KA HŌʻIKE ʻANA A IOANE KA HAIPULE 10:1 - Ka Baibala Hemolele

¹ ¶ ʻIke akula au i kekahi ʻānela hou, ikaika loa, e iho ana, mai ka lani mai, ua ʻaʻahu ʻia i ke ao; a he ānuenue ma kona poʻo, ua like hoʻi kona maka me ka lā, a ʻo kona mau wāwae me nā kia ahi.

KA HŌʻIKE ʻANA A IOANE KA HAIPULE 10:1 Iomraidhean Croise

KA BUKE O NĀ HALELŪ 104:3

Ua hana nō ʻo ia i kona mau keʻena kiʻekiʻe ma nā wai; Ua kau aku nō hoʻi i nā ao ma luna i kaʻa mau nona; A ua holoholo me nā ʻēheu o ka makani.

KA BUKE O NĀ HALELŪ 97:2

Ua puni ʻo ia i nā ao, a me ka pouli; ʻO ka pono, a me ka hoʻoponopono ʻia, ʻo ia ke kumu o kona noho aliʻi.

KA BUKE ʻALUA A MOSE, I KAPA ʻIA PUKA ʻANA 16:10

A i kā ʻAʻarona ʻōlelo ʻana i ka poʻe mamo a pau a ʻIseraʻela, ʻalawa aʻela lākou ma ka wao nahele, aia hoʻi, ʻikea akula ka nani o Iēhova ma ke ao.

KE MELE A SOLOMONA 5:15

“ʻO kona ʻūhā, ua like ia me nā kia pōhaku keʻokeʻo, Ua kūkulu ʻia ma luna iho o nā kumu gula maʻemaʻe; ʻO kona helehelena, ua like ia me Lebanona, Maikaʻi hoʻi e like me nā lāʻau kedera.

KA WĀNANA A ʻISAIA 19:1

¶ Ka wānana no ʻAigupita. Aia hoʻi, ke holo lā ʻo Iēhova ma luna o ke ao māmā, A hele mai hoʻi ia i ʻAigupita. E haʻalulu auaneʻi nā akua kiʻi o ʻAigupita i mua o kona alo, E maʻule hoʻi ka naʻau o ko ʻAigupita i loko o lākou.

KA WĀNANA A ʻISAIA 54:9

¶ “No ka mea, e like me nā wai o Noa, pēlā nō kēia iaʻu; Me aʻu i hoʻohiki ai, ʻaʻole e hoʻohālana hou nā wai o Noa i ka honua, Pēlā nō wau i hoʻohiki ai, ʻaʻole au e huhū aku iā ʻoe, ʻAʻole hoʻi au e paʻipaʻi ikaika aku iā ʻoe.

KE KANIKAU A IEREMIA 3:44

Ua uhi nō ʻoe iā ʻoe iho i ke ao, I komo ʻole aku ai ka pule.

KA WĀNANA A ʻEZEKIʻELA 1:28

E like me ke ʻano o ke ānuenue i loko o ke ao i ka lā ua, pēlā ke ʻano o ka ʻōlinolino a puni i ka nānā aku. ʻO ia ka mea ʻike ʻia o ke ʻano o ka nani o Iēhova. A ʻike au, moe ihola au i lalo ke alo, a lohe au i ka leo o kekahi e ʻōlelo ana.

KA BUKE NO DANIʻELA 10:6

ʻO kona kino ua like ia me ka berulo, a ʻo kona helehelena maka ua like ia me ka uila, ʻo kona mau maka ua like ia me nā kukui ahi, ʻo kona mau lima a me nā wāwae ua like me ke keleawe melemele i ʻānai ʻia, a ʻo ka leo o kāna ʻōlelo ʻana ua like ia me ka leo o ka lehulehu.

KA BUKE NO DANIʻELA 7:13

¶ “A ʻike akula nō hoʻi au ma ka hihiʻo ʻana i ka pō, Aia hoʻi, kekahi ua like ia me ke Keiki a ke Kanaka E hele mai ana ma nā ao o ka lani, A hele mai nō ia i ka Makamua o nā Lā, A hoʻokokoke lākou iā ia i mua ona.

KA BUKE ʻAKOLU A MOSE, I KAPA ʻIA ʻOIHANA KAHUNA 16:2

ʻī maila hoʻi ʻo Iēhova iā Mose, “E ʻōlelo aʻe ʻoe iā ʻAʻarona i kou kaikuaʻana, i ʻole ai ia e hele mai i nā wā a pau i loko o Kahi Hoʻāno, ma loko o ka pākū, ma ke alo o ka noho aloha, ka mea ma luna o ka pahu, o make ia; no ka mea, e ʻikea au i loko o ke ao, ma luna o ka noho aloha.

KA ʻEUANELIO I KĀKAU ʻIA AI E MATAIO 17:2

Hoʻopāhaʻohaʻo ʻia ihola ia i mua o lākou; ʻalohi maila kona helehelena e like me ka lā, a keʻokeʻo maila kona ʻaʻahu e like me ka mālamalama.

KA ʻEUANELIO I KĀKAU ʻIA AI E LUKA 21:27

“A laila e ʻike ai lākou i «ke Keiki a ke Kanaka e hele mai ana ma luna iho o kekahi ao», me ka mana, a me ka nani nui.

NĀ ʻOIHANA A KA POʻE LUNAʻŌLELO 26:13

i ke awakea, e ke aliʻi ē, ʻike akula au ma ke alanui, he mālamalama mai ka lani mai, he mea ʻoi loa aku ma mua o ka mālamalama o ka lā, ua puni au i ka mālamalama, a me ka poʻe i hele pū me aʻu.

KA HŌʻIKE ʻANA A IOANE KA HAIPULE 1:7

«Aia hoʻi ke hele maila ia me nā ao»; a e ʻike aku nā maka a pau iā ia, a ʻo ka poʻe hoʻi nāna ia i ʻō aku; a iā ia nō e uē ai nā ʻohana a pau o ka honua. ʻO ia, ʻĀmene.

KA HŌʻIKE ʻANA A IOANE KA HAIPULE 18:1

¶ Ma hope iho o kēia mau mea, ʻike aku au i ka ʻānela hou e iho ana mai ka lani mai, me ka mana nui; ua hoʻomālamalama ʻia ka honua ma kona nani.

KA HŌʻIKE ʻANA A IOANE KA HAIPULE 18:21

¶ Lawe ihola kekahi ʻānela ikaika i ka pōhaku, me he pōhaku kaʻa palaoa nui lā, a kiola akula i ke kai, ʻī akula, “Pēlā e kiola ikaika ʻia aku ai ʻo Babulona, ke kūlanakauhale nui, ʻaʻole hoʻi e loaʻa hou aku.

KA HŌʻIKE ʻANA A IOANE KA HAIPULE 20:1

¶ ʻIke akula au i kekahi ʻānela e iho mai ana, mai ka lani mai, me ke kī o ka lua hohonu, a he kaula hao nui ma kona lima.

KA HŌʻIKE ʻANA A IOANE KA HAIPULE 4:3

A ʻo ka Mea e noho ana, ua like kona helehelena me ka pōhaku iāsepi a me ka saredio; a he ānuenue i piʻo maila a puni ka noho aliʻi, me he pōhaku ʻōmaʻomaʻo lā.

KA HŌʻIKE ʻANA A IOANE KA HAIPULE 5:2

ʻIke akula au i ka ʻānela ikaika, e hea aʻe ana me ka leo nui, “ʻO wai ka mea pono ke wehe i ka buke, a e ʻākaʻa i kona mau wepa?”

KA HŌʻIKE ʻANA A IOANE KA HAIPULE 8:13

¶ Nānā akula au, a lohe akula i kekahi ʻānela e lele ana ma waena o ka lani, e hea ana me ka leo nui, “Auē, auē, auē, i ka poʻe e noho lā ma ka honua, no nā kani ʻana i koe o ka pū o nā ʻānela ʻekolu i mākaukau e hoʻokani mai!”