KA HŌʻIKE ʻANA A IOANE KA HAIPULE 10:4 - Ka Baibala Hemolele

⁴ A i ka wā i pohā mai ai ka leo o ia mau hekili ʻehiku, ua mākaukau wau e palapala; a lohe au i ka leo, mai ka lani mai, e ʻōlelo ana, “E hoʻopaʻa ʻoe i ka wepa i nā mea a nā hekili ʻehiku i pane mai ai, mai palapala ʻoe ia mau mea.”

KA HŌʻIKE ʻANA A IOANE KA HAIPULE 10:4 Iomraidhean Croise

KA WĀNANA A ʻISAIA 29:11

I like ka hōʻike ʻana a pau iā ʻoukou me nā ʻōlelo o ka buke i hoʻopaʻa ʻia i ka wepa, a i hāʻawi ʻia ia i ka mea ʻike i ka palapala, me ka ʻōlelo aku, “E heluhelu i kēia, ke noi aku nei au iā ʻoe.” A ʻī mai kēlā, “ʻAʻole hiki iaʻu; no ka mea, ua paʻa i ka wepa.”

KA WĀNANA A ʻISAIA 8:1

¶ ʻĪ maila ʻo Iēhova iaʻu, “E lawe ʻoe i ka papa palapala nui nou, a e kahakaha ma luna o laila me ka peni kahakaha, no Mahera-Sala-Hasa-Baza.

KA WĀNANA A ʻISAIA 8:16

¶ E ʻopeʻope i ka hōʻike ʻana, e hoʻopaʻa hoʻi i ka wānana, i mua o kaʻu poʻe haumāna.

KA BUKE NO DANIʻELA 12:4

“Akā, e hoʻopaʻa ʻoe, e Daniʻela, i nā ʻōlelo, a e hoʻopili i ka buke a hiki i ka hope; he nui ka poʻe e holo i ʻō a i ʻō, a e māhuahua ana nō ka ʻike.”

KA BUKE NO DANIʻELA 12:9

ʻŌlelo maila ʻo ia, “Ō hele ʻoe, e Daniʻela; no ka mea, ua hoʻopaʻa ʻia kēia mau ʻōlelo, a ua hoʻopili ʻia hoʻi a hiki aku i ka manawa o ka hopena.

KA BUKE NO DANIʻELA 8:26

“A ʻo ka hihiʻo no ke ahiahi a me ke kakahiaka, Ka mea i haʻi ʻia mai, he ʻoiaʻiʻo nō ia; No ia mea, e pani ʻoe i ua hihiʻo lā; No ka mea, no nā lā he nui loa ia.”

KA BUKE ʻALIMA A MOSE, I KAPA ʻIA KĀNĀWAI LUA 29:29

¶ “No Iēhova ko kākou Akua nā mea i hūnā ʻia; akā, ʻo nā mea i hoʻākāka ʻia mai, no kākou ia, a no kā kākou poʻe keiki i ka manawa pau ʻole, i mālama ai kākou i nā ʻōlelo a pau o kēia kānāwai.

KA HŌʻIKE ʻANA A IOANE KA HAIPULE 1:11

ʻī maila, “ʻO wau nō ka ʻAlepa a me ka ʻOmega, ka Mua a me ka Hope; ʻo ka mea āu i ʻike ai, e palapala iho ʻoe ma ka buke, a e hoʻouna aku i nā ʻekalesia ʻehiku ma ʻĀsia: ma ʻEpeso, a ma Semurena, a ma Peregamo, a ma Tuateira, a ma Saredeisa, a ma Piladelepia, a ma Laodikeia.”

KA HŌʻIKE ʻANA A IOANE KA HAIPULE 1:19

“No laila e palapala ʻoe i nā mea āu i ʻike ai, i nā mea o kēia manawa, a me nā mea e hiki mai ana ma kēia hope aku.

KA HŌʻIKE ʻANA A IOANE KA HAIPULE 10:8

A ʻo ka leo aʻu i lohe ai, mai ka lani mai, ʻōlelo hou mai iaʻu, ʻī maila, “Ō hele ʻoe, e lawe i ka palapala liʻiliʻi e hāmama ana ma ka lima o ka ʻānela, e kū maila ma ke kai a ma ka ʻāina.”

KA HŌʻIKE ʻANA A IOANE KA HAIPULE 22:10

¶ ʻĪ maila kēlā iaʻu, “Mai hoʻopaʻa i ka wepa i nā ʻōlelo o ka wānana o kēia buke; no ka mea, ua kokoke mai ka manawa.