KA BUKE ʻAHĀ A MOSE, I KAPA ʻIA NĀ HELU 4:9 - Ka Baibala Hemolele

⁹ “A e lawe lākou i lole uliuli, a e hoʻouhi i ke kumu kukui mālamalama, a me nā ipukukui ona, a me nā ʻūpā koli ona, a me nā ipu ʻūpā koli, a me kona mau ipu ʻaila a pau, nā mea a lākou e lawelawe ai no ia mea.

KA BUKE ʻAHĀ A MOSE, I KAPA ʻIA NĀ HELU 4:9 Iomraidhean Croise

KA BUKE O NĀ HALELŪ 119:105

¶ He kukui nō kāu ʻōlelo no koʻu mau wāwae, A he mālamalama hoʻi ia ma koʻu alanui.

KA BUKE ʻAHĀ A MOSE, I KAPA ʻIA NĀ HELU 4:10

“E hahao hoʻi lākou ia me nā ipu ona a pau ma loko o ka wahī ʻili tahasa, a e kau aku ma luna o ka ʻauamo.

KA BUKE ʻAHĀ A MOSE, I KAPA ʻIA NĀ HELU 4:8

“A e hohola iho lākou ma luna o ia mau mea i ka lole ʻulaʻula, a e hoʻouhi aʻe ia mea i uhi ʻili tahasa, a e hoʻokomo i kona mau ʻauamo.

KA ʻEUANELIO I KĀKAU ʻIA AI E MATAIO 5:15

“ʻAʻole i hoʻā ʻia ke kukui i mea e waiho ʻia ai ma lalo iho o ke poʻi; akā, ma kahi e kau ai ʻo ke kukui, i mālamalama no ka poʻe a pau i loko o ka hale.

KA HŌʻIKE ʻANA A IOANE KA HAIPULE 1:20

“I ka mea pohihihi o nā hōkū ʻehiku āu i ʻike ai ma koʻu lima ʻākau, a me nā ipu gula ʻehiku. ʻO nā hōkū ʻehiku, ʻo lākou nā ʻānela o ua mau ʻekalesia lā ʻehiku; a ʻo nā ipukukui ʻehiku, ʻo ia nō ua poʻe ʻekalesia ʻehiku lā.”