KA HŌʻIKE ʻANA A IOANE KA HAIPULE 11:12 - Ka Baibala Hemolele

¹² A lohe akula lāua i ka leo nui mai ka lani mai, ʻī maila iā lāua, “E piʻi mai i luna nei;” a piʻi akula lāua i ka lani ma ke ao; a ʻike akula ko lāua poʻe ʻenemi iā lāua.

KA HŌʻIKE ʻANA A IOANE KA HAIPULE 11:12 Iomraidhean Croise

KA BUKE ʻALUA NO NĀ ALIʻI 2:1

¶ A i ke kokoke e lawe aku ʻo Iēhova iā ʻElia i ka lani ma ka puahiohio, hele pū akula ʻo ʻElia me ʻElisai mai Gilegala aku.

KA BUKE ʻALUA NO NĀ ALIʻI 2:11

A i ko lāua hele ʻana aku, e kamaʻilio pū ana, aia hoʻi, he hale kaʻa ahi, a me nā lio ahi, a hoʻokaʻawale ʻia lāua a ʻelua, a piʻi aʻela ʻo ʻElia i loko o ka puahiohio i ka lani.

KA BUKE ʻALUA NO NĀ ALIʻI 2:5

A hele maila nā haumāna a ka poʻe kāula ma Ieriko i o ʻElisai lā, ʻī maila iā ia, “Ua ʻike anei ʻoe, e lawe auaneʻi ʻo Iēhova i kēia lā i kou haku mai kou poʻo aku?” ʻĪ akula kēlā, “ʻAe, ua ʻike au; e hāmau ʻoukou!”

KA BUKE ʻALUA NO NĀ ALIʻI 2:7

¶ A hele akula nā kānaka he kanalima no nā haumāna a ka poʻe kāula, a kū mai ma kahi lōʻihi aku; a kū nō lāua a ʻelua ma Ioredane.

KA BUKE O NĀ HALELŪ 112:10

¶ E ʻike mai nō ka poʻe hewa, a huāhuā; E ʻuī nō kona mau niho a e heheʻe wale ʻo ia; E pau auaneʻi ka mea a ka poʻe hewa i makemake ai.

KA BUKE O NĀ HALELŪ 15:1

¶ E Iēhova, ʻo wai ka mea e noho i loko o kou halelewa? ʻO wai hoʻi ka mea e noho ma kou mauna hoʻāno?

KA BUKE O NĀ HALELŪ 24:3

ʻO wai lā ka mea e piʻi i ka mauna o Iēhova? ʻO wai lā hoʻi ke kū ma kona wahi hoʻāno?

KA BUKE O NĀ HALELŪ 86:17

E hāʻawi mai ʻoe i hōʻailona no ka maikaʻi, I ʻike mai ka poʻe i huhū iaʻu, a hilahila; No ka mea, ua kōkua mai ʻoe iaʻu, e Iēhova, A ua hōʻoluʻolu mai nō hoʻi iaʻu.

KA BUKE ʻALUA A MOSE, I KAPA ʻIA PUKA ʻANA 14:25

Hoʻohemohemo ihola ia i nā huila o ko lākou mau kaʻa kaua, i hele pupū ai lākou; no ia mea, ʻōlelo maila ko ʻAigupita, “E ʻauheʻe kākou mai ke alo aku o kā ʻIseraʻela; no ka mea, ua kaua mai nō ʻo Iēhova me lākou pū i ko ʻAigupita.”

KA WĀNANA A ʻISAIA 14:13

“Akā, ua ʻōlelo nō ʻoe i loko o kou naʻau, ‘E piʻi aku nō wau i ka lani, E hoʻokiʻekiʻe nō wau i koʻu noho aliʻi, Ma luna o nā hōkū o ke Akua; E noho nō wau ma ka mauna o ka hālāwai ʻana, Ma nā ʻāina lōʻihi aku o ke kūkulu ʻākau.

KA WĀNANA A ʻISAIA 40:31

Akā, ʻo ka poʻe hilinaʻi aku iā Iēhova, e ulu hou nō ko lākou ikaika; E piʻi ʻēheu aku nō lākou i luna, e like me nā ʻaito; E holo nō lākou, ʻaʻole hoʻi e māloʻeloʻe, E hele mua nō lākou, ʻaʻole hoʻi e maʻule.

KA WĀNANA A ʻISAIA 60:8

“ʻO wai kēia poʻe e lele nei, me he ao lā, E like hoʻi me nā manu nūnū i ko lākou mau puka hale?

MALAKI 3:18

A laila, e huli mai auaneʻi ʻoukou, a e nānā maopopo i waena o ka poʻe pono a ʻo ka poʻe hewa, i waena hoʻi o ka mea mālama i ke Akua, a me ka mea mālama ʻole.

KA ʻEUANELIO I KĀKAU ʻIA AI E LUKA 16:23

“A ma loko o ka pō ʻo ia i nānā aku ai, me ka ʻeha nui, ʻike akula iā ʻAberahama i kahi lōʻihi aku a me Lazaro ma kona poli.

NĀ ʻOIHANA A KA POʻE LUNAʻŌLELO 1:9

A oki aʻela kāna ʻōlelo ʻana ia mau mea, e nānā aku ana lākou, a lawe ʻia akula ia i luna; a na ke ao nō ia i ʻapo mai, mai ko lākou mau maka aku.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:17

A laila e kāʻili pū ʻia aku kākou ka poʻe i koe e ola ʻokoʻa ana, me lākou, i loko o nā ao kaʻalelewa e hālāwai pū me ka Haku, i ka lewa; ʻo ia hoʻi, e mau loa ana ko kākou noho ʻana me ka Haku.

KA HŌʻIKE ʻANA A IOANE KA HAIPULE 12:5

Hānau maila ʻo ia, he keiki kāne, he mea e hoʻomalu i nā lāhui kanaka a pau me ke koʻokoʻo hao. Ua kāʻili ʻia akula kāna keiki i luna i ke Akua a ma kona noho aliʻi.

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.

KA HŌʻIKE ʻANA A IOANE KA HAIPULE 4:1

¶ Ma hope iho o kēia mau mea, nānā akula au, aia hoʻi, he puka e hāmama ana ma loko o ka lani; a ʻo ka leo mua aʻu i lohe ai, ua like ia me ko ka pū e kamaʻilio ana iaʻu, ʻī maila, “E piʻi mai ʻoe i ʻaneʻi, a naʻu nō e hōʻike aku iā ʻoe i nā mea e hiki mai ana ma kēia hope aku.”