KA BUKE ʻAHĀ A MOSE, I KAPA ʻIA NĀ HELU 34:3 - Ka Baibala Hemolele

³ ‘A laila, ʻo ko ʻoukou ʻaoʻao hema, aia nō ia mai ka wao nahele ʻo Zina, e pili ana i ka palena ʻo ʻEdoma; a ʻo ko ʻoukou mokuna hema ma ke kihi loa o ka Moana Kai, a moe aku i ka hikina;

KA BUKE ʻAHĀ A MOSE, I KAPA ʻIA NĀ HELU 34:3 Iomraidhean Croise

KA BUKE MUA A MOSE, I KAPA ʻIA KINOHI 14:3

I hoʻākoakoa ʻia kēia poʻe a pau ma ke awāwa ʻo Sidima, kahi ia o ka Moana Paʻakai.

KA BUKE ʻALUA A MOSE, I KAPA ʻIA PUKA ʻANA 23:31

“A naʻu nō e kau i kou palena mai ke Kai ʻUla, a hiki i ke Kai o Pilisetia, a mai ka wao nahele hoʻi a hiki i ka Muliwai; no ka mea, e hāʻawi aku ana au i nā kānaka o ia ʻāina i ko ʻoukou lima; a e kipaku aku ʻoe iā lākou mai kou alo aku.

KA WĀNANA A ʻEZEKIʻELA 47:13

¶ Ke ʻī mai nei Iēhova ka Haku, penei, “Eia ka palena e ʻai ai ʻoukou i ka ʻāina, ma muli o nā ʻohana ʻumikumamālua o ʻIseraʻela; he mau ʻāpana ko Iosepa.

KA WĀNANA A ʻEZEKIʻELA 47:8

A laila, ʻōlelo maila ʻo ia iaʻu, “Ke puka aku nei kēia mau wai i ka ʻāina hikina, a ke kahe nei i lalo i ka wao nahele, a komo i ka moana; a hoʻokomo ʻia i loko o ka moana e hoʻōla ʻia nā wai.

KA BUKE ʻAHĀ A MOSE, I KAPA ʻIA NĀ HELU 13:21

¶ Piʻi akula lākou a mākaʻikaʻi aʻela i ka ʻāina, mai ka wao nahele ʻo Zina a hiki aku i Rehoba, ma ke ala e hele aku ai i Hamata.

KA BUKE A IOSUA 1:4

“Mai ka wao nahele mai, a mai Lebanona nei a hiki i ka muliwai nui, ʻo ia hoʻi ka muliwai ʻo ʻEuperate, ʻo ka ʻāina a pau o kā Heta, a hiki i ka Moana Nui ma ke komohana, ʻo ia ko ʻoukou mokuna.

KA BUKE A IOSUA 3:16

a laila, kū mālie nō nā wai i kahe ma luna mai, a piʻi akula, a lilo i puʻu lōʻihi loa a hiki wale aku i ke kūlanakauhale i ʻAdama, e pili ana i Zaretana; a ʻo ka wai i kahe ma ke kai o ka pāpū, ʻo ia hoʻi ka Moana Kai, moku ihola ia a maloʻo; a hele akula nā kānaka i kēlā kapa, ma ke alo o Ieriko.