KA BUKE ʻAHĀ A MOSE, I KAPA ʻIA NĀ HELU 31:16 - Ka Baibala Hemolele

¹⁶ “Aia hoʻi, ʻo kēia ka poʻe i hoʻowalewale i nā mamo a ʻIseraʻela, ma muli o ka manaʻo o Balaʻama, e lawehala iā Iēhova ma ka mea a Peora, a hiki mai nō ke ahulau i waena o ke anaina kanaka o Iēhova.

KA BUKE ʻAHĀ A MOSE, I KAPA ʻIA NĀ HELU 31:16 Iomraidhean Croise

NĀ ʻŌLELO AKAMAI A SOLOMONA 23:27

No ka mea, he ʻauwaha hohonu ka wahine hoʻokamakama, He lua ʻino hoʻi ka wahine ʻē.

KE KAHUNA 7:26

A ua loaʻa mai iaʻu kēia, ʻo ka wahine nona ka naʻau e hoʻohihia ai, a e hoʻohei ai, nona hoʻi nā lima e paʻa ai me he kaula lā, ua ʻoi aku kona ʻawaʻawa ma mua o ka make; ʻo ka mea maikaʻi i mua o ke Akua e pakele nō ia mai ona aku lā; akā, ʻo ka mea hewa, e hihia auaneʻi ʻo ia iā ia.

KA BUKE ʻAHĀ A MOSE, I KAPA ʻIA NĀ HELU 24:14

“ʻĀnō hoʻi, ke hoʻi aku nei au i koʻu poʻe kānaka; ʻeā, e haʻi ʻē aku nō au iā ʻoe i ka mea a kēia poʻe kānaka e hana mai ai i kou poʻe kānaka i nā lā ma hope.”

KA BUKE ʻAHĀ A MOSE, I KAPA ʻIA NĀ HELU 25:18

no ka mea, ke hoʻopilikia mai nei lākou iā ʻoukou, me ka hoʻowalewale ʻana a lākou i hoʻowalewale mai ai iā ʻoukou ma ka mea o Peora, a ma ka mea o Kosebi ke kaikamahine a kekahi aliʻi o Midiana, ko lākou kaikuahine, ʻo ka mea i pepehi ʻia i ka lā o ke ahulau no Peora.

KA BUKE ʻAHĀ A MOSE, I KAPA ʻIA NĀ HELU 31:8

Pepehi ihola hoʻi lākou i nā aliʻi o Midiana, he ʻokoʻa kēlā poʻe o lākou i pepehi ʻia, ʻo ʻEvi, ʻo Rekema, ʻo Zura, ʻo Hura, a me Reba, nā aliʻi ʻelima o Midiana; pepehi ihola hoʻi lākou iā Balaʻama ke keiki a Beora me ka pahi kaua.

KA BUKE ʻALIMA A MOSE, I KAPA ʻIA KĀNĀWAI LUA 4:3

“Ua ʻike ko ʻoukou maka i ka mea a Iēhova i hana mai ai no Baʻala Peora; no ka mea, ʻo nā kānaka a pau i hahai ma muli o Baʻala Peora, na Iēhova kou Akua lākou i luku aku mai o ʻoukou aku.

KA BUKE A IOSUA 22:17

ʻHe ʻuʻuku anei ka hewa o Peora iā kākou, ʻaʻole kākou i holoi aku i kēia mea, mai o kākou aku, a hiki mai i kēia lā, he mea ia i ahulau ai ke anaina o Iēhova,

ʻO KA ʻEPISETOLE HOʻOLAHA ʻALUA A PETERO 2:15

Ua haʻalele lākou i ke ala o ka pono, ua hele hewa me ka hahai aku ma ka ʻaoʻao o Balaʻama a Bosora, ka mea i makemake i ka uku o ka hewa;

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

KA HŌʻIKE ʻANA A IOANE KA HAIPULE 2:14

‘Akā, he mau mea kaʻu iā ʻoe; no ka mea, aia nō iā ʻoe kekahi poʻe mālama i ka manaʻo o Balaʻama, nāna i aʻo mai iā Balaka e kau i mua o nā mamo a ʻIseraʻela i ka mea e hina ai, e ʻai i nā mea i kaumaha ʻia na nā kiʻi, a e moekolohe hoʻi.