KA BUKE ʻAHĀ A MOSE, I KAPA ʻIA NĀ HELU 8:17 - Ka Baibala Hemolele

¹⁷ “No ka mea, noʻu nō nā hiapo a pau o nā mamo a ʻIseraʻela, ʻo kā ke kanaka, a me kā ka holoholona; i ka lā aʻu i luku ai nā hānau mua a pau ma ʻAigupita, hoʻolaʻa ihola au iā lākou nei noʻu.

KA BUKE ʻAHĀ A MOSE, I KAPA ʻIA NĀ HELU 8:17 Iomraidhean Croise

KA BUKE O NĀ HALELŪ 105:36

Pepehi nō hoʻi ʻo ia i nā makahiapo a pau o ko lākou ʻāina, I ke poʻokela hoʻi o ko lākou ikaika a pau.

KA BUKE O NĀ HALELŪ 135:8

¶ Nāna nō i pepehi ka makahiapo o ko ʻAigupita, Kā ke kanaka, a me kā ka holoholona hoʻi.

KA BUKE O NĀ HALELŪ 78:51

A pepehi nō hoʻi i nā hiapo a pau o ʻAigupita, ʻO nā poʻo ikaika ma nā halelewa o Hama.

KA BUKE ʻALUA A MOSE, I KAPA ʻIA PUKA ʻANA 12:29

¶ A hiki i ke aumoe, pepehi ihola ʻo Iēhova i nā hiapo a pau, ma ka ʻāina ʻo ʻAigupita, mai ka hiapo a Paraʻo, a ka mea noho ma luna o kona noho aliʻi, a hiki i ka hiapo a ka mea pio i loko o ka hale lua paʻahao, a me nā hiapo a pau a nā holoholona.

KA BUKE ʻALUA A MOSE, I KAPA ʻIA PUKA ʻANA 13:2

“E hoʻolaʻa mai i nā hiapo a pau naʻu, ʻo nā mea a pau o nā mamo a ʻIseraʻela i hānau mua o kā ke kanaka, a ʻo kā ka holoholona, naʻu nō ia.”

KA BUKE ʻALUA A MOSE, I KAPA ʻIA PUKA ʻANA 29:44

“A e hoʻolaʻa nō wau i ka halelewa o ke anaina kanaka, a me ke kuahu: e hoʻolaʻa nō hoʻi au iā ʻAʻarona, a me kāna mau keiki kāne, e lawelawe noʻu ma ka ʻoihana kahuna.

KA WĀNANA A ʻEZEKIʻELA 20:12

“A ʻo koʻu mau Sābati kekahi kaʻu i hāʻawi aku ai iā lākou, i hōʻailona i waena oʻu a me lākou, i ʻike lākou ʻo wau nō Iēhova ka mea nāna lākou i hoʻāno.

KA BUKE ʻAKOLU A MOSE, I KAPA ʻIA ʻOIHANA KAHUNA 27:26

¶ ‘ʻO ka hiapo wale nō a nā holoholona, ka hiapo no Iēhova, ʻaʻohe kanaka nāna ia e hoʻolaʻa, inā he bipi kauō paha, a inā he hipa paha, no Iēhova ia.

KA BUKE ʻAHĀ A MOSE, I KAPA ʻIA NĀ HELU 3:13

no ka mea, noʻu nō nā makahiapo a pau; i ka lā aʻu i luku ai i nā makahiapo a pau ma ka ʻāina ʻo ʻAigupita, hoʻolaʻa ihola hoʻi au noʻu i nā makahiapo ma kā ʻIseraʻela, i kā nā kānaka a me kā nā holoholona; noʻu nō lākou; ʻo wau nō Iēhova.”

KA BUKE ʻAHĀ A MOSE, I KAPA ʻIA NĀ HELU 8:18

“A ua lawe au i nā Levi i pānaʻi no nā hānau mua a pau o nā mamo a ʻIseraʻela.

KA ʻEUANELIO I KĀKAU ʻIA AI E LUKA 2:23

(e like me ka mea i kākau ʻia ma ke Kānāwai o ka Haku, “«ʻO kēlā» makahiapo «kāne, kēia» makahiapo «kāne, e ʻī ʻia aʻe he laʻa no Iēhova»”),

KA ʻEUANELIO I KĀKAU ʻIA AI E IOANE 10:36

ke ʻōlelo mai nei anei ʻoukou i ka mea a ke Akua i hoʻolaʻa ai, a i hoʻouna mai ai i ke ao nei, ‘Ua ʻōlelo hōʻino ʻoe,’ no kaʻu ʻī ʻana aku, ‘ʻO wau nō ke Keiki a ke Akua’?

KA ʻEUANELIO I KĀKAU ʻIA AI E IOANE 17:19

“A no lākou kaʻu i hoʻolaʻa ai iaʻu iho, i hoʻolaʻa ʻia ai lākou ma ka ʻoiaʻiʻo.

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE A PAULO KA LUNAʻŌLELO I KO HEBERA 11:28

Ma ka manaʻoʻiʻo hoʻi ʻo ia i mālama ai i ka Mōliaola, a me ka pīpī ʻana o ke koko, i ʻole ai e hoʻopā mai iā lākou ka mea nāna i luku mai i nā makahiapo.

ʻO KA ʻEPISETOLE HOʻOLAHA A IAKOBO 1:18

No kona makemake iho i hoʻohānau mai ai ʻo ia iā kākou ma ka ʻōlelo ʻoiaʻiʻo, i lilo aʻe kākou i mau hua mua o ka poʻe āna i hana ai.