KA HŌʻIKE ʻANA A IOANE KA HAIPULE 12:15 - Ka Baibala Hemolele

¹⁵ Luaʻi akula ua moʻo nei i ka wai ma waho o kona waha, a kahe akula ma hope o ka wahine e like me ka muliwai, i lawe aku ai ʻo ia iā ia ma ka wai.

KA HŌʻIKE ʻANA A IOANE KA HAIPULE 12:15 Iomraidhean Croise

KA BUKE MUA A MOSE, I KAPA ʻIA KINOHI 3:1

¶ Ua ʻoi aku ka maʻalea o ka nahesa i ko nā holoholona o ke kula a pau a Iēhova ke Akua i hana ai. ʻĪ maila ia i ka wahine, “He ʻoiaʻiʻo anei, ua pāpā mai ke Akua, ‘ʻAʻole ʻolua e ʻai i ko nā lāʻau a pau o ka mahina ʻai nei’?”

KA BUKE O NĀ HALELŪ 18:4

¶ Ua puni au i ka ʻehaʻeha o ka make; Ua hoʻoweliweli mai iaʻu nā ʻale o ka poʻe ʻaiā.

KA BUKE O NĀ HALELŪ 65:7

Ka Mea i hoʻomālielie i ka halulu ʻana o nā kai, Ka halulu ʻana o nā ʻale o lākou, a me ka wawā ʻana o kānaka.

KA WĀNANA A ʻISAIA 28:2

Aia hoʻi, ka mea ikaika, ka mea i hoʻoikaika ʻia e ka Haku, Nāna nō e hoʻohiolo iā lākou i lalo i ka lepo me kona lima, E like me ka huahekili e hāʻule ana, E like hoʻi me ka ʻino nui e make ai, A me ka waikahe he nui e holomoku ana.

KA WĀNANA A ʻISAIA 59:19

A e makaʻu nō lākou i ka inoa ʻo Iēhova, mai ke komohana mai, A i kona nani hoʻi, mai ka puka ʻana a ka lā mai; I ka wā e komo mai ai ia e like me ke kahawai hāiki, Na ka ʻUhane o Iēhova e kau ana i ka hae kūʻē.

KA WĀNANA A ʻISAIA 8:7

“No laila, aia hoʻi! E lawe mai nō ka Haku ma luna o lākou, I nā wai he ikaika a he nui, o ka Muliwai, I ke aliʻi hoʻi o ʻAsuria, a me kona hanohano aliʻi a pau, A e hū nō ia ma waho o kona māno wai a pau, A e kahe hoʻi ma luna o kona mau kapa a pau.

ʻO KA ʻEPISETOLE LUA A PAULO KA LUNAʻŌLELO I KO KORINETO 11:3

Akā, ke makaʻu nei au, o hoʻohuli ʻia aʻe ko ʻoukou naʻau mai ka pono ʻiʻo aku o Kristo, e like me ka nahesa i hoʻowalewale aku ai iā ʻEva i kona maʻalea.

KA HŌʻIKE ʻANA A IOANE KA HAIPULE 12:16

Kōkua akula ka honua, ma muli o ka wahine; a hāmama akula i kona waha, a moni ihola i ka muliwai a ka deragona i luaʻi aku ai ma kona waha aku.

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.

KA HŌʻIKE ʻANA A IOANE KA HAIPULE 17:15

ʻĪ maila kēlā iaʻu, “ʻO nā wai āu i ʻike ai, ʻo kahi noho ai a ka wahine hoʻokamakama, ʻo ia nā lāhui kanaka, a me nā lehulehu, a me nā aupuni, a me nā ʻōlelo.

KA HŌʻIKE ʻANA A IOANE KA HAIPULE 20:2

A lālau akula ia i ka deragona, kēlā moʻo kahiko, ʻo ia hoʻi ʻo ka diabolō, a ʻo Sātana hoʻi, a nakinaki ihola iā ia a paʻa i nā makahiki hoʻokahi tausani;