KA HŌʻIKE ʻANA A IOANE KA HAIPULE 10:10 - Ka Baibala Hemolele

¹⁰ Lawe akula au i ua palapala liʻiliʻi lā, mai ka lima aʻe o ka ʻānela, a ʻai ihola; a ma koʻu waha ua ʻono ia e like me ka meli; a pau i ka ʻai ʻia, ua ʻawaʻawa ihola koʻu ʻōpū.

KA HŌʻIKE ʻANA A IOANE KA HAIPULE 10:10 Iomraidhean Croise

KA BUKE O NĀ HALELŪ 104:34

He mea ʻono koʻu noʻonoʻo ʻana iā ia; A ma Iēhova nō wau e leʻaleʻa ai.

KA BUKE O NĀ HALELŪ 119:103

Nani ka ʻono o kāu mau ʻōlelo i koʻu puʻu! Ua ʻoi aku ma mua o ko ka meli i koʻu waha.

KA BUKE O NĀ HALELŪ 19:10

He mau mea ia e makemake nui ʻia, ʻaʻole ke gula, ʻaʻole hoʻi ke gula maikaʻi he nui wale; Ua ʻoi aku ko lākou ʻono i ko ka meli a me ka waihona meli.

NĀ ʻŌLELO AKAMAI A SOLOMONA 16:24

He mea ʻono nā ʻōlelo ʻoluʻolu, He ʻono i ka ʻuhane, a he ola i ka iwi.

KA WĀNANA A ʻEZEKIʻELA 2:10

A hohola maila ʻo ia ia mea i mua o koʻu alo; a ua kākau ʻia ma loko a ma waho, a ua kākau ʻia hoʻi ma laila: nā kanikau, a me ka uē ʻana, a me ka pōʻino.

KA WĀNANA A ʻEZEKIʻELA 3:14

Kaʻikaʻi aʻela hoʻi ka ʻUhane iaʻu, a lawe aku iaʻu, a hele au me ke kaumaha loa a me ka wela o koʻu ʻuhane; akā, ua kau ikaika mai ka lima o Iēhova ma luna iho oʻu.

KA WĀNANA A ʻEZEKIʻELA 3:3

A ʻī maila ʻo ia, “E ke keiki a ke kanaka, e hānai ʻoe i kou ʻōpū, a e hoʻopiha i kou mau naʻau i kēia ʻōwili aʻu e hāʻawi nei iā ʻoe.” A laila ʻai ihola au, a ua like ia i loko o kuʻu waha me ka meli i ka ʻono.

KA HŌʻIKE ʻANA A IOANE KA HAIPULE 10:11

ʻĪ maila kēlā iaʻu, “E pono iā ʻoe ke wānana hou aku, i nā lāhui kanaka, a me ko nā ʻāina, a me nā ʻōlelo, a me nā aliʻi he nui loa.”

KA HŌʻIKE ʻANA A IOANE KA HAIPULE 10:9

Hele akula au i ua ʻānela lā, ʻī akula iā ia, “Hō mai naʻu ka palapala liʻiliʻi.” ʻĪ maila kēlā iaʻu, “E lawe, a e ʻai hoʻi; e hōʻawahia ia i kou ʻōpū; akā, ma kou waha he mea ʻono ia e like me ka meli.”