KA HŌʻIKE ʻANA A IOANE KA HAIPULE 1:16 - Ka Baibala Hemolele

¹⁶ Ua paʻa hoʻi i loko o kona lima ʻākau nā hōkū ʻehiku; a puka akula ma waho o kona waha he pahi kaua maka lua, ʻoi loa; a ʻo kona helehelena, ua like ia me ka lā e lilelile ana i kona ikaika.

KA HŌʻIKE ʻANA A IOANE KA HAIPULE 1:16 Iomraidhean Croise

KA BUKE NO IOBA 38:7

“I ka wā i mele pū ai nā hōkū ao, I hoʻōho ʻoliʻoli aʻe hoʻi nā keiki a pau a ke Akua?

KA BUKE O NĀ HALELŪ 45:3

¶ E kāʻei ʻoe i kāu pahi kaua ma kou ʻūhā, e ka Mea Mana, Me kou nani a me kou hanohano.

KE MELE A SOLOMONA 6:10

¶ ‘ʻO wai kēia e nānā mai ana e like me ka wehe ʻana o ke alaula? Ua kōnale ia e like me ka mahina, Ua maikaʻi hoʻi ia e like me ka lā, A he mea e makaʻu ai e like me ka poʻe e amo ana i nā hae.’

KA WĀNANA A ʻISAIA 11:4

E hoʻopono ʻo ia i ka poʻe nāwaliwali, ma ka pololei, Ma ka pono nō hoʻi ia e kōkua ai i ka mea pōpilikia o ka honua; E hahau nō ʻo ia i ka honua i ka lāʻau o kona waha, A e luku nō hoʻi ia i ka poʻe hewa, i ka hā ʻana o kona mau lehelehe.

KA WĀNANA A ʻISAIA 24:23

E hilahila nō ka mahina, a e hilahila pū nō me ka lā; No ka mea, na Iēhova o nā kaua e noho aliʻi, Ma luna o ka mauna ʻo Ziona, a ma Ierusalema, A ma ke alo o kona poʻe kahiko ʻo ia e hoʻoleʻa ʻia ai.

KA WĀNANA A ʻISAIA 49:2

Ua hana ʻo ia i koʻu waha a like me ka pahi kaua ʻoi, Ua hūnā mai ʻo ia iaʻu ma ke aka o kona lima, Ua hana mai ʻo ia iaʻu, a like me ka pua i ʻānai ʻia, Ua hūnā mai ʻo ia iaʻu i loko o kona ʻaʻa pua.

KA BUKE NO DANIʻELA 12:3

“ʻO ka poʻe naʻauao e ʻālohilohi auaneʻi lākou me he mālamalama lā ma ke aouli; a ʻo ka poʻe i hoʻohuli i nā lehulehu ma ka pono, e like me nā hōkū ia ao aku ia ao aku.

KA BUKE NO DANIʻELA 8:10

A haʻanui ʻo ia iā ia iho i ka pūʻali o ka lani; a hoʻohina i kekahi o ka pūʻali, a me nā hōkū i lalo i ka honua, a hehi ihola ma luna o lākou.

MALAKI 4:2

“Akā, no ʻoukou ka poʻe weliweli i koʻu inoa, e puka mai ana ka Lā o ka Pono, me ka mea hoʻōla i loko o kona mau ʻēheu; a e hele aku ʻoukou, a e lele ʻoliʻoli, e like me nā bipi keiki i kūpalu ʻia.

KA ʻEUANELIO I KĀKAU ʻIA AI E MATAIO 17:2

Hoʻopāhaʻohaʻo ʻia ihola ia i mua o lākou; ʻalohi maila kona helehelena e like me ka lā, a keʻokeʻo maila kona ʻaʻahu e like me ka mālamalama.

NĀ ʻOIHANA A KA POʻE LUNAʻŌLELO 26:13

i ke awakea, e ke aliʻi ē, ʻike akula au ma ke alanui, he mālamalama mai ka lani mai, he mea ʻoi loa aku ma mua o ka mālamalama o ka lā, ua puni au i ka mālamalama, a me ka poʻe i hele pū me aʻu.

ʻO KA ʻEPISETOLE A PAULO KA LUNAʻŌLELO I KO ʻEPESO 6:17

E lawe hoʻi i «ka mahiole o ke ola», a me ka pahi kaua o ka ʻUhane, ʻo ia nō ka ʻōlelo a ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 4:12

No ka mea, he ikaika, he mana hoʻi ko ka ʻōlelo a ke Akua, he ʻoi nui kona ma mua o ko ka pahi kaua ʻoi lua, e ʻō ana a kaʻawale ke ola a me ka ʻuhane, ʻo nā ʻami a me ka lolo; ʻo ia ka luna kānāwai no ka noʻonoʻo a me ka naʻau.

KA HŌʻIKE ʻANA A IOANE KA HAIPULE 1:20

“I ka mea pohihihi o nā hōkū ʻehiku āu i ʻike ai ma koʻu lima ʻākau, a me nā ipu gula ʻehiku. ʻO nā hōkū ʻehiku, ʻo lākou nā ʻānela o ua mau ʻekalesia lā ʻehiku; a ʻo nā ipukukui ʻehiku, ʻo ia nō ua poʻe ʻekalesia ʻehiku lā.”

KA HŌʻIKE ʻANA A IOANE KA HAIPULE 10:1

¶ ʻIke akula au i kekahi ʻānela hou, ikaika loa, e iho ana, mai ka lani mai, ua ʻaʻahu ʻia i ke ao; a he ānuenue ma kona poʻo, ua like hoʻi kona maka me ka lā, a ʻo kona mau wāwae me nā kia ahi.

KA HŌʻIKE ʻANA A IOANE KA HAIPULE 12:1

¶ Ua ʻike ʻia akula kekahi mea kupanaha loa ma ka lani; he wahine i hōʻaʻahu ʻia i ka lā, a aia hoʻi ka mahina ma lalo o kona wāwae, a ʻo nā hōkū ʻumikumamālua, ʻo ia kona lei aliʻi.

KA HŌʻIKE ʻANA A IOANE KA HAIPULE 19:15

A puka maila, mai loko mai o kona waha, he pahi kaua ʻoi, i mea e hahau ai i ko nā ʻāina; a e hoʻomalu ʻo ia iā lākou me ke koʻokoʻo hao. A nāna nō e hahi i ka lua waina o ka ukiuki o ka inaina o ke Akua Mana Loa.

KA HŌʻIKE ʻANA A IOANE KA HAIPULE 19:21

A pepehi ʻia ihola ke koena i ka pahi kaua o ka mea e noho ana i ka lio, i ka mea i puka aku mai loko aku o kona waha. A māʻona ihola nā manu a pau i ko lākou ʻiʻo.

KA HŌʻIKE ʻANA A IOANE KA HAIPULE 2:1

¶ “E palapala aku ʻoe i ka ʻānela o ka ʻekalesia ma ʻEpeso: Ke ʻī mai nei ka Mea nāna e paʻa ana nā hōkū ʻehiku ma kona lima ʻākau, a e hele ana hoʻi ma waena o nā ipukukui gula ʻehiku, penei:

KA HŌʻIKE ʻANA A IOANE KA HAIPULE 2:12

¶ “E palapala aku ʻoe i ka ʻānela o ka ʻekalesia ma Peregamo: Ke ʻī mai nei ka Mea nāna ka pahi kaua ʻoi lua, penei:

KA HŌʻIKE ʻANA A IOANE KA HAIPULE 2:16

‘No laila, e mihi ʻoe; a i ʻole, ʻeā, e hele koke aku au i ou lā, a e kaua aku iā lākou, me ka pahi kaua o kuʻu waha.

KA HŌʻIKE ʻANA A IOANE KA HAIPULE 3:1

¶ “E palapala aku ʻoe i ka ʻānela o ka ʻekalesia ma Saredeisa: Ke ʻī mai nei ka Mea iā ia nā ʻUhane ʻehiku o ke Akua, a me nā hōkū ʻehiku, penei: ‘Ua ʻike nō au i kāu hana ʻana, he inoa kou ma ke ola; akā, ua make ʻoe.

KA BUKE NO NĀ LUNA KĀNĀWAI 3:16

Hana ihola ʻo ʻEhuda i pahi kaua ʻoi lua nāna, hoʻokahi kūbita ka lōʻihi, a ʻōmau aʻela ma kona ʻūhā ʻākau, ma loko o kona kapa.

KA BUKE NO NĀ LUNA KĀNĀWAI 5:31

“Pēlā e make ai kou poʻe ʻenemi a pau, e Iēhova! Akā, ʻo ka poʻe aloha iā ʻoe, e like aʻe lākou me ka lā e puka ana ma kona ikaika.” Hoʻomaha ihola ka ʻāina, i hoʻokahi kanahā makahiki.