NĀ ʻŌLELO AKAMAI A SOLOMONA 3:3 - Ka Baibala Hemolele

³ I ʻole e haʻalele iā ʻoe ka lokomaikaʻi a me ke aloha; E hāwele ia mau mea ma kou ʻāʻī; E kākau hoʻi ma ka papa o ka naʻau.

NĀ ʻŌLELO AKAMAI A SOLOMONA 3:3 Iomraidhean Croise

KA BUKE ʻALUA A SAMUʻELA 15:20

“I nehinei wale nō kou hele ʻana mai, a e pono nō anei e hoʻoʻauana aku au iā ʻoe i luna a i lalo me mākou? Ke hele nei au i kuʻu wahi e hele ai; no laila, e hoʻi ʻoe, a e kono pū me ʻoe i ou mau hoahānau; a me ʻoe nō ke aloha ʻia mai a me ka ʻoiaʻiʻo.”

KA BUKE O NĀ HALELŪ 119:11

Ua hūnā nō wau i kāu ʻōlelo i loko o koʻu naʻau, I ʻole au e hana hewa aku iā ʻoe.

KA BUKE O NĀ HALELŪ 25:10

ʻO nā ʻaoʻao a pau o Iēhova he aloha nō ia me ka ʻoiaʻiʻo, I ka poʻe i mālama i kona berita a me kāna mau kauoha.

KA BUKE O NĀ HALELŪ 85:10

Ua hālāwai pū ke aloha me ka ʻoiaʻiʻo; Ua honi pū nō hoʻi ka pono me ka maluhia.

KA BUKE ʻALUA A MOSE, I KAPA ʻIA PUKA ʻANA 13:9

“He hōʻailona nō ia nou ma kou lima, he mea hoʻomanaʻo nō hoʻi ma waena o kou mau maka, i mau ke kānāwai o Iēhova ma kou waha; no ka mea, me ka lima ikaika kā Iēhova i lawe mai ai iā ʻoe mai ʻAigupita mai.

KA BUKE ʻALUA A MOSE, I KAPA ʻIA PUKA ʻANA 34:6

Hele aʻela ʻo Iēhova ma mua o kona alo, haʻi maila ia, “ʻO Iēhova, ʻo Iēhova, ke Akua lokomaikaʻi, a manawaleʻa, a ahonui, ua nui kona maikaʻi a me ka ʻoiaʻiʻo.

NĀ ʻŌLELO AKAMAI A SOLOMONA 1:9

No ka mea, he mea nani ia no kou poʻo, He mau lei hoʻi no kou ʻāʻī.

NĀ ʻŌLELO AKAMAI A SOLOMONA 14:22

ʻAʻole anei he lalau wale ko ka poʻe ʻimi hewa? He aloha a he ʻoiaʻiʻo na ka poʻe ʻimi maikaʻi.

NĀ ʻŌLELO AKAMAI A SOLOMONA 16:6

Ma ka lokomaikaʻi a me ka ʻoiaʻiʻo ua kala ʻia ka hewa; Ma ka makaʻu iā Iēhova ka haʻalele ʻana i ka hewa.

NĀ ʻŌLELO AKAMAI A SOLOMONA 20:28

Na ka lokomaikaʻi a me ka ʻoiaʻiʻo e mālama mai i ke aliʻi; Ua paʻa hoʻi kona noho aliʻi i ka lokomaikaʻi.

NĀ ʻŌLELO AKAMAI A SOLOMONA 6:21

E hāwele mau ʻoe i mau mea ma kou naʻau, E nākiʻi ʻoe ia mau mea ma kou ʻāʻī.

NĀ ʻŌLELO AKAMAI A SOLOMONA 7:3

E hāwele ʻoe ia mau mea ma kou mau manamana lima, E kākau hoʻi ia mau mea ma ka papa o kou naʻau.

KA WĀNANA A IEREMIA 17:1

¶ Ua palapala ʻia ka hewa o kā Iuda, Me ka peni hao, me kahi ʻoi hoʻi o ka daimana; Ua kahakaha ʻia hoʻi ma ka papa o ko lākou naʻau, A ma nā pepeiaohao o ke kuahu;

HOSEA 4:1

¶ E hoʻolohe ʻoukou, e nā mamo a ʻIseraʻela, i ka ʻōlelo a Iēhova; No ka mea, he hakakā ko Iēhova me nā kānaka o ka ʻāina; No ka mea, ʻaʻohe ʻoiaʻiʻo, ʻaʻohe aloha, ʻAʻohe ʻike i ke Akua ma ka ʻāina.

MALAKI 2:6

“Ma loko o kona waha ka ʻōlelo ʻoiaʻiʻo, ʻaʻole nō i loaʻa ka hewa ma kona lehelehe; ua hele pū nō ia me aʻu ma ke aloha a me ka pono, a hoʻohuli aʻela ia i nā mea he nui mai ka hewa aku.

KA ʻEUANELIO I KĀKAU ʻIA AI E MATAIO 23:23

¶ “Auē ʻoukou, e ka poʻe kākau ʻōlelo a me ka poʻe Parisaio, nā hoʻokamani! No ka mea, ke hoʻokupu nei ʻoukou i ka hapaʻumi o ka mineta me ka ʻaneto a me ke kumino; a ke haʻalele nei i nā mea nui o ke kānāwai, i ka hoʻopono, i ke aloha a me ka hōʻoiaʻiʻo; ʻo kā ʻoukou mau mea kēia e pono ai ke hana, ʻaʻole hoʻi e haʻalele i kēlā.

ʻO KA ʻEPISETOLE LUA A PAULO KA LUNAʻŌLELO I KO KORINETO 3:3

No ka mea, ua hōʻike akāka ʻia, ʻo ʻoukou nō kā Kristo palapala a mākou i hana ai, i kākau ʻia ʻaʻole me ka ʻīnika; akā, me ka ʻUhane o ke Akua ola; ʻaʻole ma loko o nā papa pōhaku; akā, ma loko o nā papa ʻiʻo o ka naʻau.

ʻO KA ʻEPISETOLE A PAULO KA LUNAʻŌLELO I KO ʻEPESO 5:9

(no ka mea, ʻo ka hua na ka ʻUhane, ʻo ia ka maikaʻi a pau, a me ka pono a me ka ʻoiaʻiʻo);

KA BUKE ʻALIMA A MOSE, I KAPA ʻIA KĀNĀWAI LUA 6:8

“A e nākiʻi ʻoe ia mau mea i hōʻailona ma kou lima, a e lilo ia i mea e hoʻomanaʻo ai ma waena o kou mau maka.

ʻO KA ʻEPISETOLE A PAULO KA LUNAʻŌLELO I KO HEBERA 10:16

“«Eia ka berita aʻu e hana aku ai me lākou, Ma hope iho o ua mau lā lā,” wahi a ka Haku; “E paʻi iho au i koʻu mau kānāwai ma ko lākou naʻau, A e kākau iho hoʻi ia mau mea ma ko lākou manaʻo;