KA BUKE ʻAHĀ A MOSE, I KAPA ʻIA NĀ HELU 9:2 - Ka Baibala Hemolele

² “E mālama nā mamo a ʻIseraʻela i ka Mōliaola i kona manawa i kauoha ʻia ai.

KA BUKE ʻAHĀ A MOSE, I KAPA ʻIA NĀ HELU 9:2 Iomraidhean Croise

KA BUKE ʻALUA NO NĀ ALIʻI 23:21

¶ Kauoha akula ke aliʻi i nā kānaka a pau, ʻī akula, “E mālama ʻoukou i ka Mōliaola no Iēhova ko ʻoukou Akua, e like me ka mea i kākau ʻia ma ka Buke o kēia Kānāwai.”

KA BUKE ʻALUA O KA ʻOIHANA ALIʻI 35:1

¶ A hana nō hoʻi ʻo Iosia i ka ʻAhaʻaina Mōliaola no Iēhova ma Ierusalema; a pepehi lākou i ka mōhai Mōliaola i ka lā ʻumikumamāhā o ka malama mua.

KA BUKE A ʻEZERA 6:19

¶ A mālama akula ka poʻe i pio i ka Mōliaola, i ka lā ʻumikumamāhā o ka malama mua.

KA BUKE ʻAKOLU A MOSE, I KAPA ʻIA ʻOIHANA KAHUNA 23:5

‘I ka lā ʻumikumamāhā o ka malama mua, i ke ahiahi, i laila ka Mōliaola a Iēhova.

KA BUKE ʻAHĀ A MOSE, I KAPA ʻIA NĀ HELU 28:16

¶ ‘I ka lā ʻumikumamāhā o ka malama mua ka Mōliaola no Iēhova.

KA BUKE ʻAHĀ A MOSE, I KAPA ʻIA NĀ HELU 9:3

“I ka lā ʻumikumamāhā o kēia malama, i ke ahiahi, e mālama ʻoukou ia i kona manawa i kauoha ʻia ai; e like me nā kānāwai a pau nona, a e like hoʻi me nā ʻoihana a pau nāna, kā ʻoukou e mālama ai ia.”

KA ʻEUANELIO I KĀKAU ʻIA AI E MAREKO 14:12

¶ A i ka lā mua o ka ʻAhaʻaina Berena Hū ʻOle, i ka wā e kālua ai i ka Mōliaola, nīnau akula kāna poʻe haumāna iā ia, “ʻAuhea lā kāu wahi makemake e hele ai mākou e hoʻomākaukau, i ʻai ʻoe i ka Mōliaola?”

KA ʻEUANELIO I KĀKAU ʻIA AI E LUKA 22:7

¶ A hiki mai ka lā o ka ʻAhaʻaina Berena Hū ʻOle, ka lā e pono ai ke pepehi i ke keiki hipa Mōliaola.

KA BUKE A IOSUA 5:10

Hoʻomoana nō nā mamo a ʻIseraʻela ma Gilegala, a mālama ihola lākou i ka Mōliaola, i ka lā ʻumikumamāhā o ka malama, i ke ahiahi, ma nā wahi pāpū o Ieriko.