KA HŌʻIKE ʻANA A IOANE KA HAIPULE 1:1 - Ka Baibala Hemolele

¹ ¶ Ka Hōʻike ʻana a Iesū Kristo, ka mea a ke Akua i hāʻawi mai ai iā ia, e hōʻike mai i kāna poʻe kauā i nā mea e hiki koke mai ana; a ma kona ʻānela i hoʻouna mai ai ʻo ia, a hōʻike maila hoʻi i kāna kauā iā Ioane;

KA HŌʻIKE ʻANA A IOANE KA HAIPULE 1:1 Iomraidhean Croise

KA BUKE O NĀ HALELŪ 25:14

ʻO ka manaʻo paʻa o Iēhova aia nō ia me ka poʻe weliweli iā ia; E hōʻike mai nō hoʻi ʻo ia i kona berita iā lākou.

KA BUKE NO DANIʻELA 8:16

A lohe akula au i ka leo kanaka ma ʻUlai e kāhea ana, ʻī aʻela, “E Gaberiʻela ē, e hoʻākāka aʻe ʻoe i nā mea i ʻike ʻia ma ka hihiʻo, i kēia kanaka.”

KA BUKE NO DANIʻELA 9:21

ʻoiaʻiʻo, i kaʻu ʻōlelo ʻana ma ka pule, ʻo ke kanaka ʻo Gaberiʻela, ka mea aʻu i ʻike ai ma mua ma ka hihiʻo, ua hoʻoholo māmā ʻia mai ʻo ia, a hoʻopā mai iaʻu i ka manawa o ka mōhai ahiahi.

KA BUKE NO DANIʻELA 9:23

“Ma ka hoʻomaka ʻana o kou noi, i puka mai ai ke kauoha, a ua hele mai hoʻi au e hoʻākāka iā ʻoe; no ka mea, ʻo ʻoe ke kanaka i aloha nui ʻia; no ia mea, e ʻike ʻoe i ka mea, a e noʻonoʻo ʻoe i ka hihiʻo.

ʻAMOSA 3:7

No ka mea, ʻaʻole e hana mai ʻo Iēhova ka Haku i kekahi mea, Ke hōʻike ʻole mai ia i kona mea huna i kāna mau kauā, i nā kāula.

KA ʻEUANELIO I KĀKAU ʻIA AI E IOANE 12:49

“No ka mea, ʻaʻole naʻu kuʻu ʻōlelo ʻana aku; akā, na ka Makua nāna au i hoʻouna mai, ʻo ia kai kauoha mai iaʻu i ka mea aʻu e ʻōlelo aku ai, a me ka mea aʻu e aʻo aku ai.

KA ʻEUANELIO I KĀKAU ʻIA AI E IOANE 15:15

“ʻAʻole au e kapa hou aku iā ʻoukou he poʻe kauā; no ka mea, ʻaʻole e ʻike ke kauā i ka mea a kona haku e hana ai; akā, ua kapa aku au iā ʻoukou he poʻe hoaaloha; no ka mea, ua hōʻike aku au iā ʻoukou i nā mea a pau aʻu i lohe ai i koʻu Makua.

KA ʻEUANELIO I KĀKAU ʻIA AI E IOANE 17:8

“No ka mea, ʻo ka ʻōlelo āu i hāʻawi mai iaʻu, ua hāʻawi aku au ia iā lākou; a ua ʻapo mai lākou ia, a ua ʻike pono hoʻi, i hele mai au mai ou mai lā, a ua manaʻoʻiʻo hoʻi lākou, ua hoʻouna mai ʻoe iaʻu.

KA ʻEUANELIO I KĀKAU ʻIA AI E IOANE 3:32

“ʻO ka mea āna i ʻike ai, a i lohe ai hoʻi, ʻo ia kāna e hōʻike ai; ʻaʻole naʻe kekahi mea i mālama i kāna mea i hōʻike ai.

KA ʻEUANELIO I KĀKAU ʻIA AI E IOANE 8:26

“He nui kaʻu mau mea e ʻōlelo aku ai, a e hoʻohewa aku ai iā ʻoukou; akā, ʻo ka Mea nāna au i hoʻouna mai he ʻoiaʻiʻo ia; a ʻo nā mea aʻu i lohe ai iā ia, ʻo ia kaʻu e ʻōlelo aku nei i ko ke ao nei.”

ʻO KA ʻEPISETOLE A PAULO KA LUNAʻŌLELO I KO ROMA 16:25

¶ A i ka mea nona ka mana e hoʻokūpaʻa ai iā ʻoukou ma kaʻu ʻōlelo maikaʻi, ʻo ia ka ʻeuanelio a Iesū Kristo, ma ka hōʻike ʻana mai i ka mea huna i ʻike ʻole ʻia i nā manawa kahiko;

ʻO KA ʻEPISETOLE A PAULO KA LUNAʻŌLELO I KO GALATIA 1:12

No ka mea, ʻaʻole i loaʻa iaʻu ia na ke kanaka mai, ʻaʻole hoʻi au i aʻo ʻia mai; akā, ma ka hōʻike ʻia mai nō e Iesū Kristo.

ʻO KA ʻEPISETOLE A PAULO KA LUNAʻŌLELO I KO ʻEPESO 3:3

Ma ka hōʻike ʻia i hoʻākāka mai ai ʻo ia iaʻu i ka mea ʻikea ʻole; ka mea aʻu i palapala pōkole aku ai ma mua.

ʻO KA ʻEPISETOLE A PAULO IĀ TITO 1:1

¶ Na Paulo ke kauā a ke Akua, he lunaʻōlelo hoʻi na Iesū Kristo ma ka manaʻoʻiʻo o ka poʻe i wae ʻia mai e ke Akua, a ma ka hōʻoiaʻiʻo ʻana aku i ka ʻōlelo ʻoiaʻiʻo ma muli o ka mālama i ke Akua;

KA HŌʻIKE ʻANA A IOANE KA HAIPULE 1:19

“No laila e palapala ʻoe i nā mea āu i ʻike ai, i nā mea o kēia manawa, a me nā mea e hiki mai ana ma kēia hope aku.

KA HŌʻIKE ʻANA A IOANE KA HAIPULE 1:9

¶ ʻO wau, ʻo Ioane nei, ʻo ko ʻoukou hoahānau, a ʻo ko ʻoukou hoa ma loko o ka pilikia, a ma loko o ke aupuni a me ke ahonui o Iesū Kristo, i noho au ma ka mokupuni, i kapa ʻia ʻo Patemosa, no ka ʻōlelo a ke Akua, a no ka hōʻike ʻana iā Iesū Kristo.

KA HŌʻIKE ʻANA A IOANE KA HAIPULE 17:1

¶ Hele maila kekahi o nā ʻānela ʻehiku, iā lākou nā hue ʻehiku, a kamaʻilio mai iaʻu, ʻī maila, “Hele mai; naʻu nō e hōʻike aku iā ʻoe i ke ʻāhewa ʻia o ka wahine hoʻokamakama nui e noho ana ma luna o nā wai nui.

KA HŌʻIKE ʻANA A IOANE KA HAIPULE 19:10

A moe ihola au i lalo i kona wāwae e hoʻomana iā ia. ʻĪ mai kēlā iaʻu, “Uoki kāu; ʻo wau nō kou hoa kauā, kekahi o kou poʻe hoahānau e hōʻike ana iā Iesū; e hoʻomana i ke Akua; no ka mea, ʻo ka ʻuhane iā ia ka wānana, ʻo ia kai hōʻike iā Iesū.”

KA HŌʻIKE ʻANA A IOANE KA HAIPULE 19:9

ʻĪ maila kēlā iaʻu, “E palapala ʻoe penei, ‘Pōmaikaʻi ka poʻe i hea ʻia i ka ʻahaʻaina mare a ke Keiki Hipa.’” ʻĪ maila kēlā iaʻu, “ʻO ia nō nā ʻōlelo ʻoiaʻiʻo a ke Akua.”

KA HŌʻIKE ʻANA A IOANE KA HAIPULE 21:2

ʻO wau nō ʻo Ioane, ʻike akula au i ka iho ʻana mai o ke kūlanakauhale hoʻāno ʻo Ierusalema hou, mai ke Akua, mai ka lani mai, ua mākaukau, e like me ka wahine mare i kāhiko ʻia no kāna kāne.

KA HŌʻIKE ʻANA A IOANE KA HAIPULE 21:9

¶ Hele maila kekahi o nā ʻānela ʻehiku e paʻa ana i nā hue ʻehiku i piha i nā ʻino hope loa ʻehiku, a kamaʻilio mai iaʻu, ʻī maila, “E hele mai, a e hōʻike aku au iā ʻoe i ka wahine mare, ʻo ka wahine hoʻi a ke Keiki Hipa.”

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.

KA HŌʻIKE ʻANA A IOANE KA HAIPULE 22:16

¶ “ʻO wau, ʻo Iesū, ua hoʻouna aku au i koʻu ʻānela, e hōʻike aku iā ʻoukou i kēia mau mea ma nā ʻekalesia. ʻO wau nō ke Kumu a me ka Mamo a Dāvida; ʻo wau nō ka Hōkūao Mālamalama.”

KA HŌʻIKE ʻANA A IOANE KA HAIPULE 22:6

¶ ʻĪ maila kēlā iaʻu. “Ua pololei kēia mau ʻōlelo, ua ʻoiaʻiʻo”; a ʻo ka Haku ʻo ke Akua o ka poʻe kāula hemolele, hoʻouna maila ʻo ia i kona ʻānela, e haʻi mai i kāna poʻe kauā i nā mea e hana koke ʻia mai.

KA HŌʻIKE ʻANA A IOANE KA HAIPULE 22:8

¶ ʻO wau, ʻo Ioane nei ka mea i ʻike a i lohe hoʻi i nēia mau mea: a i ka wā aʻu i lohe ai a ʻike aku ai hoʻi, moe ihola au e hoʻomana aku ma nā wāwae o ka ʻānela nāna i hōʻike mai iaʻu i nēia mau mea.

KA HŌʻIKE ʻANA A IOANE KA HAIPULE 22:9

ʻĪ maila kēlā iaʻu, “Uoki kāu; no ka mea, ʻo wau nō kou hoa kauā, kekahi o nā kāula, kou mau hoahānau, ka poʻe e mālama i nā ʻōlelo o kēia buke. E hoʻomana i ke Akua.”

KA HŌʻIKE ʻANA A IOANE KA HAIPULE 4:1

¶ Ma hope iho o kēia mau mea, nānā akula au, aia hoʻi, he puka e hāmama ana ma loko o ka lani; a ʻo ka leo mua aʻu i lohe ai, ua like ia me ko ka pū e kamaʻilio ana iaʻu, ʻī maila, “E piʻi mai ʻoe i ʻaneʻi, a naʻu nō e hōʻike aku iā ʻoe i nā mea e hiki mai ana ma kēia hope aku.”

KA HŌʻIKE ʻANA A IOANE KA HAIPULE 5:7

Hele maila ia, lawe ihola i ka buke, mai ka lima ʻākau aku o ka Mea e noho ana ma ka noho aliʻi.