KA BUKE ʻAHĀ A MOSE, I KAPA ʻIA NĀ HELU 31:8 - Ka Baibala Hemolele

⁸ Pepehi ihola hoʻi lākou i nā aliʻi o Midiana, he ʻokoʻa kēlā poʻe o lākou i pepehi ʻia, ʻo ʻEvi, ʻo Rekema, ʻo Zura, ʻo Hura, a me Reba, nā aliʻi ʻelima o Midiana; pepehi ihola hoʻi lākou iā Balaʻama ke keiki a Beora me ka pahi kaua.

KA BUKE ʻAHĀ A MOSE, I KAPA ʻIA NĀ HELU 31:8 Iomraidhean Croise

KA BUKE O NĀ HALELŪ 10:2

ʻO ka mea hewa, i kona hoʻokano, Ua hoʻomaʻau mai ʻo ia i ka mea ʻilihune; E puni lākou i ka manaʻo a lākou i noʻonoʻo ai.

KA BUKE O NĀ HALELŪ 9:16

Ua ʻikea ʻo Iēhova, ua hana mai ia i ka pono; Ua punihei ka mea kolohe i ka hana a kona mau lima iho. Hikaiona. Sila.

NĀ ʻŌLELO AKAMAI A SOLOMONA 11:3

ʻO ka pono o ka mea pololei ʻo ia kona alakaʻi; Ma ka wahaheʻe hoʻi e make ai ka poʻe hoʻopunipuni.

NĀ ʻŌLELO AKAMAI A SOLOMONA 13:17

ʻO ke kūkini hewa, hāʻule ʻo ia i ka lalau, ʻO ka ʻelele ʻoiaʻiʻo hoʻi, ʻo ia ka mea e pono ai.

HABAKUKA 3:7

ʻIke akula au i nā halelewa o Kusana i ka pōpilikia; A haʻalulu nā pākū halelewa o ka ʻāina ʻo Midiana.

KA BUKE ʻAHĀ A MOSE, I KAPA ʻIA NĀ HELU 22:10

ʻĪ akula ʻo Balaʻama i ke Akua, “ʻO Balaka ke keiki a Zipora, ke aliʻi o Moaba, ua hoʻouna mai i oʻu nei, i ka ʻī ʻana,

KA BUKE ʻAHĀ A MOSE, I KAPA ʻIA NĀ HELU 22:4

ʻŌlelo akula ʻo Moaba i nā lunakahiko o Midiana, “E pau auaneʻi nā mea a pau o kākou i ka palu ʻia e kēia poʻe kānaka, e like me ka palu ʻana o ka bipi i ka weuweu o ke kula.” A ʻo Balaka ke keiki a Zipora ke aliʻi o kā Moaba ia manawa.

KA BUKE ʻAHĀ A MOSE, I KAPA ʻIA NĀ HELU 22:5

No ia mea, hoʻouna akula ia i mau ʻelele i o Balaʻama lā ke keiki a Beora i Petora ma ka muliwai o ka ʻāina o nā keiki o kona poʻe kānaka, e kiʻi iā ia, ʻī akula, “Eia hoʻi, he poʻe kānaka i hele mai nei mai ʻAigupita mai; aia hoʻi, ke uhi paʻapū nei lākou i ka ʻāina, a e noho kūpono ana lākou i oʻu nei!

KA BUKE ʻAHĀ A MOSE, I KAPA ʻIA NĀ HELU 23:10

“ʻO wai lā e hiki ke helu i nā huna lepo o Iakoba, A me ka lehulehu o ka hapahā o kā ʻIseraʻela? E ake au e make i ka make ʻana o ka mea pono, I like hoʻi kuʻu hope me kona!”

KA BUKE ʻAHĀ A MOSE, I KAPA ʻIA NĀ HELU 24:14

“ʻĀnō hoʻi, ke hoʻi aku nei au i koʻu poʻe kānaka; ʻeā, e haʻi ʻē aku nō au iā ʻoe i ka mea a kēia poʻe kānaka e hana mai ai i kou poʻe kānaka i nā lā ma hope.”

KA BUKE ʻAHĀ A MOSE, I KAPA ʻIA NĀ HELU 24:25

Kū aʻela ʻo Balaʻama, hele akula ia, a hoʻi akula i kona wahi; a hele akula hoʻi ʻo Balaka i kona ʻaoʻao.

KA BUKE ʻAHĀ A MOSE, I KAPA ʻIA NĀ HELU 25:15

A ʻo ka inoa o ka wahine no Midiana i pepehi ʻia, ʻo ia ʻo Kosebi, ke kaikamahine a Zura, he luna ia o kekahi poʻe kānaka, no ka ʻohana aliʻi ma Midiana.

KA BUKE ʻAHĀ A MOSE, I KAPA ʻIA NĀ HELU 25:18

no ka mea, ke hoʻopilikia mai nei lākou iā ʻoukou, me ka hoʻowalewale ʻana a lākou i hoʻowalewale mai ai iā ʻoukou ma ka mea o Peora, a ma ka mea o Kosebi ke kaikamahine a kekahi aliʻi o Midiana, ko lākou kaikuahine, ʻo ka mea i pepehi ʻia i ka lā o ke ahulau no Peora.

KA BUKE ʻAHĀ A MOSE, I KAPA ʻIA NĀ HELU 31:16

“Aia hoʻi, ʻo kēia ka poʻe i hoʻowalewale i nā mamo a ʻIseraʻela, ma muli o ka manaʻo o Balaʻama, e lawehala iā Iēhova ma ka mea a Peora, a hiki mai nō ke ahulau i waena o ke anaina kanaka o Iēhova.

KA BUKE ʻAHĀ A MOSE, I KAPA ʻIA NĀ HELU 31:9

Lawe pio akula nā mamo a ʻIseraʻela i nā wāhine a me kā lākou poʻe keiki liʻiliʻi, a hao aʻela lākou i nā bipi o lākou a pau, me nā holoholona a pau o lākou, a me ko lākou waiwai a pau.

ʻO KA ʻEPISETOLE HOʻOLAHA ʻALUA A PETERO 2:15

Ua haʻalele lākou i ke ala o ka pono, ua hele hewa me ka hahai aku ma ka ʻaoʻao o Balaʻama a Bosora, ka mea i makemake i ka uku o ka hewa;

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

KA HŌʻIKE ʻANA A IOANE KA HAIPULE 19:20

A paʻa ihola ka holoholona, a me ke kāula wahaheʻe pū me ia, ka mea hana i nā mea kupanaha i mua ona, a pēlā ia i hoʻowalewale ai i ka poʻe i loaʻa ka hōʻailona o ka holoholona, a me ka poʻe i hoʻomana aku i kona kiʻi. A ua kiola ola ʻia aku lāua a ʻelua i loko o ka loko ahi e ʻaʻā ana i ka luaʻi pele.

KA HŌʻIKE ʻANA A IOANE KA HAIPULE 2:14

‘Akā, he mau mea kaʻu iā ʻoe; no ka mea, aia nō iā ʻoe kekahi poʻe mālama i ka manaʻo o Balaʻama, nāna i aʻo mai iā Balaka e kau i mua o nā mamo a ʻIseraʻela i ka mea e hina ai, e ʻai i nā mea i kaumaha ʻia na nā kiʻi, a e moekolohe hoʻi.