KA HŌʻIKE ʻANA A IOANE KA HAIPULE 10:9 - Ka Baibala Hemolele

⁹ Hele akula au i ua ʻānela lā, ʻī akula iā ia, “Hō mai naʻu ka palapala liʻiliʻi.” ʻĪ maila kēlā iaʻu, “E lawe, a e ʻai hoʻi; e hōʻawahia ia i kou ʻōpū; akā, ma kou waha he mea ʻono ia e like me ka meli.”

KA HŌʻIKE ʻANA A IOANE KA HAIPULE 10:9 Iomraidhean Croise

KA BUKE NO IOBA 23:12

“Mai ke kauoha o kona mau lehelehe aku, ʻaʻole au i hele; Ua mālama au i nā ʻōlelo a kona waha ma mua o kuʻu haʻawina ʻai.

KA WĀNANA A IEREMIA 15:16

Ua loaʻa nō kāu mau ʻōlelo, a ʻai nō wau ia mau mea; A lilo kāu ʻōlelo iaʻu i mea ʻoliʻoli, a i mea hoʻi e hauʻoli ai koʻu naʻau; No ka mea, ua kapa ʻia wau ma kou inoa, E Iēhova, ke Akua o nā kaua.

KA WĀNANA A ʻEZEKIʻELA 2:8

¶ “Akā ʻo ʻoe, e ke keiki a ke kanaka, e hoʻolohe mai i ka mea aʻu e ʻōlelo aku ai iā ʻoe; mai noho a kipi ʻoe e like me kēlā ʻohana kipi, e ʻoaka kou waha a e ʻai i ka mea aʻu e hāʻawi aku ai iā ʻoe.”

KA WĀNANA A ʻEZEKIʻELA 3:14

Kaʻikaʻi aʻela hoʻi ka ʻUhane iaʻu, a lawe aku iaʻu, a hele au me ke kaumaha loa a me ka wela o koʻu ʻuhane; akā, ua kau ikaika mai ka lima o Iēhova ma luna iho oʻu.

ʻO KA ʻEPISETOLE A PAULO KA LUNAʻŌLELO I KO KOLOSA 3:6

No ia mau mea e hiki mai ai ka inaina o ke Akua ma luna iho o nā keiki a ka hoʻolohe ʻole.

KA HŌʻIKE ʻANA A IOANE KA HAIPULE 10:10

Lawe akula au i ua palapala liʻiliʻi lā, mai ka lima aʻe o ka ʻānela, a ʻai ihola; a ma koʻu waha ua ʻono ia e like me ka meli; a pau i ka ʻai ʻia, ua ʻawaʻawa ihola koʻu ʻōpū.