NĀ ʻŌLELO AKAMAI A SOLOMONA 5:3 - Ka Baibala Hemolele

³ No ka mea, ʻo nā lehelehe o ka wahine hoʻokamakama he meli ia e kulu ana, A ua ʻoi aku ka paheʻe o kona waha i ko ka ʻaila.

NĀ ʻŌLELO AKAMAI A SOLOMONA 5:3 Iomraidhean Croise

KA BUKE O NĀ HALELŪ 55:21

Ua ʻoi aku ka paheʻe o kāna mau ʻōlelo ma mua o ko ka bata, Akā, he kaua ko loko o kona naʻau; Ua ʻoi aku ka ʻoluʻolu o kāna mau ʻōlelo i ko ka ʻaila; Akā, he mau pahi kaua unuhi ʻia lākou.

NĀ ʻŌLELO AKAMAI A SOLOMONA 2:16

I hoʻopakele ʻia ʻoe i ka wahine ʻē, I ka wahine malihini i hoʻomalimali ka ʻōlelo.

NĀ ʻŌLELO AKAMAI A SOLOMONA 22:14

He lua hohonu ka waha o ka wahine hoʻokamakama, ʻO ka mea inaina ʻia e Iēhova, e hāʻule nō ia ma laila.

NĀ ʻŌLELO AKAMAI A SOLOMONA 5:20

No ke aha lā e ʻona ʻoe, e kuʻu keiki, i ka wahine ʻē, A e ʻapo ʻoe i ka wahine a haʻi ma kou umauma?

NĀ ʻŌLELO AKAMAI A SOLOMONA 6:24

I mālama ʻia ʻoe i ka wahine ʻino, I ka malihini i hoʻomalimali me kona elelo.

NĀ ʻŌLELO AKAMAI A SOLOMONA 7:21

Ua paʻa kēlā i ka nui o kāna ʻōlelo maʻalea; Ua lilo hoʻi ʻo ia i ka malimali ʻana o kona mau lehelehe.

NĀ ʻŌLELO AKAMAI A SOLOMONA 7:5

I mālama ʻia ʻoe i ka wahine ʻē, I ka malihini hoʻi i hoʻomalimali mai me kāna ʻōlelo.

KE KAHUNA 7:26

A ua loaʻa mai iaʻu kēia, ʻo ka wahine nona ka naʻau e hoʻohihia ai, a e hoʻohei ai, nona hoʻi nā lima e paʻa ai me he kaula lā, ua ʻoi aku kona ʻawaʻawa ma mua o ka make; ʻo ka mea maikaʻi i mua o ke Akua e pakele nō ia mai ona aku lā; akā, ʻo ka mea hewa, e hihia auaneʻi ʻo ia iā ia.

KE MELE A SOLOMONA 4:11

“ʻO kou lehelehe, e kaʻu wahine, ua hāʻule ka meli ma laila iho; Aia ma lalo iho o kou elelo, ka meli a me ka waiū; A ʻo ke ʻala o kou kapa, Ua like ia me ke ʻala o Lebanona.