KA HŌʻIKE ʻANA A IOANE KA HAIPULE 1:18 - Ka Baibala Hemolele

¹⁸ a ʻo wau nō ka Mea ola, i make au ma mua; akā, e ola mau ana au ia kau aku ia kau aku, ʻĀmene; a eia nō iaʻu nā kī o Gehena a me ka make.

KA HŌʻIKE ʻANA A IOANE KA HAIPULE 1:18 Iomraidhean Croise

KA BUKE NO IOBA 19:25

“No ka mea, ua ʻike au e ola ana kuʻu Mea Hoʻōla, A i ka wā ma hope e kū nō ia ma luna o ka honua.

KA BUKE NO IOBA 38:17

“Ua wehe ʻia anei iā ʻoe nā puka o ka make? A ua ʻike anei ʻoe i nā puka o ka malu make?

KA BUKE O NĀ HALELŪ 18:46

¶ Ke ola mau nei nō Iēhova, e hoʻomaikaʻi ʻia koʻu Pōhaku, E hāpai ʻia aku koʻu Akua e ola ai.

KA BUKE O NĀ HALELŪ 68:20

ʻO ko kākou Akua, ʻo ia ke Akua e ola ai; A no Iēhova ka Haku ka puka ʻana aʻe no ka make.

KA WĀNANA A ʻISAIA 22:22

“E kau nō wau i ke kī o ka hale o Dāvida ma kona poʻohiwi, A nāna nō e wehe, ʻaʻohe mea nāna e pani, A nāna nō e pani, ʻaʻohe mea nāna e wehe.

KA ʻEUANELIO I KĀKAU ʻIA AI E MATAIO 11:23

“ʻO ʻoe hoʻi, e Kaperenauma, kai hoʻokiʻekiʻe ʻia aʻe i ka lani, e kiola ʻia ʻoe i lalo i ka pō; no ka mea, inā i hana ʻia ma Sodoma nā hana mana i hana ʻia aku ai i loko ou, inā ua koe ia a hiki i nēia manawa.

KA ʻEUANELIO I KĀKAU ʻIA AI E MATAIO 16:19

“E hāʻawi aku hoʻi au iā ʻoe i nā kī o ke aupuni o ka lani; a ʻo ka mea e hoʻopaʻa ʻia e ʻoe ma ka honua nei, e hoʻopaʻa ʻia hoʻi ʻo ia ma ka lani; a ʻo ka mea e kuʻu ʻia e ʻoe ma ka honua nei, e kuʻu ʻia hoʻi ʻo ia ma ka lani.”

KA ʻEUANELIO I KĀKAU ʻIA AI E LUKA 24:5

Weliweli ihola hoʻi lākou, a kūlou ihola ke alo i ka lepo; ʻī maila lāua iā lākou, “No ke aha lā ʻoukou e ʻimi ai i ka Mea ola i waena o ka poʻe make?

KA ʻEUANELIO I KĀKAU ʻIA AI E IOANE 11:25

ʻĪ maila ʻo Iesū iā ia, “ʻO wau nō ke ala hou ʻana, a me ke ola; ʻo ka mea e manaʻoʻiʻo mai iaʻu, inā e make ia, e ola hou auaneʻi ʻo ia.

KA ʻEUANELIO I KĀKAU ʻIA AI E IOANE 14:19

“A liʻuliʻu iki aku, ʻaʻole e ʻike hou mai ko ke ao nei iaʻu; akā, e ʻike mai nō ʻoukou iaʻu; a no koʻu ola ʻana, e ola nō ʻoukou kekahi.

ʻO KA ʻEPISETOLE A PAULO KA LUNAʻŌLELO I KO ROMA 6:9

E ʻike ana hoʻi, ua hoʻāla ʻia mai ʻo Kristo mai waena mai o ka poʻe make, ʻaʻole e make hou; ʻaʻole hoʻi e lanakila hou ka make ma luna ona.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:4

No ka mea, inā paha i kaulia ai ʻo ia ma ke keʻa no ka nāwaliwali, e ola ana nō hoʻi ia ma ka mana o ke Akua; ua nāwaliwali nō hoʻi mākou i loko ona; akā, e ola ana nō hoʻi mākou me ia ma ka mana o ke Akua i waena o ʻoukou.

ʻO KA ʻEPISETOLE A PAULO KA LUNAʻŌLELO I KO GALATIA 2:20

“Ua kau pū ʻia aku au me Kristo ma ke keʻa; ua ola nō hoʻi au, ʻaʻole naʻe ʻo wau iho; akā, e ola ana ʻo Kristo i loko oʻu; a ʻo ke ola e ola nei au i loko o ke kino, e ola ana au ma ka manaʻoʻiʻo aku i ke Keiki a ke Akua, nāna au i aloha mai, a hāʻawi maila iā ia iho noʻu.

ʻO KA ʻEPISETOLE A PAULO KA LUNAʻŌLELO I KO KOLOSA 3:3

No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 1:3

ʻO ia ka ʻōlinolino o kona nani, a me ka like loa o kona ʻano maoli, e hoʻomau ana i nā mea a pau ma kāna ʻōlelo mana iho, a, hoʻolilo ihola iā ia iho i mea e maʻemaʻe ai ko kākou hewa, noho ihola ia ma ka lima ʻākau o ka Mōʻī ma luna lilo;

ʻO KA ʻEPISETOLE A PAULO KA LUNAʻŌLELO I KO HEBERA 12:2

e nānā aku ana hoʻi iā Iesū, i ka Mea nāna i hoʻokumu, nāna hoʻi e hoʻohemolele ko kākou manaʻoʻiʻo; nāna hoʻi i hoʻomanawanui i ke keʻa me ka manaʻo ʻole i ka hilahila, no ka ʻoliʻoli i hoʻomaopopo ʻia ma mua ona, a noho iho hoʻi ma ka lima ʻākau o ka noho aliʻi o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 7:16

i hoʻolilo ʻia pēlā, ʻaʻole ma ke kānāwai o ko ke kino; akā, ma ka mana o ke ola e mau loa ana.

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.

KA HŌʻIKE ʻANA A IOANE KA HAIPULE 10:6

a hoʻohiki aʻela ia i ka Mea e ola ana ia ao aku ia ao aku, «ka Mea nāna i hana ka lani a me nā mea i loko ona, a me ka honua a me nā mea i loko ona, a me ke kai a me nā mea i loko ona», ʻaʻole e manawa kali hou aku.

KA HŌʻIKE ʻANA A IOANE KA HAIPULE 15:7

Hāʻawi maila kekahi o nā mea ola ʻehā, na ka poʻe ʻānela ʻehiku i ʻehiku hue wai gula, ua piha i ka inaina o ke Akua, e ola mau ana ia ao aku ia ao aku.

KA HŌʻIKE ʻANA A IOANE KA HAIPULE 2:8

¶ “E palapala aku ʻoe i ka ʻānela o ka ʻekalesia ma Semurena: Ke ʻī mai nei ka Mea Mua, a me ka Mea Hope, ʻo ka Mea i make, a i ola hou, me nei:

KA HŌʻIKE ʻANA A IOANE KA HAIPULE 20:13

Hāʻawi maila ke kai i ka poʻe make ma loko ona; a hāʻawi mai ka Make a me ka Pō i ka poʻe make i loko o lāua; a hoʻopaʻi ʻia kēlā mea kēia mea o lākou, e like me kā lākou hana ʻana.

KA HŌʻIKE ʻANA A IOANE KA HAIPULE 20:14

Kiola ʻia akula ka Make a me ka Pō, i loko o ka loko o ke ahi; ʻo ia ka make ʻalua.

KA HŌʻIKE ʻANA A IOANE KA HAIPULE 3:7

¶ “E palapala aku ʻoe i ka ʻānela o ka ʻekalesia ma Piladelepia: Ke ʻī mai nei ka Mea hoʻāno, ka Mea ʻoiaʻiʻo, ʻo ka Mea iā ia ke kī o Dāvida, ʻo ka Mea wehe, ʻaʻohe mea nāna e pani mai; a pani hoʻi ʻo ia, ʻaʻohe mea nāna e wehe:

KA HŌʻIKE ʻANA A IOANE KA HAIPULE 4:9

A i ka wā e hoʻomana aku ai, a i hoʻonani aku ai, a hoʻomaikaʻi aku ai nā mea ola i ka Mea e noho ana ma ka noho aliʻi, ʻo ia hoʻi ka Mea e ola mau ana ia ao aku ia ao aku,

KA HŌʻIKE ʻANA A IOANE KA HAIPULE 5:14

ʻĪ maila nā mea ola ʻehā, “ʻĀmene.” Moe ihola nā lunakahiko he iwakāluakumamāhā, hoʻomana akula i ka Mea e ola mau ana ia ao aku, ia ao aku.

KA HŌʻIKE ʻANA A IOANE KA HAIPULE 6:8

A nānā akula au, aia hoʻi, he lio lenalena; a ʻo ka mea e noho ana ma luna iho ona, ʻo Make kona inoa, a hahai akula ʻo ka Pō ma hope ona. A ua hāʻawi ʻia mai iā ia ka mana ma luna o kekahi hapa o ka honua, e luku aku me ka pahi kaua, a me ka wī, a me ka make, a me nā ʻīlio hihiu o ka honua.

KA HŌʻIKE ʻANA A IOANE KA HAIPULE 9:1

¶ A puhi aʻela ka ʻānela ʻelima, a ʻike akula au i kekahi hōkū i hāʻule, mai ka lani mai a i ka honua. A ua hāʻawi ʻia mai nāna ke kī o ka lua hohonu.

KA BUKE MUA A SAMUʻELA 2:6

“Na Iēhova ka pepehi a me ka hoʻōla; Nāna i hoʻohaʻahaʻa i lalo i ka hale lua, a nāna nō i hoʻāla hou mai.