KA HŌʻIKE ʻANA A IOANE KA HAIPULE 1:7 - Ka Baibala Hemolele

⁷ «Aia hoʻi ke hele maila ia me nā ao»; a e ʻike aku nā maka a pau iā ia, a ʻo ka poʻe hoʻi nāna ia i ʻō aku; a iā ia nō e uē ai nā ʻohana a pau o ka honua. ʻO ia, ʻĀmene.

KA HŌʻIKE ʻANA A IOANE KA HAIPULE 1:7 Iomraidhean Croise

KA BUKE NO IOBA 33:26

“E pule aku nō ia i ke Akua, a e ʻoluʻolu nō ʻo ia iā ia; A e ʻike aku ia i kona maka me ka hauʻoli; A e hoʻihoʻi aku nō ia no ke kanaka i kona pono.

KA BUKE O NĀ HALELŪ 22:16

Ua hoʻopuni mai nā ʻīlio iaʻu; Ua pōʻai ʻia mai au e ke anaina kanaka hewa; Ua ʻō mai lākou i koʻu mau lima a me koʻu mau wāwae.

KA BUKE O NĀ HALELŪ 68:1

¶ E kū i luna ke Akua, e hoʻoʻauheʻe liʻiliʻi i kona mau ʻenemi; E ʻauheʻe hoʻi i mua ona ka poʻe i hoʻowahāwahā iā ia.

KA BUKE O NĀ HALELŪ 97:2

Ua puni ʻo ia i nā ao, a me ka pouli; ʻO ka pono, a me ka hoʻoponopono ʻia, ʻo ia ke kumu o kona noho aliʻi.

KA WĀNANA A ʻISAIA 19:1

¶ Ka wānana no ʻAigupita. Aia hoʻi, ke holo lā ʻo Iēhova ma luna o ke ao māmā, A hele mai hoʻi ia i ʻAigupita. E haʻalulu auaneʻi nā akua kiʻi o ʻAigupita i mua o kona alo, E maʻule hoʻi ka naʻau o ko ʻAigupita i loko o lākou.

KA BUKE NO DANIʻELA 7:13

¶ “A ʻike akula nō hoʻi au ma ka hihiʻo ʻana i ka pō, Aia hoʻi, kekahi ua like ia me ke Keiki a ke Kanaka E hele mai ana ma nā ao o ka lani, A hele mai nō ia i ka Makamua o nā Lā, A hoʻokokoke lākou iā ia i mua ona.

NAHUMA 1:3

Ua hoʻokaʻulua ʻo Iēhova i ka huhū, a he nui ka mana, ʻAʻole loa ia e kala wale aku; Aia nō ke ala o Iēhova, i loko o ka puahiohio, a me ka ʻino, A ʻo nā ao ka lepo o kona mau wāwae.

ZEKARIA 12:10

¶ “A e ninini iho au ma luna o ka ʻohana a Dāvida, a ma luna o nā kānaka o Ierusalema, i ka ʻUhane o ke aloha a me ka pule; a e nānā mai lākou iaʻu i ka mea a lākou i hou mai ai, a e kanikau lākou nona, e like me ke kanikau ʻana i ke keiki ponoʻī, a e ʻehaʻeha loa lākou nona, e like me ka ʻehaʻeha ʻana o kekahi i kāna keiki hānau kahi.

ZEKARIA 12:11

“Ia lā hoʻi, e nui auaneʻi ke kanikau ʻana ma Ierusalema, e like me ke kanikau ʻana o Hadaderimona ma ka pāpū ʻo Megido.

KA BUKE ʻAHĀ A MOSE, I KAPA ʻIA NĀ HELU 24:17

“E ʻike auaneʻi au iā ia, ʻaʻole hoʻi ʻānō; E nānā auaneʻi au iā ia, ʻaʻole hoʻi e kokoke; E puka mai auaneʻi he Hōkū mai o Iakoba mai; E kū mai ana nō hoʻi he Koʻokoʻo mai o ʻIseraʻela mai, A e luku aku nō ia i nā kihi o Moaba, A e pepehi iho ia i nā keiki hoʻohaunaele a pau.

KA ʻEUANELIO I KĀKAU ʻIA AI E MATAIO 16:27

“E hele mai nō ke Keiki a ke Kanaka i loko o ka nani o kona Makua me kona poʻe ʻānela; a laila ‹e uku aku ia i kēlā kanaka i kēia kanaka e like me kāna hana ʻana›.

KA ʻEUANELIO I KĀKAU ʻIA AI E MATAIO 16:28

“He ʻoiaʻiʻo kaʻu e ʻōlelo aku nei iā ʻoukou, ʻo kekahi poʻe e kū mai nei, ʻaʻole lākou e hoʻāʻo ʻē i ka make, a ʻike lākou i ke Keiki a ke Kanaka e hele mai ana i kona aupuni.”

KA ʻEUANELIO I KĀKAU ʻIA AI E MATAIO 24:30

“A laila, e ʻikea mai ai ka hōʻailona no ke Keiki a ke Kanaka ma ka lani; a e uē nā lāhui kanaka a pau o ka honua, aia ʻike lākou i «ke Keiki a ke Kanaka e hele mai ana ma luna o nā ao o ka lani», me ka mana a me ka nani nui.

KA ʻEUANELIO I KĀKAU ʻIA AI E MATAIO 25:31

¶ “Aia hiki mai ke Keiki a ke Kanaka me kona nani, a ʻo nā ʻānela a pau pū me ia; a laila, e noho ihola ma luna o kona noho aliʻi nani.

KA ʻEUANELIO I KĀKAU ʻIA AI E MATAIO 26:64

ʻŌlelo akula ʻo Iesū, “ʻO ia kāu i ʻōlelo mai. A ke ʻōlelo aku nei hoʻi au iā ʻoukou, ma hope aku nei, e ʻike nō ʻoukou i «ke Keiki a ke Kanaka e noho ana ma ka lima ʻākau o ka Mea Mana, a e hele mai ana ma luna o nā ao o ka lani».”

KA ʻEUANELIO I KĀKAU ʻIA AI E MAREKO 13:26

“I laila lākou e ʻike ai i «ke Keiki a ke Kanaka, e hele mai ana ma nā ao» me ka mana nui a me ka nani.

KA ʻEUANELIO I KĀKAU ʻIA AI E MAREKO 14:62

ʻŌlelo maila Iesū, “ʻO wau nō ia; a e ʻike mai auaneʻi ʻoukou i «ke Keiki a ke Kanaka e noho ana ma ka lima ʻākau o ka Mana Loa», a «e hele mai ana ma nā ao o ka lani».”

KA ʻEUANELIO I KĀKAU ʻIA AI E LUKA 21:27

“A laila e ʻike ai lākou i «ke Keiki a ke Kanaka e hele mai ana ma luna iho o kekahi ao», me ka mana, a me ka nani nui.

KA ʻEUANELIO I KĀKAU ʻIA AI E IOANE 19:34

Akā, ʻō akula kekahi koa i kona ʻaoʻao i ka ihe, a kahe koke mai nō ke koko a me ka wai.

KA ʻEUANELIO I KĀKAU ʻIA AI E IOANE 19:37

Ua ʻōlelo mai hoʻi ma kekahi Palapala Hemolele, “«E nānā auaneʻi lākou i ka mea a lākou i ʻō aku ai».”

ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:10

a e kali hoʻi i kāna Keiki, mai ka lani mai, āna i hoʻāla mai ai, mai ka make mai, iā Iesū, nāna kākou e hoʻopakele i ka inaina e kau mai ana.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:17

A laila e kāʻili pū ʻia aku kākou ka poʻe i koe e ola ʻokoʻa ana, me lākou, i loko o nā ao kaʻalelewa e hālāwai pū me ka Haku, i ka lewa; ʻo ia hoʻi, e mau loa ana ko kākou noho ʻana me ka Haku.

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE A PAULO KA LUNAʻŌLELO I KO HEBERA 6:6

a ua hāʻule iho nō naʻe, ʻaʻole e hiki ke hoʻāla hou ʻia i ka mihi: ua kau hou aku lākou i ke Keiki a ke Akua ma ke keʻa no lākou iho, me ka hoʻomāinoino aku iā ia ma ke ākea.

ʻO KA ʻEPISETOLE HOʻOLAHA MUA A IOANE 3:2

E nā punahele, ʻānō lā, he poʻe keiki kākou na ke Akua; akā, ʻo ko kākou ʻano ma hope aku, ʻaʻole ʻikea ia; akā, ke ʻike nei kākou, a i kona wā e ʻikea mai ai, e like auaneʻi kākou me ia; no ka mea, e ʻike kākou iā ia ma kona ʻano maoli.

ʻO KA ʻEPISETOLE HOʻOLAHA A IUDA 1:14

Wānana mai nō ʻo ʻEnoka ia mau mea, ʻo ka hiku ia mai ʻAdamu mai, ʻī maila, “Eia hoʻi, e hele mai ana ka Haku me ka ʻumi tausani o kona poʻe hoʻāno,

KA HŌʻIKE ʻANA A IOANE KA HAIPULE 22:20

¶ Ke ʻī mai nei ka mea nāna i hōʻike mai i kēia mau mea, “E ʻoiaʻiʻo nō, e hele koke mai nō au.” ʻĀmene. E hele mai ʻoe, e ka Haku, e Iesū.

KA HŌʻIKE ʻANA A IOANE KA HAIPULE 22:4

A e ʻike aku nō lākou i kona maka; a aia hoʻi kona inoa ma ko lākou mau lae.

KA BUKE NO NĀ LUNA KĀNĀWAI 5:31

“Pēlā e make ai kou poʻe ʻenemi a pau, e Iēhova! Akā, ʻo ka poʻe aloha iā ʻoe, e like aʻe lākou me ka lā e puka ana ma kona ikaika.” Hoʻomaha ihola ka ʻāina, i hoʻokahi kanahā makahiki.