KA BUKE ʻAHĀ A MOSE, I KAPA ʻIA NĀ HELU 7:89 - Ka Baibala Hemolele

⁸⁹ ¶ A i ko Mose komo ʻana i loko o ka halelewa o ke anaina e ʻōlelo aku iā ia, a laila lohe aʻela ia i ka leo e ʻōlelo mai ana iā ia mai luna mai o ka noho aloha, ʻo ka mea ma luna o ka pahu Kānāwai, ma waena o nā keruba ʻelua; a ʻī maila ʻo ia iā ia.

KA BUKE ʻAHĀ A MOSE, I KAPA ʻIA NĀ HELU 7:89 Iomraidhean Croise

KA BUKE MUA NO NĀ ALIʻI 6:23

¶ A ma loko o kahi e ʻōlelo ai, i hana ai ʻo ia i nā keruba ʻelua he lāʻau ʻoliva, he ʻumi kūbita ke kiʻekiʻe.

KA BUKE O NĀ HALELŪ 80:1

¶ E hāliu mai kou pepeiao, e ke Kahu Hipa o kā ʻIseraʻela, Ka Mea alakaʻi iā Iosepa me he ʻohana hipa lā; E ka Mea e noho lā ma waena o nā kerubima, e hoʻomālamalama mai.

KA BUKE O NĀ HALELŪ 99:1

¶ Ke noho aliʻi nei ʻo Iēhova, e haʻalulu mai nā kānaka; Ke noho nei ʻo ia i waena o nā kerubima, e nāueue ka honua!

KA BUKE ʻALUA A MOSE, I KAPA ʻIA PUKA ʻANA 40:34

¶ A laila, uhi maila ke ao i ka hale lole o ke anaina kanaka, a hoʻopiha maila ka nani o Iēhova i ka halelewa.

KA BUKE ʻALUA A MOSE, I KAPA ʻIA PUKA ʻANA 40:35

ʻAʻole hiki iā Mose ke komo i loko o ka hale lole o ke anaina kanaka; no ka mea, kau mau nō ke ao ma luna o laila, a hoʻopiha hoʻi ka nani o Iēhova i ka halelewa.

KA BUKE ʻAKOLU A MOSE, I KAPA ʻIA ʻOIHANA KAHUNA 1:1

¶ Kāhea maila ʻo Iēhova iā Mose, ʻōlelo maila hoʻi iā ia mai loko mai o ka halelewa o ke anaina, ʻī maila,

KA BUKE ʻAHĀ A MOSE, I KAPA ʻIA NĀ HELU 1:1

¶ ʻŌlelo maila ʻo Iēhova iā Mose, ma ka wao nahele ʻo Sinai, i loko o ka halelewa o ke anaina i ka lā mua o ka lua o ka malama, i ka lua o ka makahiki ma hope iho o ko lākou hele ʻana mai, mai ka ʻāina ʻo ʻAigupita mai, ʻī maila,

KA BUKE ʻAHĀ A MOSE, I KAPA ʻIA NĀ HELU 11:17

“A e iho nō au i lalo, kamaʻilio pū me ʻoe i laila; a e lawe au i ko ka ʻUhane ma luna ou, a e kau aku ma luna o lākou; a e amo pū lākou me ʻoe i ke kaumaha o nā kānaka, i halihali ʻole ai ʻoe, ʻo ʻoe wale nō, ia mea.

KA BUKE ʻAHĀ A MOSE, I KAPA ʻIA NĀ HELU 12:8

“E ʻōlelo aku ana au me ia he waha nō he waha, Ma ka mea akāka, ʻaʻole ma ka ʻōlelo nane; A e ʻike mai nō ia i ke aka o Iēhova. No ke aha lā hoʻi i makaʻu ʻole ai ʻolua I ka ʻōhumu aku i kuʻu kauā iā Mose?”

KA BUKE ʻAHĀ A MOSE, I KAPA ʻIA NĀ HELU 8:1

¶ ʻŌlelo maila ʻo Iēhova iā Mose, ʻī maila,

ʻO KA ʻEPISETOLE A PAULO KA LUNAʻŌLELO I KO HEBERA 4:16

No laila, e hoʻokokoke aku kākou ma ka noho aliʻi aloha me ka manaʻolana, i aloha ʻia mai kākou, a i loaʻa hoʻi ka lokomaikaʻi e kōkua mai ai i ka wā pōpilikia.

ʻO KA ʻEPISETOLE HOʻOLAHA MUA A PETERO 1:12

Ua hōʻike ʻia mai iā lākou, ʻaʻole naʻe na lākou, na kākou, nā mea a lākou i aʻo mai ai; ʻo ia hoʻi nā mea i haʻi ʻia aku nei iā ʻoukou, e ka poʻe haʻi aku i ka ʻeuanelio iā ʻoukou, me ka ʻUhane Hemolele i hoʻouna ʻia mai, mai ka lani mai; ʻo ia kā nā ʻānela i makemake ai e ʻike iho.

KA BUKE MUA A SAMUʻELA 4:4

Hoʻouna akula nā kānaka ma Silo e lawe mai mai laila mai i ka pahu berita o Iēhova Sābāōta, e waiho ana ma waena o nā kerubima; i laila nā keiki ʻelua a ʻEli, ʻo Hopeni a me Pinehasa me ka pahu berita o ke Akua.