KA HŌʻIKE ʻANA A IOANE KA HAIPULE 1:17 - Ka Baibala Hemolele

¹⁷ A ʻike akula au iā ia, hina ihola au ma kona wāwae me he mea make lā; kau maila ʻo ia i kona lima ʻākau ma luna iho oʻu, ʻī maila iaʻu, “Mai makaʻu. ʻO wau nō ka Mea Mua a me ka Mea Hope;

KA HŌʻIKE ʻANA A IOANE KA HAIPULE 1:17 Iomraidhean Croise

KA BUKE MUA A MOSE, I KAPA ʻIA KINOHI 15:1

¶ Ma hope mai o ia mau mea, hiki maila ka ʻōlelo a Iēhova iā ʻAberama ma ka hihiʻo, ʻī maila, “Mai makaʻu ʻoe, e ʻAberama, ʻo wau nō kou pale kaua a me kāu uku nui loa.”

KA BUKE O NĀ HALELŪ 139:5

Ua hoʻokē mai ʻoe iaʻu, ma hope, a ma mua, A ua kau mai i kou lima ma luna oʻu.

KA BUKE ʻALUA A MOSE, I KAPA ʻIA PUKA ʻANA 14:13

ʻŌlelo akula ʻo Mose i nā kānaka, “Mai makaʻu ʻoukou, e kū mālie ʻoukou, a e nānā aku i ka hoʻōla ʻana o Iēhova, i ka mea āna e hōʻike mai ai iā ʻoukou i kēia lā; no ka mea, ʻo ko ʻAigupita a ʻoukou i ʻike ai i kēia lā, ʻaʻole ʻoukou e ʻike hou iā lākou, ma hope mau loa aku.

KA BUKE ʻALUA A MOSE, I KAPA ʻIA PUKA ʻANA 20:20

ʻĪ akula ʻo Mose i kānaka, “Mai weliweli ʻoukou; no ka mea, ua hele mai ke Akua e hoʻāʻo iā ʻoukou, i mau kona makaʻu ʻia ma luna o ʻoukou, i lawehala ʻole ʻoukou.”

KA BUKE ʻALUA A MOSE, I KAPA ʻIA PUKA ʻANA 3:6

ʻĪ maila hoʻi ʻo ia, “ʻO wau nō ke Akua o kou makua kāne, ke Akua o ʻAberahama, ke Akua o ʻIsaʻaka, ke Akua hoʻi o Iakoba.” Papani ihola ʻo Mose i kona maka; no ka mea, ua makaʻu ia ke nānā aku i ke Akua.

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A ʻISAIA 41:4

“Na wai ia i hoʻomākaukau, a hana hoʻi, Me ka hea aʻe i nā hanauna kanaka, mai kinohi mai? ‘ʻO wau nō ʻo Iēhova, ʻo ka mea mua, A ʻo ka mea hope hoʻi, ʻo wau nō ia.’”

KA WĀNANA A ʻISAIA 44:6

¶ “Penei ʻo Iēhova i ʻōlelo mai ai, ʻo ke Aliʻi hoʻi o kā ʻIseraʻela, a ʻo kona Hoʻōla Pānaʻi, ʻo Iēhova o nā kaua: ‘ʻO wau nō ka Mea Mua, ʻo wau nō ka Mea Hope, ʻAʻohe Akua ʻē aʻe, ʻo wau wale nō.

KA WĀNANA A ʻISAIA 48:12

¶ “E hoʻolohe mai ʻoe iaʻu, e kā Iakoba, a me kā ʻIseraʻela hoʻi, koʻu mea i hea ʻia; ʻO wau nō ia, ʻo wau ka Mua, ʻo wau hoʻi ka Hope.

KE KANIKAU A IEREMIA 3:57

Hoʻokokoke mai nō ʻoe i ka lā aʻu i kāhea aku ai iā ʻoe; ʻĪ maila hoʻi ʻoe, “Mai makaʻu!”

KA WĀNANA A ʻEZEKIʻELA 1:28

E like me ke ʻano o ke ānuenue i loko o ke ao i ka lā ua, pēlā ke ʻano o ka ʻōlinolino a puni i ka nānā aku. ʻO ia ka mea ʻike ʻia o ke ʻano o ka nani o Iēhova. A ʻike au, moe ihola au i lalo ke alo, a lohe au i ka leo o kekahi e ʻōlelo ana.

KA BUKE NO DANIʻELA 10:12

A laila, ʻōlelo maila ʻo ia iaʻu, “Mai makaʻu ʻoe, e Daniʻela; no ka mea, mai ka lā mua mai āu i hoʻomākaukau ai i kou naʻau e hoʻomaopopo aku, a e hoʻohaʻahaʻa iā ʻoe iho i mua o kou Akua, ua lohe ʻia kāu mau ʻōlelo, a no kāu mau ʻōlelo, ua hiki mai nei au.

KA BUKE NO DANIʻELA 10:15

A i kāna ʻōlelo ʻana mai iaʻu i kēia mau ʻōlelo, haka pono ihola au i ka honua, a paʻa ihola kuʻu leo.

HABAKUKA 3:16

¶ Lohe ihola au, a haʻalulu koʻu ʻōpū; Haʻalulu kuʻu lehelehe i ka leo; Komo mai ka popopo i loko o kou mau iwi, A haʻalulu au ma kuʻu wahi ma lalo; He ʻoiaʻiʻo, e hoʻomaha au i ka lā o ka pōpilikia, A piʻi kūʻē mai nā kānaka, e hoʻopilikia mai.

KA ʻEUANELIO I KĀKAU ʻIA AI E MATAIO 14:27

ʻŌlelo koke maila ʻo Iesū iā lākou, “E hoʻolana ʻoukou, ʻo wau nō kēia, mai makaʻu.”

KA ʻEUANELIO I KĀKAU ʻIA AI E MATAIO 28:4

Haʻalulu ihola ka poʻe kiaʻi i ka makaʻu iā ia, a ua like lākou me nā kānaka make.

KA ʻEUANELIO I KĀKAU ʻIA AI E MATAIO 28:5

ʻŌlelo maila ka ʻānela i ua mau wāhine lā, “Mai makaʻu ʻolua; no ka mea, ua ʻike au e ʻimi ana ʻolua iā Iesū i ka mea i kaulia ma ke keʻa.

KA ʻEUANELIO I KĀKAU ʻIA AI E IOANE 13:23

E hilinaʻi ana kekahi o kāna poʻe haumāna ma ka poli o Iesū, ka mea a Iesū i aloha ai.

KA ʻEUANELIO I KĀKAU ʻIA AI E IOANE 21:20

Hāliu aʻela ʻo Petero, a ʻike maila i ka haumāna a Iesū i aloha ai e hahai mai ana, ʻo ia hoʻi ka mea i hilinaʻi ma ka poli o Iesū i ka ʻahaʻaina, a nīnau akula, “E ka Haku, ʻo wai ka mea nāna ʻoe e kumakaia?”

KA HŌʻIKE ʻANA A IOANE KA HAIPULE 1:11

ʻī maila, “ʻO wau nō ka ʻAlepa a me ka ʻOmega, ka Mua a me ka Hope; ʻo ka mea āu i ʻike ai, e palapala iho ʻoe ma ka buke, a e hoʻouna aku i nā ʻekalesia ʻehiku ma ʻĀsia: ma ʻEpeso, a ma Semurena, a ma Peregamo, a ma Tuateira, a ma Saredeisa, a ma Piladelepia, a ma Laodikeia.”

KA HŌʻIKE ʻANA A IOANE KA HAIPULE 1:4

¶ Na Ioane aku i nā ʻekalesia ʻehiku ma ʻĀsia: E aloha ʻia mai ʻoukou, a e maluhia hoʻi i ka Mea e noho ana, ka Mea ma mua hoʻi, ka Mea e hiki mai ana; a i nā ʻUhane ʻehiku e noho lā ma ke alo o kona noho aliʻi;

KA HŌʻIKE ʻANA A IOANE KA HAIPULE 1:8

¶ Ke ʻī mai nei ka Haku, “ʻO wau nō ka ʻAlepa a me ka ʻOmega, ke Kumu a me ka Wēlau, ka Mea e noho ana, ka Mea ma mua hoʻi, ʻo ka Mea e hiki mai ana nō, ʻo ka Mea Mana Loa.”

KA HŌʻIKE ʻANA A IOANE KA HAIPULE 2:8

¶ “E palapala aku ʻoe i ka ʻānela o ka ʻekalesia ma Semurena: Ke ʻī mai nei ka Mea Mua, a me ka Mea Hope, ʻo ka Mea i make, a i ola hou, me nei:

KA HŌʻIKE ʻANA A IOANE KA HAIPULE 22:13

“ʻO wau nō ka ʻAlepa a me ka ʻOmega, ke Kumu a me ka Wēlau, ka Mua a me ka Hope.”