KA BUKE ʻAHĀ A MOSE, I KAPA ʻIA NĀ HELU 32:33 - Ka Baibala Hemolele

³³ ¶ A hāʻawi akula ʻo Mose no lākou, no nā mamo a Gada a me nā mamo a Reubena, a me ka ʻohana hapa a Manase a ke keiki a Iosepa, i ke aupuni o Sihona ke aliʻi o kā ʻAmora, a me ke aupuni o ʻOga ke aliʻi o Basana, i ka ʻāina me nā kūlanakauhale ona, ma nā palena, nā kūlanakauhale o ia ʻāina a puni.

KA BUKE ʻAHĀ A MOSE, I KAPA ʻIA NĀ HELU 32:33 Iomraidhean Croise

KA BUKE MUA O KA ʻOIHANA ALIʻI 12:31

A ʻo ka ʻohana hapa a Manase, he ʻumikumamāwalu tausani, i kāhea ʻia ma ka inoa e hele mai e hoʻoaliʻi iā Dāvida.

KA BUKE MUA O KA ʻOIHANA ALIʻI 26:32

A ʻo kona poʻe hoahānau nā kānaka koa, ʻelua tausani me nā haneri ʻehiku o nā mākualiʻi, ka poʻe a Dāvida i hoʻonoho ai i poʻe luna o kā Reubena, kā Gada, a me ka ʻohana hapa a Manase, no nā mea a pau a ke Akua, a me nā mea a ke aliʻi.

KA BUKE MUA O KA ʻOIHANA ALIʻI 5:18

¶ ʻO nā mamo a Reubena a me kā Gada, a me ka ʻohana hapa a Manase, nā kānaka koa, nā kānaka hiki ke lawe i ka pale kaua a me ka pahi kaua, a ke pana aku me ke kakaka, a he akamai i ke kaua, he kanahākumamāhā tausani, ʻehiku haneri a me ke kanaono, i hele aku i ke kaua.

KA BUKE ʻAHĀ A MOSE, I KAPA ʻIA NĀ HELU 32:1

¶ He nui loa nā holoholona a nā mamo a Reubena, a me nā mamo a Gada; a i ka manawa i ʻike ai lākou i ka ʻāina ʻo Iazera a me ka ʻāina ʻo Gileada, aia hoʻi, he wahi pono ia no nā holoholona;

KA BUKE ʻAHĀ A MOSE, I KAPA ʻIA NĀ HELU 32:32

“E hele mākaukau aku nō mākou i mua o Iēhova i loko o ka ʻāina ʻo Kanaʻana, i lilo ai no mākou ka ʻāina o ko mākou kuleana ma kēia ʻaoʻao o Ioredane.”

KA BUKE ʻAHĀ A MOSE, I KAPA ʻIA NĀ HELU 34:14

“No ka mea, ua loaʻa i ka ʻohana mamo a Reubena ma ka hale o ko lākou poʻe mākua, a i ka ʻohana mamo a Gada, ma ka hale o ko lākou poʻe mākua, a i ka ʻohana hapa a Manase, ko lākou ʻāina hoʻoili.

KA BUKE ʻAHĀ A MOSE, I KAPA ʻIA NĀ HELU 34:15

“Ua loaʻa i nā ʻohana ʻelua a me ka ʻohana hapa ko lākou ʻāina hoʻoili ma kēia ʻaoʻao o Ioredane, ma Ieriko a ka hikina aku, ma ka puka ʻana o ka lā.”

KA BUKE ʻALIMA A MOSE, I KAPA ʻIA KĀNĀWAI LUA 29:8

“A lawe kākou i ko lāua ʻāina, a hāʻawi akula ia i wahi e noho ai no kā Reubena, a me kā Gada a me ka ʻohana hapa a Manase.

KA BUKE A IOSUA 12:1

¶ Eia nā aliʻi a ka poʻe mamo a ʻIseraʻela i luku aku ai, a lawe aku i ko lākou ʻāina, ma kēlā kapa o Ioredane ma ka hikina a ka lā, mai ke kahawai ʻo ʻArenona, a hiki i ka mauna ʻo Heremona, a me ka pāpū a pau ma ka hikina.

KA BUKE A IOSUA 12:6

Ua pepehi ʻia lākou e Mose, e ke kauā a Iēhova, a me kā ʻIseraʻela, a hāʻawi ʻo Mose ke kauā a Iēhova ia mea i ʻāina hoʻoili na kā Reubena, a me kā Gada, a me ka ʻohana hapa a Manase.

KA BUKE A IOSUA 14:3

No ka mea, ua hāʻawi ʻē ʻo Mose i ka ʻāina hoʻoili i nā ʻohana ʻelua a me ka ʻohana hapa ma kēlā kapa o Ioredane; akā, ʻaʻole i hāʻawi ʻo ia i hoʻoilina no kā Levi i waena o lākou.

KA BUKE A IOSUA 22:4

“ʻĀnō lā, ua hoʻomaha mai ʻo Iēhova ko ʻoukou Akua i ko ʻoukou poʻe hoahānau, e like me kāna ʻōlelo ʻana mai iā lākou; ʻānō lā, e hoʻi aku ʻoukou, a e hele hou i ko ʻoukou mau halelewa, i ka ʻāina i loaʻa iā ʻoukou, ua hāʻawi mai ʻo Mose, ke kauā a Iēhova iā ʻoukou i kēlā kapa o Ioredane.

KA BUKE A IOSUA 22:7

¶ Ua hāʻawi mai ʻo Mose no kekahi ʻohana hapa o Manase e noho ana ma Basana; ʻo kekahi ʻohana hapa hoʻi, hāʻawi mai ʻo Iosua no lākou, me ko lākou poʻe hoahānau, ma kēia kapa o Ioredane ma ke komohana. A laila, hoʻouna akula ʻo ia iā lākou i ko lākou halelewa, a hoʻomaikaʻi ʻo ia iā lākou.

KA BUKE MUA A SAMUʻELA 13:7

A ʻo kekahi poʻe Hebera hele akula ma kēlā ʻaoʻao o Ioredane ma ka ʻāina ʻo Gada, a ʻo Gileada; a ma Gilegala ʻo Saula, a haʻalulu nā kānaka ma muli ona.