KA HŌʻIKE ʻANA A IOANE KA HAIPULE 1:11 - Ka Baibala Hemolele

¹¹ ʻī maila, “ʻO wau nō ka ʻAlepa a me ka ʻOmega, ka Mua a me ka Hope; ʻo ka mea āu i ʻike ai, e palapala iho ʻoe ma ka buke, a e hoʻouna aku i nā ʻekalesia ʻehiku ma ʻĀsia: ma ʻEpeso, a ma Semurena, a ma Peregamo, a ma Tuateira, a ma Saredeisa, a ma Piladelepia, a ma Laodikeia.”

KA HŌʻIKE ʻANA A IOANE KA HAIPULE 1:11 Iomraidhean Croise

KA WĀNANA A ʻISAIA 30:8

Ō hele hoʻi, e palapala ia mea ma ka papa i mua o lākou, A e kahakaha hoʻi ma ka buke, I mea no nā lā ma hope, no nā manawa mau loa aku;

KA WĀNANA A IEREMIA 30:2

“Ke ʻōlelo mai nei ʻo Iēhova, ke Akua o kā ʻIseraʻela penei, ʻī mai, ‘E kākau ʻoe i nā ʻōlelo a pau aʻu i ʻōlelo ai iā ʻoe i loko o ka buke.

HABAKUKA 2:2

ʻŌlelo mai ʻo Iēhova iaʻu, ʻī maila, “E kākau ʻoe i ka mea i ʻike ʻia, A e kākau hoʻi ia ma nā papa pōhaku, I hiki ka mea heluhelu e hoholo.

NĀ ʻOIHANA A KA POʻE LUNAʻŌLELO 16:14

A ʻo kekahi wahine, ʻo Ludia kona inoa, no ke kūlanakauhale, no Tuateira, he wahine kūʻai i ka lole poni, ua hoʻomana hoʻi i ke Akua, hoʻolohe maila ia, a na ka Haku nō i holahola kona naʻau, i hoʻolohe ia i nā mea i ʻōlelo ʻia ai e Paulo.

NĀ ʻOIHANA A KA POʻE LUNAʻŌLELO 18:24

¶ Aia kekahi Iudaio, ʻo ʻApolo kona inoa, i hānau ʻia ma ʻAlekanedero, he kanaka akamai i ka ʻōlelo, a hele aʻela i ʻEpeso, ua ikaika ia i nā Palapala Hemolele.

NĀ ʻOIHANA A KA POʻE LUNAʻŌLELO 20:17

¶ Hoʻouna aʻela ia, mai Mileto aku a ʻEpeso, e kiʻi i nā lunakahiko o ka ʻekalesia.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:32

He aha koʻu pono e loaʻa mai, i koʻu hakakā ʻana ma ko ke kanaka, me nā ʻīlio hae ma ʻEpeso, ke ala ʻole mai ka poʻe make? «E ʻai kākou, a e inu; no ka mea, ʻapōpō e make ana kākou».

ʻO KA ʻEPISETOLE MUA A PAULO KA LUNAʻŌLELO I KO KORINETO 16:8

E noho nō au ma ʻEpeso, a hiki i ka Penetekota.

ʻO KA ʻEPISETOLE A PAULO KA LUNAʻŌLELO I KO ʻEPESO 1:1

¶ ʻO Paulo, he lunaʻōlelo a Iesū Kristo ma ka makemake o ke Akua, na ka poʻe haipule e noho ana ma ʻEpeso, a me ka poʻe manaʻoʻiʻo i loko o Iesū Kristo:

KA BUKE ʻALIMA A MOSE, I KAPA ʻIA KĀNĀWAI LUA 31:19

“No ia hoʻi, e kākau ʻoukou i kēia mele no ʻoukou, a e aʻo aku ia i nā mamo a ʻIseraʻela; e hāʻawi aku ia mea i ko lākou waha, i lilo ai kēia mele i mea hōʻike noʻu e kūʻē i nā mamo a ʻIseraʻela.

ʻO KA ʻEPISETOLE A PAULO KA LUNAʻŌLELO I KO KOLOSA 2:1

¶ No ka mea, ke ake nei au e ʻike ʻoukou i koʻu ʻehaʻeha nui ʻana no ʻoukou, a me ko Laodikeia, a me ka poʻe i ʻike ʻole mai i koʻu maka, i ke kino nei;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:3

¶ Me aʻu i nonoi aku ai iā ʻoe e noho ʻoe ma ʻEpeso, i kuʻu hele ʻana aku i Makedonia, i kauoha ʻoe i kekahi poʻe, i aʻo ʻole aku lākou i ka ʻōlelo ʻē,

KA HŌʻIKE ʻANA A IOANE KA HAIPULE 1:17

A ʻike akula au iā ia, hina ihola au ma kona wāwae me he mea make lā; kau maila ʻo ia i kona lima ʻākau ma luna iho oʻu, ʻī maila iaʻu, “Mai makaʻu. ʻO wau nō ka Mea Mua a me ka Mea Hope;

KA HŌʻIKE ʻANA A IOANE KA HAIPULE 1:19

“No laila e palapala ʻoe i nā mea āu i ʻike ai, i nā mea o kēia manawa, a me nā mea e hiki mai ana ma kēia hope aku.

KA HŌʻIKE ʻANA A IOANE KA HAIPULE 1:2

nāna nō i hōʻike i ka ʻōlelo a ke Akua, a me nā mea a Iesū Kristo i aʻo mai ai, a me nā mea a pau āna i ʻike aku ai.

KA HŌʻIKE ʻANA A IOANE KA HAIPULE 1:20

“I ka mea pohihihi o nā hōkū ʻehiku āu i ʻike ai ma koʻu lima ʻākau, a me nā ipu gula ʻehiku. ʻO nā hōkū ʻehiku, ʻo lākou nā ʻānela o ua mau ʻekalesia lā ʻehiku; a ʻo nā ipukukui ʻehiku, ʻo ia nō ua poʻe ʻekalesia ʻehiku lā.”

KA HŌʻIKE ʻANA A IOANE KA HAIPULE 1:4

¶ Na Ioane aku i nā ʻekalesia ʻehiku ma ʻĀsia: E aloha ʻia mai ʻoukou, a e maluhia hoʻi i ka Mea e noho ana, ka Mea ma mua hoʻi, ka Mea e hiki mai ana; a i nā ʻUhane ʻehiku e noho lā ma ke alo o kona noho aliʻi;

KA HŌʻIKE ʻANA A IOANE KA HAIPULE 1:8

¶ Ke ʻī mai nei ka Haku, “ʻO wau nō ka ʻAlepa a me ka ʻOmega, ke Kumu a me ka Wēlau, ka Mea e noho ana, ka Mea ma mua hoʻi, ʻo ka Mea e hiki mai ana nō, ʻo ka Mea Mana Loa.”

KA HŌʻIKE ʻANA A IOANE KA HAIPULE 10:4

A i ka wā i pohā mai ai ka leo o ia mau hekili ʻehiku, ua mākaukau wau e palapala; a lohe au i ka leo, mai ka lani mai, e ʻōlelo ana, “E hoʻopaʻa ʻoe i ka wepa i nā mea a nā hekili ʻehiku i pane mai ai, mai palapala ʻoe ia mau mea.”

KA HŌʻIKE ʻANA A IOANE KA HAIPULE 14:13

¶ Lohe akula au i ka leo, mai ka lani mai, ʻī maila, “E palapala ʻoe, ‘Pōmaikaʻi ka poʻe make, ke make i loko o ka Haku, ma kēia hope aku!’” “He ʻoiaʻiʻo,” wahi a ka ʻUhane, “i hoʻomaha lākou i ko lākou luhi; a ke hahai nei nō hoʻi kā lākou mau hana me lākou.”

KA HŌʻIKE ʻANA A IOANE KA HAIPULE 19:9

ʻĪ maila kēlā iaʻu, “E palapala ʻoe penei, ‘Pōmaikaʻi ka poʻe i hea ʻia i ka ʻahaʻaina mare a ke Keiki Hipa.’” ʻĪ maila kēlā iaʻu, “ʻO ia nō nā ʻōlelo ʻoiaʻiʻo a ke Akua.”

KA HŌʻIKE ʻANA A IOANE KA HAIPULE 2:1

¶ “E palapala aku ʻoe i ka ʻānela o ka ʻekalesia ma ʻEpeso: Ke ʻī mai nei ka Mea nāna e paʻa ana nā hōkū ʻehiku ma kona lima ʻākau, a e hele ana hoʻi ma waena o nā ipukukui gula ʻehiku, penei:

KA HŌʻIKE ʻANA A IOANE KA HAIPULE 2:12

¶ “E palapala aku ʻoe i ka ʻānela o ka ʻekalesia ma Peregamo: Ke ʻī mai nei ka Mea nāna ka pahi kaua ʻoi lua, penei:

KA HŌʻIKE ʻANA A IOANE KA HAIPULE 2:18

¶ “E palapala aku ʻoe i ka ʻānela o ka ʻekalesia ma Tuateira: Ke ʻī mai nei ke Keiki a ke Akua, ka Mea nona nā maka e like me ka lapalapa o ke ahi, a ua like kona mau wāwae me ke keleawe melemele maikaʻi, penei:

KA HŌʻIKE ʻANA A IOANE KA HAIPULE 2:24

‘Ke ʻōlelo aku nei nō hoʻi au iā ʻoukou, ka poʻe i koe ma Tuateira, ka poʻe ʻaʻole i hahai ma ia manaʻo, ka poʻe ʻaʻole i ʻike i ko Sātana mea hohonu, pēlā ka ʻōlelo; ʻaʻole au e kau ma luna o ʻoukou i kekahi mea kaumaha ʻē aʻe.

KA HŌʻIKE ʻANA A IOANE KA HAIPULE 2:8

¶ “E palapala aku ʻoe i ka ʻānela o ka ʻekalesia ma Semurena: Ke ʻī mai nei ka Mea Mua, a me ka Mea Hope, ʻo ka Mea i make, a i ola hou, me nei:

KA HŌʻIKE ʻANA A IOANE KA HAIPULE 21:5

ʻĪ maila ka mea i noho ma ka noho aliʻi, “Aia hoʻi, ke hana hou nei au i nā mea a pau.” ʻĪ maila kēlā iaʻu, “E palapala ʻoe; no ka mea, he pono kēia mau ʻōlelo, he ʻoiaʻiʻo.”

KA HŌʻIKE ʻANA A IOANE KA HAIPULE 22:10

¶ ʻĪ maila kēlā iaʻu, “Mai hoʻopaʻa i ka wepa i nā ʻōlelo o ka wānana o kēia buke; no ka mea, ua kokoke mai ka manawa.

KA HŌʻIKE ʻANA A IOANE KA HAIPULE 22:16

¶ “ʻO wau, ʻo Iesū, ua hoʻouna aku au i koʻu ʻānela, e hōʻike aku iā ʻoukou i kēia mau mea ma nā ʻekalesia. ʻO wau nō ke Kumu a me ka Mamo a Dāvida; ʻo wau nō ka Hōkūao Mālamalama.”

KA HŌʻIKE ʻANA A IOANE KA HAIPULE 3:1

¶ “E palapala aku ʻoe i ka ʻānela o ka ʻekalesia ma Saredeisa: Ke ʻī mai nei ka Mea iā ia nā ʻUhane ʻehiku o ke Akua, a me nā hōkū ʻehiku, penei: ‘Ua ʻike nō au i kāu hana ʻana, he inoa kou ma ke ola; akā, ua make ʻoe.

KA HŌʻIKE ʻANA A IOANE KA HAIPULE 3:14

¶ “E palapala aku ʻoe i ka ʻānela o ka ʻekalesia ma Laodikeia: Ke ʻī mai nei ka ʻĀmene, ka Hōʻike hoʻopono a me ka ʻoiaʻiʻo, ke Poʻo o nā mea a ke Akua i hana ai:

KA HŌʻIKE ʻANA A IOANE KA HAIPULE 3:4

‘He mau inoa nō naʻe kou ma Saredeisa, ʻaʻole i hoʻohaumia lākou i ko lākou mea ʻaʻahu; e hele pū lākou me aʻu, ma ke keʻokeʻo; no ka mea, ua pono lākou.

KA HŌʻIKE ʻANA A IOANE KA HAIPULE 3:7

¶ “E palapala aku ʻoe i ka ʻānela o ka ʻekalesia ma Piladelepia: Ke ʻī mai nei ka Mea hoʻāno, ka Mea ʻoiaʻiʻo, ʻo ka Mea iā ia ke kī o Dāvida, ʻo ka Mea wehe, ʻaʻohe mea nāna e pani mai; a pani hoʻi ʻo ia, ʻaʻohe mea nāna e wehe: