KA BUKE ʻAHĀ A MOSE, I KAPA ʻIA NĀ HELU 6:23 - Ka Baibala Hemolele

²³ “E ʻōlelo aku ʻoe iā ʻAʻarona a me kāna mau keiki, e ʻī aku, ‘Penei ʻoukou e hoʻomaikaʻi aku ai i nā mamo a ʻIseraʻela, i ka ʻī ʻana aku iā lākou,

KA BUKE ʻAHĀ A MOSE, I KAPA ʻIA NĀ HELU 6:23 Iomraidhean Croise

KA BUKE MUA A MOSE, I KAPA ʻIA KINOHI 24:60

Hoʻomaikaʻi akula lāua iā Rebeka, ʻī akula, “ʻO ʻoe nō ko māua kaikuahine, E lilo ʻoe i makuahine o nā tausani miliona; E lilo hoʻi no kāu poʻe mamo, Ka puka pā o ka poʻe inaina aku iā lākou.”

KA BUKE MUA A MOSE, I KAPA ʻIA KINOHI 47:10

Hoʻomaikaʻi akula ʻo Iakoba iā Paraʻo, a hele akula mai ke alo aku o Paraʻo.

KA BUKE MUA A MOSE, I KAPA ʻIA KINOHI 47:7

Alakaʻi maila ʻo Iosepa iā Iakoba i kona makua kāne, a hoʻonoho maila iā ia i mua o Paraʻo. Hoʻomaikaʻi akula ʻo Iakoba iā Paraʻo.

KA BUKE MUA A MOSE, I KAPA ʻIA KINOHI 48:20

Hoʻomaikaʻi akula ʻo ia iā lāua ia lā, ʻī akula, “I loko ou e hoʻomaikaʻi aku kā ʻIseraʻela,” me ka ʻī ʻana aku, “E hoʻohālike mai ke Akua iā ʻoe me ʻEperaima a me Manase.” Hoʻonoho nō ʻo ia iā ʻEperaima ma mua o Manase.

KA BUKE MUA NO NĀ ALIʻI 8:55

Kū maila ia, a hoʻomaikaʻi maila i ke anaina a pau o kā ʻIseraʻela me ka leo nui:

KA BUKE MUA O KA ʻOIHANA ALIʻI 23:13

ʻO nā keiki kāne a ʻAmerama: ʻo ʻAʻarona a ʻo Mose; ua hoʻokaʻawale ʻia aʻe ʻo ʻAʻarona, e hoʻolaʻa ʻo ia i nā mea hoʻāno loa, ʻo ia a me kona poʻe keiki kāne a mau loa aku, e kuni i ka mea ʻala i mua o Iēhova, e lawelawe nāna, a e hoʻomaikaʻi ma kona inoa a mau loa aku.

KA BUKE ʻALUA O KA ʻOIHANA ALIʻI 30:27

Kū aʻela i luna nā kāhuna, a me nā Levi, a hoʻomaikaʻi aku i nā kānaka; a ua lohe ʻia ko lākou leo, a ua hiki ko lākou pule i kona wahi hoʻāno i ka lani.

KA BUKE ʻALUA A MOSE, I KAPA ʻIA PUKA ʻANA 39:43

A mākaʻikaʻi aʻela ʻo Mose i ka hana a pau, aia hoʻi, ua hana lākou ia e like me kā Iēhova i kauoha mai ai, pēlā nō lākou i hana ai. A hoʻomaikaʻi aʻela ʻo Mose iā lākou.

KA BUKE ʻAHĀ A MOSE, I KAPA ʻIA NĀ HELU 6:22

¶ ʻŌlelo maila ʻo Iēhova iā Mose, ʻī maila,

ʻO KA ʻEPISETOLE A PAULO KA LUNAʻŌLELO I KO ROMA 1:7

i ka poʻe a pau ma Roma, i aloha ʻia e ke Akua, i wae ʻia hoʻi i mau haipule; no ʻoukou hoʻi ke aloha a me ka pōmaikaʻi, mai ke Akua mai, ʻo ko kākou Makua, a mai ka Haku mai hoʻi, ʻo Iesū Kristo.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:3

E aloha ʻia mai ʻoukou, a e maluhia hoʻi e ke Akua, e ko kākou Makua, a e ka Haku e Iesū Kristo.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:14

¶ I mau aku ka lokomaikaʻi o ka Haku ʻo Iesū Kristo, me ke aloha o ke Akua, a me ka launa pū ʻana o ka ʻUhane Hemolele me ʻoukou a pau. ʻĀmene.

KA BUKE ʻALIMA A MOSE, I KAPA ʻIA KĀNĀWAI LUA 10:8

I kēlā manawa hoʻokaʻawale aʻela ʻo Iēhova i ka ʻohana a Levi, e halihali i ka pahu berita o Iēhova, e kū i mua o Iēhova e lawelawe nāna, a e hoʻomaikaʻi aku ma kona inoa, a hiki i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 21:5

“A ʻo nā kāhuna, nā mamo a Levi e hoʻokokoke mai; no ka mea, ua wae mai ʻo Iēhova kou Akua iā lākou e lawelawe nāna, a e hoʻomaikaʻi aku ma ka inoa ʻo Iēhova, aia nō iā lākou ka ʻōlelo no nā hakakā a me nā hahau ʻana a pau.

KA BUKE ʻALIMA A MOSE, I KAPA ʻIA KĀNĀWAI LUA 33:1

¶ Eia ka hoʻomaikaʻi a Mose, ke kanaka o ke Akua, i hoʻomaikaʻi aku ai i nā mamo a ʻIseraʻela ma mua o kona make ʻana.

ʻO KA ʻEPISETOLE A PAULO KA LUNAʻŌLELO I KO HEBERA 7:1

¶ A ʻo ua Melekisedeka lā hoʻi, ke aliʻi o Salema, he kahuna no ke Akua Kiʻekiʻe Loa, ʻo ia hoʻi kai hālāwai pū me ʻAberahama i kona hoʻi ʻana mai, mai ka luku ʻana aku i nā aliʻi, a hoʻomaikaʻi ihola iā ia.

ʻO KA ʻEPISETOLE A PAULO KA LUNAʻŌLELO I KO HEBERA 7:7

A he mea hoʻopaʻapaʻa ʻole ʻia kēia, ua hoʻomaikaʻi ʻia aku ka mea i emi iho e ka mea i ʻoi aku.

KA BUKE A IOSUA 8:33

Kū maila kā ʻIseraʻela a pau, a me nā lunakahiko, a me nā aliʻi, a me nā luna kānāwai o lākou, ma kēia ʻaoʻao a ma kēlā ʻaoʻao o ka pahu, i mua o ke alo o nā kāhuna o nā mamo a Levi, ka poʻe i lawe i ka pahu berita o Iēhova, ʻo ka malihini a me ke keiki papa; ʻo ka hapalua o lākou ma ke alo o ka mauna ʻo Gerizima, a ʻo ka hapalua ma ke alo o ka mauna ʻo ʻEbala; e like me ke kauoha mua ʻana mai a Mose, ke kauā a Iēhova, e hoʻomaikaʻi lākou i kānaka o kā ʻIseraʻela.

ʻO KA ʻEPISETOLE HOʻOLAHA MUA A PETERO 1:2

ma ka ʻike mua ʻana o ke Akua, ka Makua, ma o ka huikala ʻana o ka ʻUhane, ua wae ʻia mai ʻoukou, i poʻe hoʻolohe, a i poʻe e kāpīpī ʻia i ke koko o Iesū Kristo; i nui ko ʻoukou aloha ʻia mai, a me ka maluhia hoʻi.

ʻO KA ʻEPISETOLE LUA A IOANE 1:3

E aloha ʻia mai ʻoukou, a e lokomaikaʻi ʻia mai, a e maluhia hoʻi e ke Akua ka Makua, a me ka Haku ʻo Iesū Kristo ke Keiki a ka Makua, ma ka ʻoiaʻiʻo a me ke aloha.