KA HŌʻIKE ʻANA A IOANE KA HAIPULE 1:14 - Ka Baibala Hemolele

¹⁴ A ʻo kona poʻo a me kona oho, ua keʻokeʻo e like me ka hulu hipa keʻokeʻo, me he hau lā; a ʻo kona mau maka, ua like me ka lapalapa o ke ahi.

KA HŌʻIKE ʻANA A IOANE KA HAIPULE 1:14 Iomraidhean Croise

KA BUKE NO DANIʻELA 10:6

ʻO kona kino ua like ia me ka berulo, a ʻo kona helehelena maka ua like ia me ka uila, ʻo kona mau maka ua like ia me nā kukui ahi, ʻo kona mau lima a me nā wāwae ua like me ke keleawe melemele i ʻānai ʻia, a ʻo ka leo o kāna ʻōlelo ʻana ua like ia me ka leo o ka lehulehu.

KA BUKE NO DANIʻELA 7:9

¶ “ʻIke akula au, A ua kau ʻia ihola nā noho aliʻi, A ua noho maila ka Makamua o nā Lā, Ua huali loa kona kapa e like me ka hau, A ʻo ka lauoho o kona poʻo ua like me ka hulu hipa maʻemaʻe; ʻO kona noho aliʻi, ua like ia me ka lapalapa ʻana o ke ahi, A ʻo kona mau kaʻa e like me ke ahi e ʻaʻā ana.

KA ʻEUANELIO I KĀKAU ʻIA AI E MATAIO 28:3

Ua like kona helehelena me ka uila, a ua huali kona kapa e like me ka hau.

KA HŌʻIKE ʻANA A IOANE KA HAIPULE 19:12

A ua like kona mau maka me ka lapalapa o ke ahi, a ua nui loa nā lei aliʻi ma luna o kona poʻo; a ua palapala ʻia kona inoa, ʻaʻole hoʻi he mea ʻike, ʻo ia wale iho nō.

KA HŌʻIKE ʻANA A IOANE KA HAIPULE 2:18

¶ “E palapala aku ʻoe i ka ʻānela o ka ʻekalesia ma Tuateira: Ke ʻī mai nei ke Keiki a ke Akua, ka Mea nona nā maka e like me ka lapalapa o ke ahi, a ua like kona mau wāwae me ke keleawe melemele maikaʻi, penei: