KA HŌʻIKE ʻANA A IOANE KA HAIPULE 1:5 - Ka Baibala Hemolele

⁵ a iā Iesū Kristo ka Mea hōʻike ma ka pololei a me ka ʻoiaʻiʻo, ʻo ka Makahiapo o ka poʻe mai ka make mai, a ʻo ke Aliʻi o nā aliʻi o ka honua nei. I ka Mea aloha mai iā kākou, a holoi mai hoʻi iā kākou, i pau ko kākou hewa i kona koko iho,

KA HŌʻIKE ʻANA A IOANE KA HAIPULE 1:5 Iomraidhean Croise

KA BUKE O NĀ HALELŪ 51:2

E holoi leʻa mai iaʻu i pau kuʻu hewa; A e hoʻomaʻemaʻe mai hoʻi iaʻu i koʻu lawehala ʻana.

KA BUKE O NĀ HALELŪ 72:11

ʻO ia, e moe iho hoʻi nā aliʻi a pau i mua o kona alo; E pau hoʻi nā lāhui kanaka i ka mālama iā ia.

KA BUKE O NĀ HALELŪ 89:27

“E hoʻolilo nō wau iā ia i koʻu makahiapo, I mea kiʻekiʻe ma luna o nā aliʻi o ka honua.

NĀ ʻŌLELO AKAMAI A SOLOMONA 14:5

ʻO ka mea hōʻike ʻoiaʻiʻo, ʻaʻole ʻo ia e wahaheʻe; E haʻi wahaheʻe mai nō ka mea hōʻike hoʻopunipuni.

KA WĀNANA A ʻISAIA 55:4

“Aia hoʻi, ua hāʻawi aku au iā ia i mea hōʻike no nā kānaka, I alakaʻi hoʻi, a i luna no nā lāhui kanaka.

KA BUKE NO DANIʻELA 2:2

A laila, kauoha akula ke aliʻi e kiʻi aku i nā māgoi, a me ka poʻe kilo, a me ka poʻe hoʻopiʻopiʻo, a me ka poʻe Kaledea, i hoʻākāka mai lākou i ke aliʻi i kāna moe. A hele mai lākou a kū ihola i mua o ke aliʻi.

KA BUKE NO DANIʻELA 7:14

“A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

KA BUKE ʻAKOLU A MOSE, I KAPA ʻIA ʻOIHANA KAHUNA 13:58

“A ʻo ke kapa, ʻo ka maʻawe loloa, a ʻo ka maʻawe pokopoko, a ʻo ka mea ʻili, āu e holoi ai, inā ua haʻalele aku ka lēpera mai laila aku, a laila e holoi hou ʻia aʻe ia mea, a e maʻemaʻe nō.

ZEKARIA 13:1

¶ “Ia lā hoʻi, e hoʻohuaʻi ʻia auaneʻi he pūnāwai no ka ʻohana a Dāvida, a no nā kānaka o Ierusalema, no ka hewa a me ka haumia.

KA ʻEUANELIO I KĀKAU ʻIA AI E MATAIO 20:28

“Pēlā hoʻi, ʻaʻole i hele mai ke Keiki a ke Kanaka no ka lawelawe ʻia mai; akā, no ka lawelawe aku, a me ka hāʻawi aku i kona ola i kumu hoʻōla no nā mea he nui loa.”

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E IOANE 13:1

¶ Ma mua o ka ʻAhaʻaina Mōliaola, ʻike ihola ʻo Iesū, ua hiki mai kona manawa e hele aku ai ia i ka Makua mai kēia ao aku, i ke aloha ʻana i kona poʻe ponoʻī i ke ao nei, ua aloha ʻo ia iā lākou a hiki i ka hope.

KA ʻEUANELIO I KĀKAU ʻIA AI E IOANE 13:34

“He kauoha hou kaʻu e hāʻawi aku nei iā ʻoukou, e aloha aku ʻoukou i kekahi i kekahi; e like me kaʻu i aloha ai iā ʻoukou, pēlā ʻoukou e aloha aku ai i kekahi i kekahi.

KA ʻEUANELIO I KĀKAU ʻIA AI E IOANE 15:9

“E like me ka Makua i aloha mai ai iaʻu, pēlā hoʻi au i aloha aku ai iā ʻoukou; e noho ʻoukou i loko o kuʻu aloha.

KA ʻEUANELIO I KĀKAU ʻIA AI E IOANE 18:37

No ia hoʻi, nīnau akula ʻo Pilato iā ia. “He aliʻi nō anei ʻoe?” ʻĪ maila ʻo Iesū, “Ke ʻōlelo mai nei ʻoe, he aliʻi wau. No kēia mea i hānau mai ai au, a no ia hoʻi i hele mai ai au i ke ao nei, i hōʻike aku ai au i ka ʻoiaʻiʻo. ʻO ka mea no ka ʻoiaʻiʻo, ʻo ia ke hoʻolohe i koʻu leo.”

KA ʻEUANELIO I KĀKAU ʻIA AI E IOANE 3:11

“ʻOiaʻiʻo, he ʻoiaʻiʻo kaʻu ʻōlelo aku nei iā ʻoe, ʻo kā mākou mea i ʻike ai, ʻo kā mākou ia e ʻōlelo nei, a ʻo kā mākou mea i nānā ai, ʻo ia kā mākou e hōʻike nei; ʻaʻole hoʻi ʻoukou i hoʻomaopopo i ka mea a mākou e hōʻike nei.

KA ʻEUANELIO I KĀKAU ʻIA AI E IOANE 3:16

¶ “No ka mea, ua aloha nui mai ke Akua i ko ke ao nei; no laila, ua hāʻawi mai ʻo ia i kāna Keiki hiwahiwa, i ʻole e make ka mea manaʻoʻiʻo iā ia; akā, e loaʻa iā ia ke ola mau loa.

KA ʻEUANELIO I KĀKAU ʻIA AI E IOANE 3:32

“ʻO ka mea āna i ʻike ai, a i lohe ai hoʻi, ʻo ia kāna e hōʻike ai; ʻaʻole naʻe kekahi mea i mālama i kāna mea i hōʻike ai.

NĀ ʻOIHANA A KA POʻE LUNAʻŌLELO 20:28

“No laila e ao ʻoukou iā ʻoukou iho, a me ka ʻohana a pau, ma luna ona i hoʻolilo ʻia ai ʻoukou e ka ʻUhane Hemolele i poʻe kahu. E hānai i ka ʻekalesia o ke Akua, i ka mea āna i kūʻai ai i kona koko iho.

NĀ ʻOIHANA A KA POʻE LUNAʻŌLELO 26:23

e make nō ka Mesia e pono ai, ʻo ia hoʻi ka mua o ka poʻe make i ala hou mai, nāna nō e hōʻike aku i ka mālamalama i ko ʻoneʻi kānaka, a me ko nā ʻāina ʻē.”

ʻO KA ʻEPISETOLE A PAULO KA LUNAʻŌLELO I KO ROMA 3:25

ʻo ia kā ke Akua i hāʻawi mai ai i mōhai kala hewa ma ka hilinaʻi i kona koko, i mea e hoʻākāka ai i kona hoʻāpono ʻana, i ke kala ʻana i nā hewa i hana ʻē ʻia ma mua, i ke ahonui ʻana o ke Akua;

ʻO KA ʻEPISETOLE A PAULO KA LUNAʻŌLELO I KO ROMA 8:37

Akā, ua lanakila loa kākou ma luna o kēia mau mea a pau, ma ka Mea nāna kākou i aloha mai.

ʻO KA ʻEPISETOLE MUA A PAULO KA LUNAʻŌLELO I KO KORINETO 6:11

A pēlā nō kekahi poʻe o ʻoukou; akā, ua holoi ʻia ʻoukou, ua huikala ʻia, ua hoʻāpono ʻia ma ka inoa o ka Haku ʻo Iesū, a ma ka ʻUhane o ko kākou Akua.

ʻO KA ʻEPISETOLE A PAULO KA LUNAʻŌLELO I KO GALATIA 2:20

“Ua kau pū ʻia aku au me Kristo ma ke keʻa; ua ola nō hoʻi au, ʻaʻole naʻe ʻo wau iho; akā, e ola ana ʻo Kristo i loko oʻu; a ʻo ke ola e ola nei au i loko o ke kino, e ola ana au ma ka manaʻoʻiʻo aku i ke Keiki a ke Akua, nāna au i aloha mai, a hāʻawi maila iā ia iho noʻu.

ʻO KA ʻEPISETOLE A PAULO KA LUNAʻŌLELO I KO ʻEPESO 2:4

Akā, ʻo ke Akua, ka Mea i piha i ke aloha, ma kona makemake nui āna i makemake mai ai iā kākou,

ʻO KA ʻEPISETOLE A PAULO KA LUNAʻŌLELO I KO ʻEPESO 5:2

e haele hoʻi ʻoukou me ke aloha, e like me kā Kristo i aloha mai ai iā kākou, a hāʻawi hoʻi iā ia iho no kākou, i ʻālana a me ka mōhai i ke Akua, i mea ʻala ʻoluʻolu.

KA BUKE ʻALIMA A MOSE, I KAPA ʻIA KĀNĀWAI LUA 18:2

“No ia mea, ʻaʻole o lākou ʻāina hoʻoili i waena o ko lākou poʻe hoahānau; ʻo Iēhova ʻo ia ko lākou hoʻoilina e like me kāna i ʻōlelo mai ai iā lākou.

KA BUKE ʻALIMA A MOSE, I KAPA ʻIA KĀNĀWAI LUA 23:5

“ʻAʻole naʻe ʻo Iēhova kou Akua i hoʻolohe iā Balaʻama; akā, ua hoʻohuli aʻe ʻo Iēhova kou Akua i ka hōʻino i hoʻomaikaʻi nou; no ka mea, ua aloha ʻo Iēhova kou Akua iā ʻoe.

KA BUKE ʻALIMA A MOSE, I KAPA ʻIA KĀNĀWAI LUA 7:8

akā, no ke aloha o Iēhova iā ʻoukou, a no kona mālama i ka hoʻohiki ʻana i hoʻohiki ai i ko ʻoukou poʻe kūpuna; no laila i kaʻi mai nei ʻo Iēhova iā ʻoukou me ka lima ikaika, a e hoʻopakele iā ʻoukou mai ka hale hoʻoluhi mai, mai loko mai o ka lima o Paraʻo, ke aliʻi o ʻAigupita.

ʻO KA ʻEPISETOLE A PAULO KA LUNAʻŌLELO I KO KOLOSA 1:18

ʻO ia hoʻi ke poʻo o ke kino, ʻo ka ʻekalesia; ʻo ia ka maka mua, ʻo ka hānau mua hoʻi mai ka make mai; i lilo ia i poʻokela i waena o nā mea a pau.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:13

Ke kauoha aku nei au iā ʻoe i mua i ke alo o ke Akua, ka Mea i hoʻōla i nā mea a pau, a ʻo Kristo Iesū hoʻi, ka Mea i hōʻike i mua o Ponetio Pilato i ka hōʻoiaʻiʻo maikaʻi;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:15

i ka Mea i nā manawa ona iho, e hōʻike mai ai ʻo ia, ʻo ka Mōʻī pōmaikaʻi hoʻokahi, ʻo ke Aliʻi o nā aliʻi, ʻo ka Haku o nā haku;

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE A PAULO KA LUNAʻŌLELO I KO HEBERA 9:14

e hiki loa aku i ke koko o Kristo, ʻo ka mea i kaumaha aku iā ia iho i ke Akua ma ka ʻUhane mau loa me ke kīnā ʻole, ke hoʻohuikala i ko ʻoukou naʻau i nā hana e make ai, e mālama aku ai i ke Akua ola.

ʻO KA ʻEPISETOLE HOʻOLAHA MUA A PETERO 1:19

akā, me ke koko waiwai ʻiʻo o Kristo, me ko ke keiki hipa kīnā ʻole a me ka hala ʻole.

ʻO KA ʻEPISETOLE HOʻOLAHA MUA A IOANE 1:7

Akā, inā i hele kākou ma ka mālamalama e like me ia e noho lā ma ka mālamalama, a laila, ua aloha pū kākou i kekahi i kekahi; a na ke koko o Iesū Kristo ʻo kāna Keiki, e huikala mai iā kākou i ko kākou hewa a pau.

ʻO KA ʻEPISETOLE HOʻOLAHA MUA A IOANE 4:10

Eia nō ke aloha, ʻaʻole naʻe kākou i aloha aku i ke Akua; akā, ua aloha mai kēlā iā kākou nei, a ua hoʻouna mai hoʻi ʻo ia i kāna Keiki i kalahala no ko kākou hewa.

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 11:3

“A e hāʻawi aku nō wau, na koʻu mau mea hōʻike ʻelua, a e aʻo aku nō lāua me ka ʻaʻahu ʻia i ke kapa ʻinoʻino, a hala nā lā hoʻokahi tausani, ʻelua haneri me kanaono.”

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 19:11

¶ ʻIke akula au i ka lani e hāmama ana, a aia hoʻi, he lio keʻokeʻo; a ʻo ka mea e noho ana ma luna iho ona, ua kapa ʻia, ʻo Hoʻopono, a ʻo ʻOiaʻiʻo, a ma ka pono ʻo ia e hoʻopaʻi aku ai, a e kaua aku ai hoʻi.

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 2:13

‘Ua ʻike nō au i kāu hana ʻana, a me kou wahi e noho lā, aia ma kahi noho aliʻi o Sātana; a ua paʻa iā ʻoe koʻu inoa, ʻaʻole hoʻi ʻoe i hōʻole i koʻu manaʻoʻiʻo, ʻaʻole i nā lā o ʻAnetipasa ʻo ka mea i hōʻike ʻoiaʻiʻo noʻu; ua pepehi ʻia ʻo ia i waena o ʻoukou, i kahi e noho ai ʻo Sātana.

KA HŌʻIKE ʻANA A IOANE KA HAIPULE 3:14

¶ “E palapala aku ʻoe i ka ʻānela o ka ʻekalesia ma Laodikeia: Ke ʻī mai nei ka ʻĀmene, ka Hōʻike hoʻopono a me ka ʻoiaʻiʻo, ke Poʻo o nā mea a ke Akua i hana ai:

KA HŌʻIKE ʻANA A IOANE KA HAIPULE 7:14

ʻĪ akula au iā ia, “E kuʻu haku, ua ʻike nō ʻoe.” ʻĪ mai kēlā iaʻu, “ʻO ia ka poʻe i hele mai, mai loko mai o ka pilikia nui, a ua holoi lākou i ko lākou ʻaʻahu, a hoʻokeʻokeʻo, ma loko o ke koko o ke Keiki Hipa.