2 He mea ia e ʻike ai i ka noʻiau a me ke aʻo ʻia mai, E hoʻomaopopo i nā ʻōlelo e naʻauao ai;
ʻO ka makaʻu iā Iēhova, ʻo ia ka ʻike ʻana i ka naʻauao; ʻO ka naʻau haʻahaʻa ma mua ia o ka mahalo ʻia mai.
ʻO ka loaʻa ʻana o ke akamai, ua maikaʻi ia ma mua o ke gula! ʻO ka loaʻa ʻana o ka naʻauao, e pono ke koho ʻia ma mua o ke kālā.
No ke aha lā kēia, he kumu kūʻai ma ka lima o ka mea lapuwale, E kūʻai aku ai i ke akamai, ʻaʻohe ona manaʻo ma laila?
E hoʻolohe i ka ʻōlelo aʻo, e hāliu hoʻi i ke aʻo ʻia mai, I naʻauao ʻoe i kou hopena.
A laila, e ʻike ʻoe i ka pono a me ka hoʻopono, A me ka pololei a me nā ʻaoʻao maikaʻi a pau.
¶ E hoʻolohe mai, e nā keiki, i ke aʻo ʻana a ka makua, E hāliu mai hoʻi e ʻike i ka naʻauao.
E ʻī aʻe ʻoe i ka naʻauao, “ʻO ʻoe nō koʻu kaikuahine”; E kapa aku ʻoe i ka ʻike, he hoalauna;
“E hoʻolohe mai i ke aʻo ʻana a e hoʻomanaʻo iho, Mai pale aʻe ʻoukou.
“E nā mea ʻike ʻole, e ʻike ʻoukou i ke akamai; E hoʻonaʻauao hoʻi ʻoukou, e ka poʻe naʻaupō.