KA HŌʻIKE ʻANA A IOANE KA HAIPULE 12:12 - Ka Baibala Hemolele

¹² “No laila, e ʻoliʻoli ʻoukou, e nā lani, a me ka poʻe e noho lā ma laila. Auē hoʻi i ka poʻe e noho lā ma ka honua a ma ka moana! No ka mea, ua iho mai ʻo ka diabolō iā ʻoukou me ka inaina nui; no ka mea, ua ʻike ʻo ia, he pōkole kona wā.”

KA HŌʻIKE ʻANA A IOANE KA HAIPULE 12:12 Iomraidhean Croise

KA WĀNANA A ʻISAIA 44:23

E ʻoli ʻoukou, e nā lani; no ka mea, na Iēhova i hana; E hauʻoli hoʻi ʻoukou, e nā wahi haʻahaʻa o ka honua, E hoʻokani i ke ʻoli, e nā mauna, E ka ulu lāʻau, a me nā lāʻau a pau ma loko; No ka mea, ua hoʻōla pānaʻi ʻo Iēhova i kā Iakoba, Ua hoʻonani hoʻi iā ia iho ma o kā ʻIseraʻela lā.

KA WĀNANA A ʻISAIA 49:13

E ʻoli ʻoukou, e nā lani, e hauʻoli hoʻi, e ka honua; E hoʻokani i ke ʻoli, e nā mauna; No ka mea, ua hoʻomaha mai ʻo Iēhova i kona poʻe kānaka A e aloha mai nō hoʻi ia i kona poʻe i hoʻopilikia ʻia.

KA ʻEUANELIO I KĀKAU ʻIA AI E LUKA 15:10

“Pēlā hoʻi, ke ʻōlelo aku nei au iā ʻoukou, he ʻoliʻoli nō i mua o ke alo o ko ke Akua poʻe ʻānela i ke kanaka hewa hoʻokahi e mihi ana.”

KA ʻEUANELIO I KĀKAU ʻIA AI E LUKA 2:14

“E hoʻonani ʻia ke Akua ma nā lani kiʻekiʻe loa, A he malu hoʻi ma ka honua; he aloha nō i kānaka.”

ʻO KA ʻEPISETOLE A PAULO KA LUNAʻŌLELO I KO HEBERA 10:37

«A liʻuliʻu iki aku, ʻO ka Mea e hiki mai ana e hiki mai nō ia, ʻaʻole e hoʻokaʻulua aku.

ʻO KA ʻEPISETOLE HOʻOLAHA ʻALUA A PETERO 3:8

¶ E na pōkiʻi, mai hoʻonaʻaupō ʻoukou i kēia mea hoʻokahi; a i ka Haku, ua like ka lā hoʻokahi, me nā makahiki hoʻokahi tausani, a ʻo ke tausani makahiki hoʻi, me ka lā hoʻokahi.

KA HŌʻIKE ʻANA A IOANE KA HAIPULE 10:6

a hoʻohiki aʻela ia i ka Mea e ola ana ia ao aku ia ao aku, «ka Mea nāna i hana ka lani a me nā mea i loko ona, a me ka honua a me nā mea i loko ona, a me ke kai a me nā mea i loko ona», ʻaʻole e manawa kali hou aku.

KA HŌʻIKE ʻANA A IOANE KA HAIPULE 11:10

A ʻo ka poʻe e noho lā ma ka honua, e ʻoliʻoli auaneʻi lākou ma luna o lāua, a e hauʻoli hoʻi, a e hoʻouka aku lākou i nā makana, i kekahi i kekahi; no ka mea, ua hoʻoʻeha kēia mau kāula ʻelua i ka poʻe i noho ma ka honua.

KA HŌʻIKE ʻANA A IOANE KA HAIPULE 11:14

¶ Ua hala ka lua o ka auē; aia hoʻi ke kolu o ka auē, e hiki koke mai ia.

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.

KA HŌʻIKE ʻANA A IOANE KA HAIPULE 13:6

Hoaka aʻela ʻo ia i kona waha e hoʻomāʻinoʻino i ke Akua, e hoʻomāʻinoʻino i kona inoa, a me kona halelewa a me ka poʻe e noho lā ma ka lani.

KA HŌʻIKE ʻANA A IOANE KA HAIPULE 18:20

“E ka lani, e hauʻoli ʻoe ma luna ona, ʻo ʻoukou hoʻi, e ka poʻe lunaʻōlelo hemolele, a me nā kāula; no ka mea, ua hoʻohewa ke Akua iā ia no ʻoukou.”

KA HŌʻIKE ʻANA A IOANE KA HAIPULE 8:13

¶ Nānā akula au, a lohe akula i kekahi ʻānela e lele ana ma waena o ka lani, e hea ana me ka leo nui, “Auē, auē, auē, i ka poʻe e noho lā ma ka honua, no nā kani ʻana i koe o ka pū o nā ʻānela ʻekolu i mākaukau e hoʻokani mai!”

KA HŌʻIKE ʻANA A IOANE KA HAIPULE 9:12

¶ Ua hala kekahi auē; aia hoʻi, ʻelua auē i koe ma hope aku.