KA BUKE ʻAHĀ A MOSE, I KAPA ʻIA NĀ HELU 32:32 - Ka Baibala Hemolele

³² “E hele mākaukau aku nō mākou i mua o Iēhova i loko o ka ʻāina ʻo Kanaʻana, i lilo ai no mākou ka ʻāina o ko mākou kuleana ma kēia ʻaoʻao o Ioredane.”

KA BUKE ʻAHĀ A MOSE, I KAPA ʻIA NĀ HELU 32:32 Iomraidhean Croise

KA BUKE ʻAKOLU A MOSE, I KAPA ʻIA ʻOIHANA KAHUNA 14:34

“Aia komo ʻoukou i ka ʻāina ʻo Kanaʻana aʻu e hāʻawi ai iā ʻoukou i hoʻoilina, a hoʻokomo au i ka ʻino lēpera i loko o ka hale o ka ʻāina o ʻoukou;

KA BUKE ʻAHĀ A MOSE, I KAPA ʻIA NĀ HELU 32:19

“No ka mea, ʻaʻole mākou e ʻai ʻāina me lākou ma kēlā ʻaoʻao o Ioredane; a ma ʻō aku; no ka mea, ua loaʻa iā mākou ko mākou ʻāina hoʻoili ma kēia ʻaoʻao o Ioredane ma ka hikina.”

KA BUKE ʻAHĀ A MOSE, I KAPA ʻIA NĀ HELU 32:31

ʻŌlelo maila nā mamo a Gada a me nā mamo a Reubena, ʻī maila, “E like me kā Iēhova i ʻōlelo mai ai i kāu poʻe kauā, pēlā nō mākou e hana aku ai.

KA BUKE ʻAHĀ A MOSE, I KAPA ʻIA NĀ HELU 32:33

¶ A hāʻawi akula ʻo Mose no lākou, no nā mamo a Gada a me nā mamo a Reubena, a me ka ʻohana hapa a Manase a ke keiki a Iosepa, i ke aupuni o Sihona ke aliʻi o kā ʻAmora, a me ke aupuni o ʻOga ke aliʻi o Basana, i ka ʻāina me nā kūlanakauhale ona, ma nā palena, nā kūlanakauhale o ia ʻāina a puni.

KA BUKE ʻAHĀ A MOSE, I KAPA ʻIA NĀ HELU 34:15

“Ua loaʻa i nā ʻohana ʻelua a me ka ʻohana hapa ko lākou ʻāina hoʻoili ma kēia ʻaoʻao o Ioredane, ma Ieriko a ka hikina aku, ma ka puka ʻana o ka lā.”

KA BUKE ʻALIMA A MOSE, I KAPA ʻIA KĀNĀWAI LUA 1:1

¶ Eia nā ʻōlelo a Mose i ʻōlelo aku ai i kā ʻIseraʻela a pau ma kēia ʻaoʻao o Ioredane, ma ka wao nahele, ma ka pāpū e kū pono ana i Zupa, ma waena o Parana a me Topela, a me Labana, a me Hazerota, a me Dizahaba.

KA BUKE ʻALIMA A MOSE, I KAPA ʻIA KĀNĀWAI LUA 29:8

“A lawe kākou i ko lāua ʻāina, a hāʻawi akula ia i wahi e noho ai no kā Reubena, a me kā Gada a me ka ʻohana hapa a Manase.

KA BUKE ʻALIMA A MOSE, I KAPA ʻIA KĀNĀWAI LUA 3:12

¶ “A ʻo kēia ʻāina i lilo mai ai iā kākou i kēlā manawa, mai ʻAroera ma ke kahawai ʻo ʻArenona, a me ka hapalua o ka mauna o Gileada, a me ko laila mau kūlanakauhale, ʻo kaʻu ia i hāʻawi aku ai no kā Reubena a me kā Gada.

KA BUKE A IOSUA 12:1

¶ Eia nā aliʻi a ka poʻe mamo a ʻIseraʻela i luku aku ai, a lawe aku i ko lākou ʻāina, ma kēlā kapa o Ioredane ma ka hikina a ka lā, mai ke kahawai ʻo ʻArenona, a hiki i ka mauna ʻo Heremona, a me ka pāpū a pau ma ka hikina.

KA BUKE A IOSUA 12:6

Ua pepehi ʻia lākou e Mose, e ke kauā a Iēhova, a me kā ʻIseraʻela, a hāʻawi ʻo Mose ke kauā a Iēhova ia mea i ʻāina hoʻoili na kā Reubena, a me kā Gada, a me ka ʻohana hapa a Manase.