KA BUKE ʻAHĀ A MOSE, I KAPA ʻIA NĀ HELU 5:21 - Ka Baibala Hemolele

²¹ a laila, e kauoha aku ke kahuna i ka wahine ma ka ʻōlelo hoʻohiki no ka hōʻino ʻana; a e ʻī aku ke kahuna i ua wahine lā, “E hoʻolilo auaneʻi ʻo Iēhova iā ʻoe i mea pōʻino, a i mea hoʻohiki ʻino ia i waena o kou poʻe kānaka, i ka manawa a Iēhova e hoʻowīwī iho ai i kou ʻūhā, a e hoʻopehu ai i kou ʻōpū;

KA BUKE ʻAHĀ A MOSE, I KAPA ʻIA NĀ HELU 5:21 Iomraidhean Croise

KA BUKE ʻALUA O KA ʻOIHANA ALIʻI 21:15

“A e hiki mai ma luna ou ka ʻeha nui loa, no ka maʻi ma kou ʻōpū, no kou maʻi e pahu aku nō kou naʻau i waho i kēlā lā i kēia lā.’”

KA BUKE A NEHEMIA 10:29

hoʻopili maila lākou i ko lākou mau hoahānau, i nā luna o lākou, a hoʻohiki ihola me ka hoʻopaʻa loa ʻana e hele ma ke Kānāwai o ke Akua, ka mea i hāʻawi ʻia mai ma ka lima o Mose ke kauā a ke Akua, a e mālama a e hana i nā kauoha a pau a Iēhova ko kākou Haku, a me kāna mau ʻōlelo kūpaʻa a me kona mau kapu;

NĀ ʻŌLELO AKAMAI A SOLOMONA 10:7

ʻO ka hoʻomanaʻo ʻana i ka mea hoʻopono, he mea hauʻoli ia; A ʻo ka inoa o ka poʻe hewa, e palakahuki ia.

KA WĀNANA A ʻISAIA 65:15

“A e hoʻoili aku ʻoukou no koʻu poʻe i wae ʻia i ko ʻoukou inoa i mea e pōʻino ai; No ka mea, e pepehi mai nō ʻo Iēhova, ka Haku, iā ʻoe, A e kapa iho i kāna poʻe kauā ma ka inoa ʻē.

KA WĀNANA A IEREMIA 29:22

‘A ma o lāua lā e lawe ʻia ai ka ʻōlelo hōʻino e ka poʻe pio a pau o kā Iuda, nā mea ma Babulona, me ka ʻōlelo iho, “Na Iēhova e hoʻohālike iā ʻoe me Zedekia, a me ʻAhaba, nā mea a ke aliʻi o Babulona i ʻōhinu ai ma ke ahi;

KA BUKE ʻAHĀ A MOSE, I KAPA ʻIA NĀ HELU 5:27

‘A pau kona hoʻoinu ʻana iā ia i ka wai, a laila, inā ua haumia ka wahine, a i hana ʻo ia i ka mea e hewa ai i kāna kāne, e komo nō ua wai lā ka mea e hoʻopōʻino ai i loko ona, he mea ʻawaʻawa; a e pehu mai kona ʻōpū, a e wīwī iho kona ʻūhā; a e lilo ua wahine lā i mea e hōʻino ʻia ai i waena o kona hanauna kanaka.

KA ʻEUANELIO I KĀKAU ʻIA AI E MATAIO 26:74

A laila, hoʻomaka ihola ia e hāʻiliʻili a me ka hoʻohiki ʻino, ʻī akula, “ʻAʻole au i ʻike ia kanaka!” A ʻoʻoʻō koke ihola ka moa.

KA BUKE A IOSUA 6:26

¶ Ia manawa kauoha nō ʻo Iosua iā lākou, me ka hoʻohiki a me ka ʻī ʻana aku, “E pōʻino auaneʻi i mua o Iēhova, ke kanaka nāna e kū aʻe a kūkulu hou i kēia kūlanakauhale iā Ieriko. Me kāna hiapo ia e hoʻokumu ai, a me kāna muli loa e hoʻopaʻa ai ia i nā puka ona.”

KA BUKE MUA A SAMUʻELA 14:24

¶ A ua pilikia nā kānaka o kā ʻIseraʻela ia lā; no ka mea, ua hoʻohiki aku ʻo Saula i nā kānaka, ʻī akula, “Pōʻino ke kanaka, ke ʻai ia i ka ʻai a hiki i ke ahiahi, i hoʻopaʻi aku ai au i koʻu poʻe ʻenemi.” No laila, ʻaʻole i ʻai nā kānaka i ka ʻai.