KA BUKE ʻAHĀ A MOSE, I KAPA ʻIA NĀ HELU 33:53 - Ka Baibala Hemolele

⁵³ ‘E hoʻohemo aku ʻoukou i ko ka ʻāina, a e noho iho ʻoukou i laila; no ka mea, ua hāʻawi aku au i ka ʻāina no ʻoukou e komo ai i laila.

KA BUKE ʻAHĀ A MOSE, I KAPA ʻIA NĀ HELU 33:53 Iomraidhean Croise

KA BUKE MUA A MOSE, I KAPA ʻIA KINOHI 15:7

ʻĪ maila kēlā iā ia, “ʻO wau nō Iēhova nāna ʻoe i lawe mai nei, mai ʻUra o ko Kaledea mai, e hāʻawi aku nou i kēia ʻāina i wahi e noho ai.”

KA BUKE O NĀ HALELŪ 115:16

¶ Na Iēhova nō nā lani o nā lani; Ua hāʻawi mai naʻe ʻo ia i ka honua no nā keiki a kānaka.

KA BUKE NO DANIʻELA 4:17

“ʻO ka manaʻo paʻa kēia o nā mea kiaʻi, A ʻo ke kauoha hoʻi a nā mea hemolele; I ʻike ai ka poʻe e ola ana Aia ma luna o ke aupuni kanaka ka Mea Kiʻekiʻe e aliʻi ana, A hāʻawi aku nō ʻo ia ia mea na ka mea āna e makemake ai, A hoʻonoho ma luna iho i nā kānaka lalo loa.”

KA BUKE NO DANIʻELA 4:25

e kipaku lākou iā ʻoe mai nā kānaka aku, a ʻo kou wahi e noho ai aia nō ia me nā holoholona o ke kula, a e ʻai iho ʻoe i ka weuweu e like me nā bipi kauō, a e hoʻopulu ʻia nō hoʻi ʻoe i ka hau o ka lani, a hala nā manawa ʻehiku ma luna ou, a ʻike ʻoe e aliʻi ana ka Mea Kiʻekiʻe ma luna o ke aupuni kanaka, a hāʻawi aku nō ʻo ia ia mea i kāna mea e manaʻo ai.

KA BUKE NO DANIʻELA 4:32

‘A e kipaku ʻia nō ʻoe mai nā kānaka aku, a ʻo kou wahi e noho ai aia pū nō ia me nā holoholona o ke kula; a e hānai ʻia ʻoe i ka mauʻu e like me nā bipi kauō, a hala mai ma luna ou nā manawa ʻehiku; a ʻike ʻoe ʻo ka Mea Kiʻekiʻe ʻo ia ke aliʻi ma ke aupuni o kānaka, a e hāʻawi ʻia nō ia i kāna mea e manaʻo ai.’

KA ʻEUANELIO I KĀKAU ʻIA AI E MATAIO 20:15

‘ʻAʻole anei au e pono ke hana aku me kaʻu ma muli o koʻu makemake? Ua hewa anei kou maka i koʻu lokomaikaʻi?’

KA BUKE ʻALIMA A MOSE, I KAPA ʻIA KĀNĀWAI LUA 11:31

“No ka mea, e hele ana ʻoukou ma kēlā kapa o Ioredane e komo i loko o ka ʻāina a Iēhova ko ʻoukou Akua e hāʻawi mai ai no ʻoukou, a e komo nō ʻoukou, a e noho ʻoukou ma laila.

KA BUKE ʻALIMA A MOSE, I KAPA ʻIA KĀNĀWAI LUA 17:14

¶ “A hiki aku ʻoe ma ka ʻāina a Iēhova kou Akua e hāʻawi mai ai iā ʻoe, a lilo ia nou, a noho ʻoe i laila, a e ʻōlelo iho ʻoe, ‘E hoʻonoho au i aliʻi ma luna oʻu, e like me nā lāhui kanaka a puni oʻu’;

KA BUKE ʻALIMA A MOSE, I KAPA ʻIA KĀNĀWAI LUA 3:18

¶ “Kauoha akula au iā ʻoukou i kēlā manawa, ʻī akula, ‘Ua hāʻawi mai ʻo Iēhova ko ʻoukou Akua i kēia ʻāina iā ʻoukou e lilo no ʻoukou; ʻo ʻoukou ka poʻe koa ke hele me ke kāhiko i ke kaua i mua o ko ʻoukou poʻe hoahānau, ʻo nā mamo a ʻIseraʻela.

KA BUKE ʻALIMA A MOSE, I KAPA ʻIA KĀNĀWAI LUA 32:8

“I ka manawa a ka Mea Kiʻekiʻe i puʻunaue ai ka ʻāina no nā lāhui kanaka, I ka manawa āna i hoʻokaʻawale ai nā keiki a ʻAdamu, Hōʻike mai ia i nā palena no nā kānaka, E like me ka nui o nā mamo a ʻIseraʻela.

KA BUKE ʻALIMA A MOSE, I KAPA ʻIA KĀNĀWAI LUA 7:17

¶ “Inā paha e ʻī iho ʻoe ma loko o kou naʻau, ‘Ua ʻoi aku ka nui o kēia mau lāhui kanaka i koʻu; pehea lā e hiki iaʻu ke kipaku aku iā lākou?’

KA BUKE A IOSUA 1:6

“E ikaika ʻoe a e koa hoʻi; no ka mea, nāu nō e hoʻoili i kēia poʻe kānaka i ka ʻāina aʻu i hoʻohiki ai i ko lākou poʻe mākua e hāʻawi aku no lākou.

KA BUKE A IOSUA 21:43

¶ A ua hāʻawi mai ʻo Iēhova i kā ʻIseraʻela i ka ʻāina a pau āna i hoʻohiki ai e hāʻawi i ko lākou poʻe mākua, a ua lilo ia no lākou, a ua noho lākou ma laila.

KA BUKE A IOSUA 23:5

“Na Iēhova, na ko ʻoukou Akua, e kipaku iā lākou, mai ko ʻoukou alo aku, a e hoʻonalowale iā lākou i mua o ʻoukou; a e hoʻoili mai i ko lākou ʻāina no ʻoukou, e like me ka ʻōlelo a Iēhova, ko ʻoukou Akua i ʻōlelo mai ai iā ʻoukou.