A PAULO KA LUNAʻŌLELO I KO HEBERA 6:12

ʻAʻole e hoʻomoloā ana ʻoukou; akā, e hoʻohālike ana me ka poʻe i loaʻa ka pono i haʻi mua ʻia mai ai, ma ka manaʻoʻiʻo a me ke ahonui.

KA HŌʻIKE ʻANA A IOANE KA HAIPULE 1:9

¶ ʻO wau, ʻo Ioane nei, ʻo ko ʻoukou hoahānau, a ʻo ko ʻoukou hoa ma loko o ka pilikia, a ma loko o ke aupuni a me ke ahonui o Iesū Kristo, i noho au ma ka mokupuni, i kapa ʻia ʻo Patemosa, no ka ʻōlelo a ke Akua, a no ka hōʻike ʻana iā Iesū Kristo.

KA HŌʻIKE ʻANA A IOANE KA HAIPULE 11:18

“Ua huhū akula ko nā ʻāina, a ua hiki mai kou inaina, a me ka manawa o ka poʻe make, i hoʻokolokolo ʻia lākou, a i hāʻawi ʻia nō hoʻi ka uku no kāu poʻe kauā, no ka poʻe kāula, a me ka poʻe haipule, a me ka poʻe i makaʻu i kou inoa, no ka poʻe liʻiliʻi, a no ka poʻe nui; i luku mai ʻoe i ka poʻe nāna i luku i ko ka honua.”

KA HŌʻIKE ʻANA A IOANE KA HAIPULE 14:12

Ma ʻaneʻi nō ka hoʻomanawanui ʻana o ka poʻe haipule, ka poʻe mālama i nā kauoha a ke Akua me ka manaʻoʻiʻo iā Iesū.

KA HŌʻIKE ʻANA A IOANE KA HAIPULE 16:6

“No ka mea, ua hoʻokahe lākou i ke koko o ka poʻe haipule, a me ka poʻe kāula, a ua hāʻawi aku ʻoe i ke koko na lākou e inu, ua kūpono nō ia iā lākou.”

KA HŌʻIKE ʻANA A IOANE KA HAIPULE 17:11

“A ʻo ka holoholona, ka mea ma mua, ʻaʻole hoʻi i nēia wā, ʻo ia ka walu, a no nā mea ʻehiku nō hoʻi ia, a ke hele aku nei i ka make.

KA HŌʻIKE ʻANA A IOANE KA HAIPULE 17:8

“ʻO ka holoholona āu i ʻike ai, ma mua ia, i kēia wā hoʻi, ʻaʻole; a ma hope e piʻi mai nō ia mai loko mai o ka lua hohonu, a e hele ana i ka make. E kāhāhā hoʻi ka poʻe noho ma ka honua, ka poʻe ʻaʻole i kākau ʻia ko lākou inoa ma ka Buke o ke Ola mai ka hoʻokumu ʻana mai o ka honua, i ko lākou ʻike ʻana i ka holoholona, i ka mea ma mua, a i kēia wā ʻaʻole, a e noho ana hoʻi.

KA HŌʻIKE ʻANA A IOANE KA HAIPULE 2:19

‘Ua ʻike au i kāu hana ʻana, a me kou aloha, a me kou lawelawe ʻana, a me kou manaʻoʻiʻo, a me kou ahonui, a me ka ʻoi ʻana aku o kāu hana hope, ma mua o nā hana mua.

KA HŌʻIKE ʻANA A IOANE KA HAIPULE 2:2

‘Ua ʻike nō au i kāu hana ʻana, a me kou luhi, a me kou ahonui, a me ka hiki ʻole iā ʻoe ke hoʻomanawanui i ka poʻe hewa; a ua hoʻāʻo ʻoe i ka poʻe i haʻi mai iā lākou iho he poʻe lunaʻōlelo, ʻaʻole kā, a ua ʻike ʻoe iā lākou, he poʻe wahaheʻe.

KA HŌʻIKE ʻANA A IOANE KA HAIPULE 3:10

‘No ka mea, ua mālama ʻoe i ka ʻōlelo o koʻu ahonui, naʻu nō hoʻi e mālama aku iā ʻoe i ka hora o ka hoʻowalewale, i kokoke nō e hiki mai ma luna o ko ke ao nei a pau, e hoʻāʻo i ka poʻe e noho lā ma ka honua.

KA HŌʻIKE ʻANA A IOANE KA HAIPULE 3:3

‘E hoʻomanaʻo hoʻi i nā mea āu i loaʻa ai, a i lohe ai hoʻi, a e mālama aku, a e mihi. A i ʻole ʻoe e makaʻala, ʻeā, e hele aku au i ou lā, me he ʻaihue lā, ʻaʻole hoʻi ʻoe e ʻike i koʻu hora e hiki aku ai iā ʻoe.