KA HŌʻIKE ʻANA A IOANE KA HAIPULE 11:13 - Ka Baibala Hemolele

¹³ Ia hora, nui loa ihola ke ōlaʻi, a hiolo ihola kekahi hapaʻumi o ke kūlanakauhale; a make ihola ʻehiku tausani kānaka i ke ōlaʻi. Makaʻu loa ihola ka poʻe i koe, a hoʻonani akula lākou i ke Akua o ka lani.

KA HŌʻIKE ʻANA A IOANE KA HAIPULE 11:13 Iomraidhean Croise

KA BUKE MUA A MOSE, I KAPA ʻIA KINOHI 6:4

Noho ihola nā kānaka nunui ma ka honua ia manawa; a ma hope aku, a komo akula nā keiki a ke Akua i loko i nā kaikamāhine a nā kānaka, a hānau mai na lākou ka poʻe kānaka ikaika, he poʻe kānaka kaulana lākou i ka wā kahiko.

KA WĀNANA A ʻISAIA 29:6

E hele hoʻohikilele mai ʻo Iēhova o nā kaua iā ʻoe, Me ka hekili a me ke ōlaʻi, Me ka uwalaʻau nui, a me ka puahiohio, Me ka ʻino, a me ka lapalapa ahi e hoʻopau ana.

KA WĀNANA A IEREMIA 13:16

E hoʻonani aku iā Iēhova, i ko ʻoukou Akua, Ma mua o kona hoʻopōʻeleʻele ʻana mai, A ma mua hoʻi o ke kūlanalana ʻana o ko ʻoukou mau wāwae Ma nā mauna pouli, A ʻoiai ʻoukou e kakali i ka mālamalama, Hoʻolilo ʻo ia ia i aka no ka make, A hana hoʻi i pouli loa.

MALAKI 2:2

“Inā, ʻaʻole ʻoukou e hoʻolohe, ʻaʻole hoʻi e hoʻolilo i ko ʻoukou naʻau, e hoʻonani i koʻu inoa,” wahi a Iēhova o nā kaua, “e hoʻouna auaneʻi au i ka pōpilikia i o ʻoukou lā, a e hoʻolilo au i ko ʻoukou pōmaikaʻi ʻana i pōʻino, a e hoʻopōʻino aku nō au; no ka mea, ʻaʻole ʻoukou i hoʻopili ia i ko ʻoukou naʻau iho.

KA ʻEUANELIO I KĀKAU ʻIA AI E IOANE 9:24

¶ A laila kāhea hou akula lākou i ua kanaka lā, ka mea i makapō, ʻī akula iā ia, “E hoʻonani aku ʻoe i ke Akua; ua ʻike mākou he kanaka hewa kēia.”

NĀ ʻOIHANA A KA POʻE LUNAʻŌLELO 1:15

¶ I ua mau lā lā, kū aʻela ʻo Petero i waenakonu o nā haumāna, ʻī maila, (ʻo ka nui o ko lākou inoa, hoʻokahi haneri me ka iwakālua),

KA BUKE A IOSUA 7:19

ʻŌlelo maila ʻo Iosua iā ʻAkana, “E kuʻu keiki, e hoʻomaikaʻi aku ʻoe iā Iēhova, i ke Akua o kā ʻIseraʻela, a e haʻi maopopo aku iā ia, a e hōʻike mai iaʻu i ka mea āu i hana ai. Mai hūnā iaʻu.”

KA HŌʻIKE ʻANA A IOANE KA HAIPULE 11:11

A hala nā lā ʻekolu a me ka hapa, komo ihola ka ʻuhane ola no ke Akua mai, i loko o lāua, a kū maila lāua ma ko lāua mau wāwae; a kau maila ka makaʻu nui ma luna o ka poʻe a pau i ʻike aku iā lāua.

KA HŌʻIKE ʻANA A IOANE KA HAIPULE 11:19

¶ A ua wehe ʻia aʻela ka luakini o ke Akua ma ka lani, a ʻike ʻia akula ka pahu o kāna berita, ma loko o kona luakini; a laila, nui ihola ka uila, a me nā leo, a me nā hekili, a me ke ōlaʻi, a me ka huahekili he nui loa.

KA HŌʻIKE ʻANA A IOANE KA HAIPULE 14:7

ʻī maila ia me ka leo nui, “E makaʻu i ke Akua, a e hoʻonani aku iā ia; no ka mea, ua hiki mai ka hora o kona hoʻopaʻi ʻana; e kukuli hoʻomaikaʻi i ka mea nāna i hana ka lani a me ka honua, a me ke kai, a me nā wai puna.”

KA HŌʻIKE ʻANA A IOANE KA HAIPULE 15:4

“ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”

KA HŌʻIKE ʻANA A IOANE KA HAIPULE 19:7

“E ʻoliʻoli kākou, a e hauʻoli hoʻi, a e hoʻonani aku iā ia; no ka mea, ua hiki mai ka mare ʻana o ke Keiki Hipa, a ua hoʻomākaukau kāna wahine iā ia iho.”

KA HŌʻIKE ʻANA A IOANE KA HAIPULE 3:4

‘He mau inoa nō naʻe kou ma Saredeisa, ʻaʻole i hoʻohaumia lākou i ko lākou mea ʻaʻahu; e hele pū lākou me aʻu, ma ke keʻokeʻo; no ka mea, ua pono lākou.

KA HŌʻIKE ʻANA A IOANE KA HAIPULE 6:12

¶ A i kona ʻākaʻa ʻana i ke ono o nā wepa, ʻike akula au, a nui loa ihola ke ōlaʻi; a lilo ihola ka lā i mea ʻeleʻele e like me ka lole lauoho, a lilo ka mahina a pau e like me ke koko;

KA HŌʻIKE ʻANA A IOANE KA HAIPULE 8:5

Lawe aʻela ka ʻānela i ka ipu ʻala a hahao ihola a piha i ke ahi o ke kuahu, a kiola ihola i lalo i ka honua; a laila puka maila nā leo, a me nā hekili, a me nā uila, a me ke ōlaʻi.

KA BUKE MUA A SAMUʻELA 6:5

“No ia mea, e hana ʻoukou i nā kiʻi no ko ʻoukou puʻupuʻu koko, a me nā kiʻi no ko ʻoukou ʻiole, nāna i hana ʻino ka ʻāina; a e hoʻonani aku ʻoukou i ke Akua o kā ʻIseraʻela; malia paha e hoʻomāmā mai ia i kona lima mai luna aʻe o ʻoukou, a me ko ʻoukou mau akua, a me ko ʻoukou ʻāina.