KA HŌʻIKE ʻANA A IOANE KA HAIPULE 12:4 - Ka Baibala Hemolele

⁴ Huki maila kona huelo i ka hapakolu o nā hōkū o ka lani, a kiola ihola iā lākou i lalo i ka honua. Kū maila ua deragona nei, i mua o ka wahine e hānau ana, e ʻai aku i kāna keiki i kona wā e hānau ai.

KA HŌʻIKE ʻANA A IOANE KA HAIPULE 12:4 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 1:16

ʻī maila, “A i pale keiki ʻolua i nā wāhine Hebera, a nānā ʻolua i loko o nā pā holoi; inā he keiki kāne ia, a laila e pepehi ʻolua iā ia; akā, inā he kaikamahine, e ola nō ia.”

KA WĀNANA A ʻISAIA 27:1

¶ I kēlā lā, me kona pahi kaua kaumaha, a nui, a ikaika, E hoʻopaʻi mai ai ʻo Iēhova i Leviatana, i ka nahesa lele hoʻi, I Leviatana, i nahesa kekeʻe hoʻi, A e pepehi nō ʻo ia i ka moʻo nui ma loko o ke kai.

KA ʻEUANELIO I KĀKAU ʻIA AI E IOANE 8:44

“Na ko ʻoukou makua ʻoukou na ka diabolō, a makemake nō ʻoukou e hana i nā kuko o ko ʻoukou makua. He pepehi kanaka ia mai ke kumu mai, ʻaʻole ia i kū ma ka ʻoiaʻiʻo; no ka mea, ʻaʻohe ʻoiaʻiʻo i loko ona. Inā ʻōlelo ʻo ia i ka wahaheʻe, ʻōlelo nō ʻo ia i kāna iho; no ka mea, he wahaheʻe ʻo ia, a ʻo ka makua hoʻi ia no ka wahaheʻe.

ʻO KA ʻEPISETOLE HOʻOLAHA MUA A PETERO 5:8

E kūoʻo, a e makaʻala; no ka mea, e like me ka liona uō, pēlā nō e holoholo nei ko ʻoukou ʻenemi, ʻo ka diabolō, e ʻimi ana i kāna mea e ale ai.

KA HŌʻIKE ʻANA A IOANE KA HAIPULE 12:7

¶ A he kaua nō ma ka lani; kaua mai ʻo Mikaʻela a me kona poʻe ʻānela i ka deragona; a kaua aku ka deragona a me kona poʻe ʻānela;

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.

KA HŌʻIKE ʻANA A IOANE KA HAIPULE 13:2

A ʻo ua holoholona lā aʻu i ʻike ai, ua like ia me ka leopadi, a ʻo kona wāwae ua like me ko ka bea, ʻo kona waha me ka waha o ka liona. A hāʻawi hoʻi ka deragona iā ia i kona mana a me kona noho aliʻi a me ka ikaika nui.

KA HŌʻIKE ʻANA A IOANE KA HAIPULE 13:4

Hoʻomana akula lākou i ka deragona nāna i hāʻawi i ka ikaika no ua holoholona lā; a hoʻomana lākou i ka holoholona, ʻī aʻela, “ʻO wai lā ka mea like me ia holoholona? ʻO wai hoʻi ka mea hiki ke kaua aku iā ia?”

KA HŌʻIKE ʻANA A IOANE KA HAIPULE 16:13

A ʻike akula au i nā ʻuhane haukaʻe ʻekolu e like me nā rana, mai loko mai o ka waha o ka deragona, a me ka waha o ka holoholona, a me ka waha o ke kāula wahaheʻe.

KA HŌʻIKE ʻANA A IOANE KA HAIPULE 17:18

“A ʻo ka wahine āu i ʻike ai, ʻo ia ke kūlanakauhale nui, e hoʻoaliʻi ana ma luna o nā aliʻi o ka honua.”

KA HŌʻIKE ʻANA A IOANE KA HAIPULE 20:2

A lālau akula ia i ka deragona, kēlā moʻo kahiko, ʻo ia hoʻi ʻo ka diabolō, a ʻo Sātana hoʻi, a nakinaki ihola iā ia a paʻa i nā makahiki hoʻokahi tausani;

KA HŌʻIKE ʻANA A IOANE KA HAIPULE 8:10

¶ A puhi aʻela ka ʻānela ʻekolu, a hāʻule mai kekahi hōkū nui, mai ka lani mai, e ʻaʻā ana e like me ka ipukukui, a hāʻule ia ma luna o ka hapakolu o nā muliwai, a ma luna o nā wai puna.

KA HŌʻIKE ʻANA A IOANE KA HAIPULE 8:11

Ua kapa ʻia aku ka inoa o ia hōkū, ʻo ʻAwaʻawa; a lilo ihola kekahi hapakolu o nā wai i ʻawaʻawa; a nui loa ihola ka poʻe kānaka i make i ka wai; no ka mea, ua lilo ia i mea ʻawaʻawa.

KA HŌʻIKE ʻANA A IOANE KA HAIPULE 8:12

¶ A puhi aʻela ka ʻānela hā, a ua hahau ʻia akula kekahi hapakolu o ka lā, a me ka hapakolu o ka mahina, a me ka hapakolu o nā hōkū; ua pōʻeleʻele ka hapakolu o lākou, a ʻo ka hapakolu o ke ao, ʻaʻole mālamalama, a pēlā nō hoʻi ka pō.

KA HŌʻIKE ʻANA A IOANE KA HAIPULE 8:7

¶ A puhi aʻela ka ʻānela mua, a hiki maila ka huahekili, a me ke ahi, i hui pū ʻia me ke koko, ua hoʻolei ʻia ihola ia i ka honua. Pau ihola i ke ahi ka hapakolu o nā lāʻau, a pau nō hoʻi ka mauʻu uliuli a pau i ke ahi.

KA HŌʻIKE ʻANA A IOANE KA HAIPULE 8:8

¶ A puhi aʻela ka ʻānela ʻelua, a ua hoʻolei ʻia akula i ke kai, he mea e like me ke kuahiwi nui e ʻaʻā ana i ke ahi. A lilo ihola ka hapakolu o ke kai i koko.

KA HŌʻIKE ʻANA A IOANE KA HAIPULE 8:9

A make ihola ka hapakolu o nā mea e ola ana i loko o ke kai; a luku ʻia ihola ka hapakolu o nā moku.

KA HŌʻIKE ʻANA A IOANE KA HAIPULE 9:10

He huelo ko lākou e like me ko ka moʻo huelo ʻawa, a he mea ʻoʻoi ma ko lākou huelo; a he mana ko lākou e hoʻomāinoino i kānaka no nā malama ʻelima.

KA HŌʻIKE ʻANA A IOANE KA HAIPULE 9:19

ʻO ka mana o ia poʻe lio, aia ma ko lākou waha a me ko lākou huelo; no ka mea, ua like ko lākou huelo me nā nahesa, a he poʻo ko lākou, a ʻo ia ko lākou mea e hoʻoʻeha aku ai.